رد: بخصوص المعاهد المتكدسه .. هل تتغير بعد فترة ؟
اقتباس:
المشاركة الأصلية كتبت بواسطة shayar
السلام عليكم
أنا كنت أبغاء أسجل في معهد ELS في سانت لويس بس المشكله أنه المعهد أنشال من الموقع حق سفير غالبا أنه في تكدس في المعهد
فيه معهد ثاني في سانت لويس أسمه ESL أنا قلت أنه أسجل عليه عشان أطلع التأشيره وبعدين أذا رحت سانت لويس أغير المعهد من هناك
هل الملحقية في أمريكا توافق لي أنه أغير المعهد وأسجل في معهد جديد حتى لوكان فيه تكدس
أذا كان عندي احد يقدر يجيب لي قبول في معهد ELS هل راح أقدر أسجل عليه من هنا مع أنه مقفل في موقع سفير أو انه ماراح يوافقون لي عليه عشان التكدس
هل يأثر على التأشيره أنه لازم يكون فيها نفس المعهد ألي أدرس فيه
.. هل عندكم معلومات عن معهد ESL وعن الدراسه فيه وعن أنظمته وكم جامعة يعطي عليها قبول وهل يطلب الأيتلس أو التوفل
اقتباس:
المشاركة الأصلية كتبت بواسطة فهد_المطيري
السلام عليكم أخواني أنا طلبت ضمان مالي للمرحلة الأكاديمية وكتبت اسم الجامعة وتمت الموافقة وجاني الضمان وجبت قبول مشروط من الجامعة ومن معهدها الي هو طبعا من أفضل المعاهد بأمريكا بس مشكلته التكدس وماهو من ضمن قائمة المعاهد حق المرحلة العاشرة سألتهم كأستفسار انه عندي قبول مشروط والمعهد متكدس ردو علي بالحرف الواحد ( عليك الالتزام بقائمة المعاهد واذا كان لديك اسباب الأستثناء تواصل مع الملحقية ) كلمت الملحقية قالوا من حالات الأستثناء للدراسة بمعهد متكدس انه يكون معاك قبول مشروط ....
شنو تنصحوني اسوي حاليا اكمل الفيزا واقدم علي اصدار قرار الابتعاث وعادي مع انه الخوف ما يصدرو القرار والله الواحد ما يدري شنو يسوي يلزمونا بمعاهد معينه ما يصير يعني الي له مدة يبحث عن المعاهد علي حسب وضعه ينصدم بأن غير موجود .....
اقتباس:
المشاركة الأصلية كتبت بواسطة Legally Saudi
السلام عليكم ورحمة الله وبركاته
حابه استفسر بخصوص المعاهد المتكدسة
كل ما اختار ولاية ومنطقة اجد المعاهد اللي فيها متكدسة والمعاهد المتاحة في مناطق لا أرغب فيها
أنا مو مستعجله على بداية الدراسة ابغى في الفترة اللي بعد May2014
هل يمكن حالة التكدس تتغير أو اني احجز مقعد من الحين او وش اقدر اسوي بالضبط
اتواصل مع الملحقية أو المعهد اللي راغبة فيه
تكفون محتاجة مساعدتكم تعبت من ذا الموضوع
وعليكم السلام ورحمة الله وبركاتة ..
حياكم الله ..
تم نقل جميع مواضيعكم للقســــم الصحيح ودمجها !!
بالنسبة للقائمة ..
لا أحد يضمن تغييرها فبعض المعاهد بقت كما هي لمدة طويلة مُغلقه ..
لذا الأفضل عدم الإعتماد على أمر غير مضمون ..
بالنسبة للأخ فهد المطيري ..
لا يوجــــد معهد في أمريكا يعتبر هو الأفضـــل وَ الأقوى خُذها مني كشخص بحث سابقاً بخصوص هذا الأمر ..
أما موضوعك ..
لا أعلم حقيقة .. ولكن بما أنك تملك قبول مشروط و الملحقية أخبرتك بإيميل رسمي و الوزارة قبل ذلك ..
أصدر فيزتك عليه
ولكن يجب أن تتأكد من أمر مُهم وَ أن لا تغفل عنه .. هل فيما بعد إذا أصدرت فيزتك وطلبت إصدار قرار إبتعاث ..
الوزارة ستوافق بشكل مباشر أم ستقول بأن عليك الإلتزام بهذا الأمر ؟
من رأيي أرسل إستفسار ممثال للإستفسار الأول .. قد تجد تناقض في ردود الوزارة كما هي العادة !!
و الأهم : إستخيــــــــر !!
بالنسبة للسائل ومعهد سانت لويس ..
يجب أن تلتزم بالمدينة وَ المعهد الموجود دائماً في الفيزة عند الذهاب أول مرة لأمريكا .. ضروري جداً
الدراسة في المعهد المسجل في الفيزا !!
أما طلبك لإحضار قبول !!
أنصحك بعدم الإتكالية في هذا الموضوع لأن قبول المعهد جداً سهل ..
تفضل هذا الموضوع :
http://www.mbt3th.us/vb/forum127/thread459541.html
تمنياتي لكم بالتوفيق ,,