الأعضاء الإشتراك و التسجيل

الملتقيات
ADs

مساعدة تغيير تاريخ نهاية البعثة

مساعدة تغيير تاريخ نهاية البعثة


NOTICE

تنبيه: هذا الموضوع قديم. تم طرحه قبل 659 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AAbdulrahman1992
    AAbdulrahman1992

    مبتعث جديد New Member

    AAbdulrahman1992 الولايات المتحدة الأمريكية

    AAbdulrahman1992 , ذكر. مبتعث جديد New Member. من السعودية , مبتعث فى الولايات المتحدة الأمريكية
    • غير معرف
    • غير معرف
    • ذكر
    • غير معرف
    • السعودية
    • Oct 2014
    المزيدl

    February 28th, 2016, 08:47 PM

    السلام عليكم

    أنا بديت أدرس اللغة على حسابي في أمريكا بتاريخ 26/3/2014 وانضميت للبعثة في آخر ترم في مرحلة اللغة في 2/12/2014 وبعدها بديت الجامعة
    لكن لاحظت تاريخ نهاية البعثة في موقع سفير 23/3/2019
    موب مفروض يكون تاريخ النهاية بعد الانضمام بـ 5 سنوات يعني في 2/12/2019
    أنا طالب باكالوريوس. أفيدوني جزاكم الله خير
  2. هذا معناته انهم عدلوا تاريخ بداية البعثة على بداية الدراسة .. (وممكن انه بعد تاريخ قرار الحاقك) ..
    واذا حصل , معناته راح يتكفلون بجميع مستحقات فترة اللغة من تاريخ 3/26/2014
    يعني راح يجيك شيك من المعهد بالقيمة اللي دفعتها لها الملحقية ! (تاكد من كشف الحساب بالبوابة وشوف اذا هم ارسلوا اي مبلغ للمعهد او لا ! واستفسرهم بهالخصوص) ..

    واذا الخطأ بس بإدخال بيانات من عندهم ..
    تطلب تعديل تاريخ نهاية بعثة وتحط التواريخ الصحيحة ..

    ارسل طلب استفسار وتاكد من تاريخ قرار ابتعاثك مع تاريخ بداية البعثة !
    والمشرف راح يعلمك بالتواريخ .. وممكن لو شاف ان فيه خطأ بالتواريخ راح يعلمك ويقولك ايش تسوي !
    7 "
  3. المشاركة الأصلية كتبت بواسطة AAbdulrahman1992
    أرسلت طلب استفسار وقال المشرف إن مدة البعثة 4 سنوات فقط. وما أقدر أغير تاريخ النهاية إلا إذا كنت درست اللغة بعد الالحاق.
    أحد قد صار معه نفس ها الشي ؟؟؟
    ماعليك من كلام المشرف ..
    ارجع وأرفع طلب تعديل تاريخ بداية بعثة (هذا خاص بالملحقية) ..
    وعدل على تاريخ بداية البعثة إلى تاريخ بعثتك الصحيح .. واكتب بمربع الاسباب انه انت بديت اللغة في تاريخ 26/3/2014 وأنهيتها في تاريخ (تاريخ نهاية اللغة) على حسابك الخاص ..
    ثم تم إلحاقك في البعثة في تاريخ 2/12/2014 .. وتم وضع تاريخ 26/3/2014 كتاريخ بداية البعثة .. مع العلم بأن من تاريخ 26/3/2014 وحتى تاريخ 1/12/2014 كنت على حسابك الخاص ...
    ولما تم تسجيل تاريخ البعثة الحالي لم يتم صرف اي مستحقات للفترة 26/3/2014 إلى 2/12/2014 .. فلذلك أطالب بإعادة النظر في تاريخ بداية البعثة وتعديله إلى التاريخ الصحيح (تحط تاريخ بداية البعثة الصحيح)..

    وتقدر برضوه ترجع لتاريخ صدور اول ضمان مالي لك وتتأكد من تاريخ بداية ونهاية الضمان المالي ... وتستخدمه كدليل !
    فانت في الطلب هذا تبي تبين انهم حطوا فترة دراسة اللغة من ضمن البعثة وهم ما دفعوا لك اي شي فيها !
    وانت حاولت تبين هالشي للمشرف .. لكن لم يتم تصحيح هالشي ..
    ولذلك فإن الفترة من تاريخ 26/3/2014 ميلادي الموافق 24/5/1435 هجري وحتى تاريخ 2/12/2014 ميلادي الموافق 9/2/1436 هجري (8 شهور + 15 يوم)
    لم يتم شمل مستحقاتها المادية ولم يتم دفع أي مستحقات مالية للمعهد أو صرف أي مكافآت لك !
    فإذا لم يتم تعديل التواريخ, فمن حقك أن يتم تعويضك عن فواتير المعهد لتلك الفترة + طلب جميع المكافآت المستحقة ايضاً لتلك الفترة !
    (أو) طلب إضافتها كمدة إضافية للبعثة + تعويض جميع فواتير المعهد في تلك الفترة .. (وهذا اللي انصحك فيه) ..


    أهم شي عندك التواريخ + التواريخ + التواريخ !
    راجع تواريخك كلها (تاريخ بداية ونهاية الدراسة بالمعهد + تاريخ بداية الدراسة بالجامعة + تاريخ قرار ابتعاثك + تاريخ اول ضمان مالي تم اصداره لك (مع تواريخ بداية ونهاية الضمان المالي) ... يعني بالعربي لازم تشتغل شغل الملحقية كله علشان يفهمون ان فيه خلل بالموضوع وانك انت تقدر تطالب فيها !
    واهم شي تحفظ التواريخ بالهجري .. مثل ماسويت لك فوق (تكتب التاريخ الميلادي ثم بعده الموافق هجري ) ..
    وتحسب كل شي بالهجري .. لانهم مايحسبون لك شي بالميلادي ابداً .. كل شي بالهجري !



    أعد صياغة الكلام اللي فوق وطبق اللي قلت لك ..
    وقبل ماترفع الطلب جيب معك هالاوراق :
    - صور من فواتير المعهد من تاريخ بداية الدراسة حتى التخرج من المعهد ....
    - صور من تاريخ بداية دراستك في الجامعة Enrollment Letter + التقارير الدراسية
    - صور من كشف الحساب البنكي يبين المبالغ اللي دفعتها للمعهد من حسابك الخاص (اذا وجد لازم تضبطها) ..

    وارفق كل هالاوراق مع الطلب وتذكر في مربع الاسباب انك ارفقت جميع الاوراق التي تثبت كلامك !


    وخلك معهم على رواقه ... لاتشغل بالك بالموضوع وتحرق عمرك ..
    طالما انك لازلت في بداية البعثة .. روق ومزمز عليهم هههههه
    لان بالنهاية حتى لو ماساعدوك تقدر تراجع فيها الوزارة أي وقت ترجع السعودية ..
    وهنا يجي الامر من الوزارة مباشرة ..
    فانت إذا كنت فعلاً تستحق هذي الفترة بحسب مافهمت من كلامك ..
    صدقني راح تاخذها سواء كان من الملحقية او الوزارة !
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.