مساعدة تأجيل و إلغاء البعثة ..

السلام عليكم ورحمة الله

انا ابغا منكم النصيحة والمساعدة في مشكلتي مع الفيزا الله يسهل امرها.
انا رجعت السعودية في نهاية الصيف وفيزتي ال F1 انتهت. مقابلتي كانت بتاريخ July 28th في قنصلية جدة وفي نهاية المقابلة قال انه فيزتي بتأخد وقت وحنتصل عليك اذا احتجنا شي واخد جوازي ومع السلامة. بعد ما طلعت ورجعت البيت وانا متضايق شيكت على حالة الفيزا وطلع Administrative Processing. يا جماعة الخير, الي اليوم (اكثر من 5 شهور) والحالة ما تغيرت بنفس التاريخ ونفس كل شي. الين دحين مافي رد ولا خبر منهم. ارسلت عشرات الايميلات لي UStraveldocs@state.com و jeddahvisas@state.gov وردهم واحد, حالتك لسع تحت الاجرائات الادارية ومافي وقت محدد لانهاء الاجراء. وعلى كدا ماشي الموال حسبي الله ونعم الوكيل فيهم. ما اعرف ايش سبب التأخير وفين معاملتي بالزبط وايش سويت من الاساس.

انا باقيلي سنة وتخرج, الفصل الدراسي بدأ في Aug 31st وحذفت كل المواد من ضمنها مشروع التخرج وكلمت الجامعة و قلتلهم عن مشكلتي مع الفيزا و وافقوا على Academic Leave لهذا الفصل; مو بس كدا, حتا قدمت على تأجيل بعثة (4 شهور) للملحقية و وافقوا عليها برضوا.

أنا الحمد لله معدلي كويس, ولا قد حصلتلي مشكلة ولا سويت مصيبة ووضعي فالجامعة good acadmic standing ودخلت وخرجت من امريكا في اكثر من مرة لمن فيزتي كانت لسع سارية المفعول ولا احد قالي شي.

المشكلة دحين الفصل الجاي حيبدأ في January 11th وانا سجلت المواد الي باخدها. يعني اقل من 8 ايام من الفصل الجاي, ومني عارف اذا الفيزا حتطلع ولا لا.

تأجيل بعثتي الحالية هوا من Aug 31st, 2015 - Jan 11th, 2016 يعني 4 شهور, تنصحوني انتظر اسبوعين بعد بداية الفصل واذا ما طلعت الفيزا اطلب تأجيل بعثة مرة اخرى؟

الأمر الثاني, اذا طلبت تأجيل البعثة اقدر احطها مثلا 8 شهور؟ يعني السبرنق 4 شهور والصيف 4 شهور؟ يعني كذا حتكون من Jan 11th, 2016 - Aug 31st, 2016

لأني صراحة مني متأكد انه السنة الكاملة لأقصى مدة تأجيل معناتها Fall, Spring, Summer أم ان الترم الصيفي لا يحسب.

الأمر الأخير هوا, اذا الفيزا طلعت وابغا ارجع فالصيف, اقدر الغي تأجيل البعثة حينها؟

اسألتي كثيرة وهمي اكبر الله لا يجعل الدنيا اكبر همنا و الله يكتبلكم الأجر والخير في كل نصيحة وكلمة تقدموها للكل.

مين مر عليه احد مثلي
مشكلتي كبيره ولازلت اعاني
انا درست من اللغه 6 اشهر بس واضطريت ارجع لاسباب شخصيه والملحقيه عندهم خبر فيها وطبعا قطعوا عني الصرف وظليت سنتين بعدين قالوا يبون ينهون بعثتي وتفاهمت معهم ع اساس ماينهونها واني راجعه وتفاهموا معاي وماانهوها والحين لما تخسرت ورجعت لبلد الابتعاث رافضين القبول المشروط ويبون قبول نهائي بالرغم اني مااستنفدت فترة اللغه كامله واحتاج اني ادرس لغه ....مرررررره شايله هم واتخسرت كثيييييير

السلام عليكم
لقد اصدرت قرار الابتعاث .. ومن المفترض ان تبدأ دراستي في مارس 2016 .. ولكن بسبب ظروف خاصة لن استطيع الذهاب لدولة الابتعاث في الوقت المحدد 
هل يمكن تأجيل البعثة بعد اصدار القرار مع العلم بانني لم اذهب الى بلد الابتعاث بعد وباقي على اصدار القرار شهر وينتهي

وشكرا جزيلا مقدما للرد