تخصصي كان غير موقف والآن أصبح مغلق!!!

السلام عليكم

أنا معيده وقدمت على الدكتوراه في جامعة بأمريكا
الجامعة كانت موقوفة جزئيًا بتخصصات معينة بس تخصصي كان غير موقف يعني التخصص والجامعة والدرجة كل شي كان تمام
رفعت طلب الابتعاث لجامعتي اللي أنا موظفه فيها
وتأخروا بالرد علي
وتأخرهم شوي أثار شكوكي
وأكلمهم ويقولون لسى ما ناقشنا طلبك راح نناقشه الأسبوع الجاي
وهكذا الموضوع صار فيه مماطلة لين قالوا ناقشناه بس بانتظار رفع التوصيات وكل ما اسأل عن التوصيات يماطلون

المهم دخلت موقع سفير وأتفرج على تخصصات الجامعة بالبكالريوس لأنه مرافقي بيدرس بكالريوس
و كانت الصاعقة!!! تخصصي بالدكتوراة مغلق!!! يعني حتى مو موقف للتكدس
مغلق بالكامل للدكتوراه!!!! مع انه غير موقوف بالبكالريوس والماستر!!! بس بالدكتوراه!!

الدكتوراه اللي تقدمها جامعتي هي PhD مو DSc
هل هذا الشي له دور؟
مع العلم اني اعرف طلاب وطالبات سعوديين يدرسون بهالجامعة حاليًا سواءً ماجستير أو دكتوراه
فما أعرف وش سبب الاغلاق للدكتوراه فقط؟؟؟

انا بديت أشك ان مماطة جامعتي اللي انا موظفة فيها لهالسبب أحسهم يا بيرفضون طلب الابتعاث أو يحاولون يحلون هالمشكلة
عندي سؤالين
أولًا: هل اقدر اعرف تاريخ الاغلاق؟ حاولت أبحث وما قدرت لأني متأكدة 10000000000000000% ان الدرجة والتخصص والجامعة كلهم كانوا في السليم يوم أقدم
ثانيًا: وش أقدر أسوي علشان أحل هالمشكلة؟ لأني اذا ما طلعت هالسنة ما أقدر أطلع محرمي توه متخرج من الثانوي ولازم يبدأ بكالريوس ما راح يضيع سنه من عمره علشاني :crying::crying::crying:

اذا كان التخصص مغلق للتكدس فقط فالقرار بيد الجامعة التي تعملين بها
اما اذا كان مغلق لسبب آخر فالصراحة لاعلم لي واتمنى لك التوفيق

تاريخ الإغلاق ممكن معرفته بوضع المؤشر على علامة الإيقاف في خانة البرنامج فأحياناً تظهر تواريخ الإيقاف خاصة إذا التخصص مو مغلق كامل

بالنسبة لموضوع الإيقاف
اذا كان الإيقاف بسبب إداري مثلاً خلاف بين الملحقية والجامعة ممكن تتغاضى الملحقية في بعض الحالات خاصة وأنا اعرف طالب من طلاب البرنامج تم إيقاف الجامعة كاملة بعد حصوله على القبول وذلك بسبب إداري وليس لسبب أكاديمي فبعد محاولته مع الملحقية سمحوا له. فلا اعلم هل مازال الوضع كما هو أم تغير وصار اصعب؟ وهل يتساهلوا مع الطلاب الي مازالوا في السعودية أم لا؟
كل ماعليك التأكد من الملحقية قبل السفر أو إتخاذ أي قرار مصيري.