انا مرافقة هل بمجرد انتهاء المبتعث اعود معه حتى لو كنت ادرس ؟؟

السلام عليكم ورحمة الله وبركاتة
انا قدمت على بعثة المرحلة التاسعة وكان من المقرر ذهابي نهاية 2014 شهر 10 ميلادي بالتحديد اذا ماخانتني الذاكرة وقد راسلت المعهد وعندي الاي تونتي + الضمان المالي ولكن توفي والدي رحمة الله وجعل مثواة الجنة اللي هوا المحرم وماعندي غيرة محرم وكلمتهم على اساس يأجلونه لي سنة كمان مع مبتعثين المرحلة العاشرة وقالو لازم تكملي اوراقك وتصدري القرار وبعد كدا نأجلو لك طبعا ماقدرت اولا مافي محرم ثانيا نفسيتي ماكانت تسمح اني اتابع الاجراءات ثالثا ماعندي احد يتابعها لي او يكون معاي ولا اعرف مين حيكون لي محرم فقلت لعلة خيرة وتركت الموضوع وقلت بقدم عالبعثة 11 لان العاشرة قد بدات وخلصت ولكن شاء الله وتوقف الابتعاث كامل
سؤالي هوا انا حاليا مخطوبة و خطيبي مبتعث وانا حروح معاه كمرافقة وهو مخلص فترة اللغة وباقي لة بس الماستر وخلال دراستة الماستر انا حكون ادرس لغة فهل بمجرد مايخلص هو الماستر حيرجعونا حتى لو انا ماخلصت دراستي علما اني حابة اكمل ماستر ولو فية مجال كمان دكتوراة ؟؟ مو بمجرد دراستي حلتحق بالملحقية كمبتعث وادرس وبمجرد مايخلص يكون مرافق لي ؟؟
اللي عنده خلفية عن الموضوع اتمنى يشرح لي ؟؟ واذا فية حل او طريقة رجاءا لاتبخلون علي :o
بإنتظار ردودكم :heart:

وعليكم السلام ورحمة الله وبركاته
اول شي الله يرحم الوالد ويرحم موتى المسلمين ويغفر لهم. وثانيا الف مبروك الخطبة والله يتمم لكم على خير

اذا طلعتي مرافقة مع زوجك بعثتك تنتهي مع انتهاء المبتعث الاساسي الا في حالة انك خلصتي 75% دراستك
https://safeer.mohe.gov.sa/Sites/Stu....aspx?k=13&s=1

نصيحتي لك اذا عندك القدرة انك تقدمين على البعثة الجديدة الدفعة (11) قدمي عليها واطلعي كملي دراستك وهذا يسمح لك انتي وزوجك تدرسون مع بعض + في حالة زوجك خلص دراسة يقدر يصير مرافقك وانتي تكملين عادي

الدكتوراة بحكم التغييرات اللي جالسة تصير اغلب الظن لازم ترجعين السعودية وتقدمين من جديد على المرحلة المتوفرة بحكم انهم قفلوا باب الترقية

بالتوفيق

اعتقد انه بمجرد انك تخلصين مرحلة اللغة وتبتدين تدرسين ماستر خلاص تكوني زيك زي المبتعثه الاساسية
يعني تخرج زوجك مايأثر عليك ان شاء الله واذا حابه جواب اوضح اطرحيه بملتقى المرحلة العاشرة افضل لك .

الحل:
تدرسي لغة سنة
زوجك يخلص سنة من الماجستير
تدخلي ماجستير وزوجك في السنة الثانية
زوجك يحاول يمدد فصل إضافي فقط
بنهاية الفصل الإضافي تكوني خلصتي بالضبط ٧٥٪
هنا تتحولي مبتعثة وزوجك يتحول مرافق لك.