استفسار بعد الحصول على 3 إنذارات ماذا سيحث؟ هل سيتم فصلي من البعثة؟

اذا كانت الانذارات كلها بسبب تدني المستوى , فبعد ثالث إنذار يتم إيقاف البعثة بشكل مؤقت حتى يتم رفع مستواك الدراسي (يعني تدرس على حسابك الخاص) ومن ثم تعود لك مع بعض التعهدات .. ولكنها ستكون فرصتك الاخيرة في ذلك .. فأي إنذار اخر سيتم فصلك من البعثة بشكل نهائي.
بعموم الحال انا مادري كيف عندك ثلاث انذارات وانت ماكملت بالجامعة.. اذا كانت انذارات سابقة كلها لتدني المستوى فغالباً يتم إعطائك فرصة اخيرة وهذا يعتمد على المشرف الدراسي اذا حولها على المدير الاقليمي او مشى امورك ..
اذا عندك استعداد تدفع من جيبك .. فارجع وكمل وخلص امورك مع الملحقية حتى يتم اعادة البعثة لك .. واذا الله كتبها لك وتيسرت امورك .. اجتهد ولا تتساهل في الامر بتاتاً .. واذا شايف ان الجامعة صعبة عليك حاول تشوف الشباب حولك يساعدونك .. لاتقعد لحالك ...
او انقل لجامعة تشوف ان فيها ناس تعرفهم ماشين فيها واسألهم عن نظام الدكاتره اذا كان تدريسهم كويس ومتساعدين مع الطلبه.

واهم مافي هذا كله .. اعقل نيتك لله اولا ثم لرضاء والديك .. وبإذن الله تتيسر امورك لان نيتك طاعة ورضا لوالدك الله يعطيه طولة العمر ويلبسه لباس العافية ..

ونصيحة اخ , اذا شفت الموضوع صعب عليك وحسيت ان البعثة ماراح ترجع لك لاي سبب كان .. قص تذكرتك وروح للملحقية بنفسك وادخل على العيسى وبين له وضعك ووضح له انك انت مارجعت الا انت جاد لانك تدور رضا ابوك ..
واذا عرف بهالشي راح يتساعد معك باذن الله ..

وعسا الله ييسر امورك ويكتب لك الخير فيما تسعى فيه