ممكن توضيح الإجراءات المتبعة عند الاعتذار أو التأجيل من قبل الجامعات الأمريكية

السلام عليكم ورحمة الله وبركاته ،،،، وبعد

أتمنى تساعدوني هلمرة لأن سؤالي بسيط وأغلب الطلاب يمكن مروا بفترة تأجيل أو اعتذار أو ممكن يفهموها من خلال قوانين وشروط الجامعات

الموضوع كالتالي / الحين إذا نزلت مواد فصلية نصاب كامل ،، وبعد مانزلتها بسبب ظروف معينة ماقدرت أكمل الكورس وحبيت أسوي تأجيل أو اعتذار (مادري ايش الفرق بينهم)

وتم قبول الطلب من الجامعة والملحقية

الحين السؤال / هل لما أرجع الفصل اللي بعده عشان أكمل دراسة المواد المعتذر عنها ،، لازم أنزل مواد من جديد ولالا؟.. وهل الدرجة المرصودة بعد نهاية السمسمتر تتسجل في الفصل الحالي (الجديد االلي أدرسه) ولا في الفصل السابق (المعتذر عنه)

وإذا تسجلت في الفصل السابق وكان هذا الفصل هو فصل تخرج ،، هل أستطيع الحصول على مكافأة التخرج ؟ ولا تروح علي ؟

باختصار أبي أفهم شنو الاجراءات المتبعة في مثل هالحالات ،، وشنو الفروقات بين الاعتذار والتأجيل ،، وأيهم أفضل ؟

كيف شكل كشف الدرجات يكون ؟ ،، يعني هل تكون هناك فجوة للفصل المعتذر عنه ؟ ،، ولا تنزل الدرجات فيه مرة أخرى ويتم التنويه ؟... ولا عادي ماكأن شي حصل ؟

أتمنى مساعدتي في الاجابه على هذي الاستفسارات أو بعضها ،،، وياريت يكون من ناس عندها تجربه .

كل الشكر