استفسار ترقية البعثة للدكتوراه و إمتداد التخصص !

71 مشاهدة ولا رد.
يرحم والديكم ردو

يعنى محد رقى بعثته ؟؟

وعليكم السلام ورحمة الله وبركاته
حياك الله ..


إرفع طلب إستفسار للملحقية .. و أخبرنا بردهم في هذا الموضوع ..
بالتوفيق ،،

السلام عليكم،،

عندي سؤال عن ترقيه البعثه وارسلت للوزارة والى الان مااحد رد. ياليت احد يقدر يفيدني.

انا عندي ماحستير طفوله مبكرة و ابغى ارقي بعثتي للدكتوراة في تخصص تكنولوجيا التعليم.
هل احد عنده فكرة اذا الوزارة بتوافق على التخصص او حترفض بحجه عدم امتداد التخصص.

للعلم تخصص تكنولوجيا التعليم مقدم من كليه التربية.

وجزاكم الله خير،

الطفولة المبكرة وتقنيات التعليم كلها تحت تخصص التربية، يفترض أن الملحقية تتعامل بهذا المنظو. تنويع المشارب العلمية ودمج الخبرات توجه ممتاز لكن متى يفهم هذا الشيء ربعنا؟

الملحقية للأسف يتعمد المشرف يرسل لك رد غامض لأنه ما يعرف شيء
قبل فترة أرسلت استفسار وردت علي المشرفة برد لولا أني عربي والحمد لله لغتي العربية ممتازة كنت قلت إن هذا مو عربي هههه
على طول أخذت الجوال وأتصل عليها لين ردت علي، قلت لها ممكن أفهم وش معنى ردك؟
قالت ما له معنى!
قلت كيف يعني؟
قالت أنا تعمدت يكون رد مبهم لأنها ما سبقت مرت علينا حالة مثل هذي
وتقول أنا قلت أرد عليك كذا لين أشوف حل للموضوع لاحقا ولا أتأخرد عليك في الرد

المهم بأسلوب أقل لباقة ممكن نسميها "تصريفة" وسلامتكم

ألي اعرفه انو قبول الترقيه يتم من خلال جلسه في الوازرة في السعودية. بس معنى كلامك انه من خلال الملحقيه.

ياليت احد يأكد لي هذي المعلومه.
وشكرا

لا يا أختي ما ودي أحد يفهم ردي خطأ
المقصود: الملحقية أصلا تحتاج أن توافق على أوراقك قبل ترفعها للوزارة وغالبا موافقة الملحقية على رفع طلبك للوزارة هي بشارة أولية بقبول طلبك، واللجنة في الوزارة أكثر اطلاعا على اختلافات التخصص لكن قد "ينشب" لك المشرف في الملحقية ويقول لك مثلا "التخصصات مختلفة" لأن محدودية معلوماته حول الجامعات والتخصصات تجبره على الحرص والتأكد.

أمر آخر: المرافقين مثلا هذي تحسم أمورهم من الملحقية بدون الرفع للوزارة ولذلك أحيانا تعك الملحقية مع المرافقين بهذا الخصوص.

وشكرا

اتصورت العكس انو الملحقيه تتفهم اكثر من الوزارة. بس وضحت الفكرة.
شكرا و جزاك الله خير

ان شاءالله يجي احد ويفيدنا.

الملحقية مصيبتها في بعض المشرفين وعدم وضوح النظام في مثل هذه الأمور، هل الاعتبار بالتخصص العام أو التخصص الدقيق.
أذكر أحد مبتعثي الجامعات (صديق وزميل تخصص) ابتعث على أنه لغويات ثم أحضر قبول تخصص لغويات اجتماعية وهو تخصص ينطوي تحت التخصص العام، والملحقية نشبت له قالت التخصص مختلف عن قرار ابتعاثك من الجامعة، فاضطر يرفع طلب تغيير تخصص مع أنه في الأصل ما يحتاج لأنه ما زال تحت مظلة التخصص العامة.