مساعدة هل سيتوقف برنامج الإبتعاث أم سيكون هنالك مراحل قادمة ؟

http://sabq.org/At0gde. هذا رد للعيسى في صحيفة سبق

أقرؤوا كلامي ياشباب .. انا صار لي خمس سنوات من تخرجت من المرحلة الثانوية ومن ذاك الوقت الى الآن متابع لملتقى مبتعث ولكل جديد يتعلق بالابتعاث
, اتصدقوا اني لما كنت في ثالث ثانوي كنت قلق لان كان فيه اخبار بإلغاء الابتعاث لمرحلة البكلريوس واقتصاره على الدراسات العليا. بحجة بعض المشاكل اللي صارت من الطلاب اللي توهم متخرجين من الثانوي
وقبل سنتين ايضا انتشرت اخبار بإلغاء الابتعاث لأغلب التخصصات.. بحجة افتتاح عدد كبير من الجامعات داخل المملكة وعليه فلا حاجة للابتعاث إلا للتخصصات النادرة.
وهذي السنة انتشرت اخبار بإلغاء الابتعاث كليا بسبب هبوط النفط عن المستوى المطلوب.
وهذا الشهر انتشر الخبر اللي مذكور هنا في الموضوع بحجة " إلغاء ترقية البعثة إلكترونيا " وقراءتي لها هي مجرد تنظيم عمل فقط , مثل مادمجوا وزارة التربية مع التعليم العالي, مسألة تنظيم فقط
تدرون ذا الموضوع يذكرني بشنو؟ يذكرني بـ"نهاية العالم" لما كنت في المتوسط كانوا يقولوا ان عام 2017 بينتهي العالم بسبب الاحتباس الحراري, وقبل اربع سنين ايضا كانو يتوقعوا ان عام 2012 نهاية العالم بسبب اسطورة شعب المايا حتى عملوا فيلم عنه ههههههههههه , والحين على ما اظن طالعين لي فيها ان عام 2025 هو النهاية وذلك لأسباب فلكية
الزبدة لاتستغربوا انه بعد سنة مثلا لما تكون جامعة الملك سعود او البترول يرتفع ترتيبها على الجامعات على مستوى العالم تطلع اشاعات بإلغاء الابتعاث؟ ليش؟ إيه خلاص جامعتنا صارت عالمية ومايحتاج ابتعاث هههههههههههههه

المهم لا توجعوا راسكم وتفكروا زيادة في هذا الموضوع .. كل شي واضح والاوامر الملكية السامية واضحة ومنشورة ع العلن مايحتاج ناخذ اوامر سامية من تويتر او الوتساب :P

موفقين ياشباب

والله الوضع مخيف خصوصا إلى درس بالسعوديه علی اساس الاكمال هنا ضيع عمره علی الفاضي ونقدم من جديد بالجامعات السنه الجايه بعد دراسة 4 سنوات الله يعين بس وييسر