المشاركة الأصلية كتبت بواسطة R20
وعليكم السلام
احوي وانا مغمض اقولك توكل على الله !!!! اذا تخصصك موجود لا تفرط في هذه الفرصة .. فكرة ان يكون عندك وظيفة شبه مضمونه باذن الله وتعرف راتبك وحياتك تعطيك اريحية في الدراسة بشكل كبير! يمديك تحسن من لغتك ومن مستواك في امريكا.. مستحيل تقارن سعود باي جامعة في امريكا مع احترامي للي فوق يقول زي بعض .. مدري كيف زي بعض.. الجامعات اللي بيبتعثونك عليها هي جامعات تصنف من الافضل الجامعات في امريكا والعالم. يمديك تبني حياتك من ناحية الزواج لو حاب تتزوج , بيجيها راتب وانت عارف انك بتكون مستقر لو حابب.
ايضا اريحيه نفسيه من باب لما تتخرج ما تقعد تدور على وظايف وتشيل همها .. خذها من واحد بيتخرج السنة ذي وشايل هم الوظايف.. تمنيت اني اخذت فرصتي في الشركات اللي كانت توظف بس الحمدالله على كل حال .. ايضا فرق الراتب والمعيشة والتجربة .. انا كان عمري 17 يوم تخرجت .. وها انا الحمدالله اخر كم شهر لي واتخرج .. لا غربتي ولا غربتك .. الحمدالله راتب وسكن وراحة نفسية اصرف من السعودية .. تقدر تستكشف نفسك وتشوف حاجات ما دريت عنها من الناحية العقلية. تجي امريكا الكلاسات كل واحد يطلب منك تصميم تفكير خارج الصندوق يصقلون مهاراتك . مو زي السعودية ابد
فاذا تخصصك اخوي موجود توكل الله على الله بدون نقاش
الله يوفقك