الانسحاب ثلاثة أترام لأعذار طبية " استفسار ومساعدة! "

السلام عليكم ورحمة الله وبركاتـه
بداية الله يتفبل منا ومنكم صالح الأعمال ويختم لنا رمضان بالقبول والعفو من النيران وأن يرزقنا جنة الفدروس ياارب
استفساري أو حالتي ماحصلت لها موضوع مشابه فإن شاءالله ممكن إن أحد عنده خلفية أو تجربة مشابهة!
المفترض بإني أنهيت أول سنة جامعية لكن لظروف صحية اضطريت أعمل انسحاب لعذر طبي ثلاث مرات في أول سنة جامعية!
في أول ترم جامعي وفي ثالث ورابع ترم جامعي أيضا. جميع الانسحابات موثقة بالتقارير الطبية واللي رفعتها للملحقية والحمدلله على كل حال من الأحوال. مشرفي أفادني بإني أمامي اختيارين: الأول بإني أعمل تأجيل للبعثة والثاني بإني أرجع إجازة للصيف وبعدها أرجع أكمل. فعودتي ان شاءالله يوم 10 أغسطس - 24 شوال. طبعا تم إيقاف الصرف علي وبعد التواصل مع المشرف أفادني بإن الصرف توقف لأني عملت انسحاب ترمين متتالين ! والصرف ماراح يرجع ألين تبدأ الدراسة يوم 28 سبتمبر !! قلت خيره ان شاءالله. جيت أسجل للفصول الدراسية, حصلت الجامعة معطيني هولد لسبب " انتهاء الضمان المالي" فقدمت طلب ضمان مالي فكان الرد" لازم أرجع إلى الأراضي الأمريكية وأسجل للترم القادم وأرفع التسجيل الفصلي وبعدين أقدم طلب ضمان مالي"!.
فكلمت المشرف كون الجامعة ماراح تلغي الهولد إلا بعد إرفاق الضمان المالي لأن التسجيل الآن مقفل! فكان الرد الصاعق " ماراح أقدر أعطيك ضمان مالي أو أرجع الصرف إلا بعد ما تدرس ترم كامل على حسابك الخاص وترفق كشف الدرجات عشان نشوف معدلك وآداءك الفصلي وبعدها نرجعلك الصرف والضمان المالي!!
طبعا معدلي حتى الآن كوني درست ترم واحد فقط " 3 من 4 ".

اللهم لا اعتراض على ما أصابني أو ماقد يصيبني. سؤالي هو : هل يوجد قانون في شروط الابتعاث يوضح بإن الطالب المنسحب " لعذر طبي" يجب إيقاف الصرف عليه وعدم إعطائه ضمان مالي ؟
طبعا رد المشرف كان نهائي وأفادني بإني أمام اختيارين : الدراسة على حسابي الخاص أو التواصل مع شخص آخر في الملحقية ؟!

الله يسهلها عليكم وعليا وعلى جميع المسلمين والمسلمات ويكتبلنا أجمعين الخير أينما كـان. حالتي معقدة وطويلة لكن حبيت أختصرها قد ما أقدر xD !

في حفظ الله ورعايته,,,