يوجد على زوجي قضية مٌشاجرة وَ عدم تأمين هل يؤثر على دراسة المعهد و الجامعة ؟

السلام عليكم ورحمة الله وبركاته

الله يجزاكم خير انا عندي استفسار ضروري اتمنى تفيدوني

انا زوجي يدرس بمعهد بامريكا وللأسف قبل كم يوم صار لهم حادث هو واصحابه بالسياره وضربو بسيارة امريكان سكرانين
نزلو الامريكان معصبين ويصرخون وبدو بالضرب فزوجي واصحابه ردو عليهم بالضرب وجت الشرطه وخذتهم
وتحولت الى قضيه > المشكله ان سيارة زوجي ما عليها تأمين فصارت عليه قضيه لأن السياره ماعليها تأمين غير قضية الضرب
انا على اساس بعد الكريسمس اروح لزوجي ادرس هناك لكن ماني عارفه هل المعهد والجامعه ما يسمحون لزوجي بالدراسه بسبب القضيه
وهل قضية الحادث والضرب وقضية التأمين قضيه كبيره ؟ علما ان الملحقيه علمت بالموضوع وبترسل لهم محامي

افيدوني الله يجزاكم خير اللي قد صار معه ما يشابه لهالموقف او سامع من قبل بشباب صارت لهم هالمشاكل
والله يعطيكم العافيه .

؟؟؟؟؟؟؟؟؟؟؟؟؟؟؟؟؟؟؟؟؟؟

رجاء اللي عنده معلومه يفيدني

اولا زوجك ع حسابة الخاص او ع البعثة
ثانيا قضية التأمين ماعتقد تأثر في دراسته ولا قضية المضاربة لان الأمريكان هم من قام بالاعتداء
بالاول ودام هناك محامي موكل من قبل الملحقية فإن شاء الله يحلوا الموضوع

الله يكون بعونكم ويسهل اموركم ..
عموما القضيه (حسب علمي) مالها علاقه بالدراسه ..
لان الجامعه والمعاهد ما تطلب سجل اجرامي لاي طالب قبل لا يلتحق فيه .. فا مارح يهتمون او يعرفون عن القضيه ،، بعض الجامعات يقدمون خدمات قانونيه ببلاش للطلاب .. فا شي عادي يكون عليه قضيه بالنسبه للمجتمع الامريكي ...
حسب علمي ان عدم التامين يعتبر مخالفه و يدفعونكم غرامه بس ما ادري اذا في اي شي ثاني يترتب على الموضوع...
الغربه كلها دروس وهذا اول درس لكم ،، وكلنا مرينا بدروس علمتنا ..
الله يسهل اموركم وييسرها ...

اقتباس:

---

المشاركة الأصلية كتبت بواسطة alihassan04

اولا زوجك ع حسابة الخاص او ع البعثة
ثانيا قضية التأمين ماعتقد تأثر في دراسته ولا قضية المضاربة لان الأمريكان هم من قام بالاعتداء
بالاول ودام هناك محامي موكل من قبل الملحقية فإن شاء الله يحلوا الموضوع

---

لا عالبعثه
قضية التأمين دفع عليها غرامه لكن قضية المضاربه مافي شهود ان الامريكان هم بدو بالضرب
انا بس اللي اسئله هل في احتمال ترحيل ولا لا ويعطيك العافيه