المشاركة الأصلية كتبت بواسطة ror1991
السلام عليكم ورحمة الله وبركاته،
انا وزوجي مبتعثين وقبل تقريبا شهرين لقينا بطاقه موظف من الاف بي اي على باب الشقه ومكتوب الرجاء الاتصال بي . احنا كنا تقريبا سكان جدد ف الشقه ف طنشنا قلنا هذا اكيد مو لنا يمكن للناس اللي قبلنا لانه حتي ماكتب باسمنا انو اتصلو بس كتب الرجاء الاتصال. بعدها رحنا للسعودية ورجعنا انا كنت موجودة في البيت وزوجي غير موجود ف في احد دق الباب قلت مين قال انا من الاف بي اي ممكن اتكلم مع وقال لقب زوجي واتمنى اني اكون سمعت غلط . قلت لا مو موجود قال راح اترك بطاقتي عشان يتواصل معايا. وانا من يومها مرعوبه رعب شديد مع الرغم انو احنا ماسوينا شي غلط واصلا زوجي دايما مشغول في الجامعه وانا في دراستي الاماكن اللي نروحها ف المدينة اللي احنا فيها الجامعه والسوبر ماركت والمسجد فقط ومطاعم احيانا. وصرت طول وقتي افكر اتصلنا على الملحقية وطبعا كالعادة محد يرد وحدة فقط ردت علينا وقالت ارسلولي معلوماتك وبطاقه الشخص اللي جا وارسلنا وقالت السفارة راح تتواصل معاكم ومحد اتواصل معانا واتصلنا علي الطوارئ برضو محد يرد. احس اني جدا خايفه وطول الوقت تجي ف بالي اشياء مخيفه وصرت ما ارضى اجلس في البيت اخاف اجلس لحالي.
اتمنى احد يفيدني اذا حصل معا نفس الموقف وايش ممكن نسوي.