الأعضاء الإشتراك و التسجيل

الملتقيات
ADs

حوار بخصوص شحن الاغراض من السعوديه الی امريكا

حوار بخصوص شحن الاغراض من السعوديه الی امريكا


NOTICE

تنبيه: هذا الموضوع قديم. تم طرحه قبل 1037 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية norah.a.d
    norah.a.d

    مبتعث جديد New Member

    norah.a.d الولايات المتحدة الأمريكية

    norah.a.d , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى تقنيه حيويه , بجامعة جامعة فلوريدا
    • جامعة فلوريدا
    • تقنيه حيويه
    • أنثى
    • تامبا, فلوريدا
    • السعودية
    • Nov 2014
    المزيدl

    February 10th, 2015, 01:59 AM

    لو سمحتو انا عندي اغراض ابي اشحنها معي لامريكا (اغراض المطبخ ) مثلا ..

    ايش افضل شركة شحن وسعرها يكون معقول

    وياليت اللي له تجربه مع شركة معينه يقولي عن سعر الشحن للكرتون وكم وزنه ؟

    وشكرا ..
  2. المشاركة الأصلية كتبت بواسطة norah.a.d
    لو سمحتو انا عندي اغراض ابي اشحنها معي لامريكا (اغراض المطبخ ) مثلا ..

    ايش افضل شركة شحن وسعرها يكون معقول

    وياليت اللي له تجربه مع شركة معينه يقولي عن سعر الشحن للكرتون وكم وزنه ؟

    وشكرا ..
    السلام عليكم ورحمة الله وبركاته
    حياك الله ..

    أختي الأفضل عدم حمل مثل هذه الأشياء وشحنها .. لأنك ذاهبه أساسًا لدولة متقدمه وبها أفضل مما لدينا .. من الأفضل شراء هذه الأمور وجميع الأغراض المتعلقة بالمنزل من أمريكا أفضل ..
    توجد محلات متخصصه في أمريكا وهذه الآلات و الأدوات بكل مكان ..

    كونك جديده على الغربة من وجهة نظري ..
    تتوقعي بأن شحن أغراض من السعودية لأمريكا هو الحل الأمثل .. وهذا خطأ كبير لأن الطالب في أمريكا قد ينتقل من ولاية إلى أخرى في أي وقت ..
    و أمريكا بحجم قارة ونقلها معك من مكان لآخر أمر مُكلف ومتعب ..
    و الأمر الآخر، حتى بيعها أحيان " هم وودك تفتكين منها ..
    هذا الأمر سهل إذا كان الإنتقال من جده للرياض أو أي مدينه .. ولكن من دولة لأخــرى و الهدف الأول هو الدراسة ومن ثم العودة ..
    لا تفكري بالأمر نهائيًا ..

    لذا نصيحتي لك ..
    قللي من الأغراض و الأمتعه .. فـ أمريكا بلد جميل ويمتاز بمتعة التسوق !

    هذه وجهة نظر من واقع عشته بأمريكا وقبل ذلك بريطانيا .. ولك القرار !

    7 "
  3. الأخت الكريمة:
    خلينا نكون حشريين شوي ونسألك وش هي الأشياء اللي تبين ترسلينها من السعودية؟ أنا بصراحة ما أعرف شيء يستحق أنك تجيبه من السعودية إلا "التمر" لأن تمرهم هنا مش ولا بد، والقهوة تختلف الناس في مذاقاتها، وكذلك الهيل (هذي كلها متطلبات اللي ما يستغنون عن جلسة المغربية مع القهوة والتمر هههه) أما بقية الأشياء والله متوفرة خصوصا لا كان عندكم بقالات عربية في نفس المدينة.
    7 "
  4. المشاركة الأصلية كتبت بواسطة norah.a.d
    الاغراض بتكون مثلا المواعين وتشمل الترامس والفناجيل والبيالات لان مو متوفره عندهم والبهارات والقهوه وتوابعهم :/
    ههههههههه قولي كذا من أول !!
    أنا إستغربت أغراض مطبخ !!!! لأن صرت ما أستغرب شي، قبل مدهـ فيه وحده بتشحن أثاث من السعودية لأمريكا !!!

    مايحتاج شركة شحن !
    وزعيها على شناطكم لأنه مسموح لكل شخص يحمل عدد شنطتين .. و أكيد المرافق يضحي بشنطته الثانية لك ( :
    و الشنطة الخامسة بتكون زيادة و إدفعي قيمتها Online حتى تكسبي خصم على الدفع يصل أحيان إلى 35% !
    بدل الشحن و الدفع .. و أساسًا ماعندك سكن ثابت قبل السفر !

    شوفي هذا الموضوع إقرأي فيه .. الردود في الصفحات جدًا مُفيده:
    الوزن أثناء السفر (خطوط الإتحاد-الخطوط الأمريكية)؟ وبعض الخطوط الأخرى !!
    وهذا الموضوع:
    شاركنا بمعلومات مفيده (قبل, أثــناء, بعد) السفر لأمريكـا !!
    وهنا بدائل للمبتعثين:
    بديـل مبتعث ....حلول بديلة لكل مايخص المبتعثين في أمريكا [متجدد]

    ماعليك خُذي قدر حاجتك لمدة 6 - 9 أشهر ومع كُل إجازه إلى السعودية و العودة لأمريكا طبقي نفس الأمر !
    بالتوفيق ،،

    7 "
  5. هههه الشعب ذابهم "الكيف"

    الترامس موجودة في أمازون امسها Carafe*مثل
    Amazon.com: Primula 34-Ounce Thermal Carafe with Glass Lining, Chrome Finish: Thermal Dispenser Carafes: Kitchen & Dining

    مواعين المطبخ الثانية كلها متوفرة في الأسواق وفي النت وما يبي لها شراء من السعودية وشحن

    بقيت الفناجين والبيالات موجودة في المحلات العربية إذا بيكون عندكم بقالات عربية في نفس المدينة لكن إذا وقفت على البيالات خلاص جيبوها معكم في الشنط وما يحتاج شحن ولا هم يحزنون...
    7 "
  6. أبــد ولايهمك بس شيليها معك بالشنطه ولفيها بأقمشه أو مفرش وملابس جاكيتات ثقيله واخذيها معك

    مثل ترامس قهوه وشاي فناجيل كاسات طوفريه صاج المعدني للقرصان صحن للغداء معدن ^ ـــ ^ ماخليت شيء قهوه شاي هيل بهارات زيوت اللوز أو الي تستخدمينه لبشرتك او لجسمك أو لشعرك

    وماله داعي تخسرين فلوسك وتشحنين

    بس رتبيها زين ولفيها مضبووووط وبإذن الله مايصير لها شيء أنا خبره في الامور هذي

    ماعندهم ترامس مثلنا فناجيل كاسات بالطفررررره ولفينا كل محلات حتى العرب على كثرهم !!

    وحنا ندور عليها ألمانيا واتوقع أمريكا مثلها على كثر تطورهم وماعندهم الي يناسبنا التراث العربي الأصيل
    واخذي المهم والي مايوجد هناك والي ذكرته مهم مرررره
    7 "
  7. يوه دكرتيني بنفسي اول ماطلعت هههههههههه اخدت شنطتين ومرافقي سوا تضحية بوحده من شنطه لي اخدت ثلاجة قهوه وبن وهيل ومعمول وقرفه وزنجبيل وامي مارضت الا لما حشرت كم شغلة بالشنطه المهم انه شنطة كامله كلها شغلات زي كيدا وبعدينت اللي حسيته استاهل اني اخده بس ثلاجة القهوه والبن والهيل وغيرو كله فييه وموجود ولقيت اكتر من كيدا على العموم دامها اول طلعه شيلي كل اللي تبينه لانك ماهترتاحي لين تاخديه 😆
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.