نقلت من مدينه لمدينه وخايف ومتوتر أحتاج حلول
السلام عليكم ورحمة الله وبركاته
بالله تكفون أبي منكم مساعدة أنا طالب جديد مبتعث تقريبا لي شهرين كنت في مدينة صغيرة كنت مرتاح فيها بس إني واجهت مشكلة أنا المحد أنا كنت الطالب الوحيد اللي فيه في الكلاس و نقلت الى مدينة كبيرة Indianapolis تقريبا هذا رابع يوم لي لي طول الوقت متوتر وخايف قلقان ماني عارف ايش المشكلة يعني هي يعني على شان إني بديت في مدينة جديدة مدينة كبيرة لأنه والله محد يدري ايش هو الهم والضيقة والخوف اللي فيني قد ايش و ما ادري ليش بس تكفون اللي يعرف ايش الحل عندي أي شيء عندك أي طريقةالله يسعدكم يرسلها لي
وأكون شاكر لكم .
Omar
رد: يا جماعة تكفون ساعدوني
وعليكم السلام ورحمة الله وبركاته.
فوض أمرك لله وخل لسانك رطب بذكر الله.
ايه نعم احتمال متغيرات الجو . طبيعي جدا النفسية تتأثر ﻻن غيرت من مكان لمكان.
أقرب مثال الشخص في البيت مثلا لو غير مكان جلسته او اي شيء راح يتعب على بال ما يتأقلم.
هي مسألة وقت وتتأقلم إن شاء الله مع المدينة الجديدة.
كافح واجتهد والله يعينك.
رد: نقلت من مدينه لمدينه وخايف ومتوتر أحتاج حلول
وعليكم السلام ورحمة الله وبركاته
اولا اخي الحبيب لاتقلق ولا تتوتر انت رايح ترفع راسي وراس اهلك واحبابك ووطنك وكل من يعز عليك ويوم من الايام بحول الله تكون في منصب قيادي.
ثانيا (الا بذكر الله تطمئن القلوب) (انا عند ظن عبدي بي) نصيحة من اخوك ذكر الله لاتتركه وابسط شي تسويه هو اذكار الصباح والمساء وتقدر تحمل تطبيق حصن المسلم وشي يسير ماياخذ منك حتى 5 دقايق ولكن اثره عظيم في حياتك وراح تشعر فيه وتشوفه بنفسك.
ثالثا حاول تزور اخوانك في النادي السعودي في مدينتك وتتعرف عليهم وتقضي اغلب وقتك معهم حتى يزول منك القلق وهم الغربة ترا والله شوفة اخوانك ومجالستهم تبري الجرح واسأل مجرب لي 9 سنين في الخارج ويعلم الله بدون النوادي السعودية كان شفتنا نصيح من الغربة.
رابعا تواصل مع والديك باستمرار واطلب منهم يدعون لك ترا دعوتهم مابينها وبين الله حجاب.
خامسا حاول تروح عن نفسك وتزور اماكن الترفيه اللي تطيب خاطرك
اطلع للسينما او اشترك في نشاطات الجامعة غالبا تكون انشطتهم بأسعار مخفضة وممتعة. حاول تدور في الاسواق والمنتزهات.
اخيرا الله يوفقك ويسهل امرك ويفرج همك ويكتب لك النجاح والفلاح.
Sent from my SM-G900FD using مبتعث mobile app
رد: نقلت من مدينه لمدينه وخايف ومتوتر أحتاج حلول
وحاول تخلي القران دايم شغال بغرفتك وحتى وانت نايم والله ما عدت اول سنه الا كيدا الهم والخوف من اني افشل كان ملازمني وكان وقت صعب عليك بالوتر وصلاة الضحى والقران قبل تنام وخله شغال وانت نايم بتصحى بنشاط وروحك عاليه وركز بدراستك والله يوفقك
رد: نقلت من مدينه لمدينه وخايف ومتوتر أحتاج حلول
الله يوفقك ويصبرك هلا انا مقدمه لجامعه بكندا والله اني مدايقه اترك زوجي ويرجع لبلدنا ويتركني ...لكن أمل وظني بالله كبير وكل ما ابكي بضل أستغفر انه حيتركني كمان كم يوم وعندي مسؤوليه كبيره .....كلامك صح كل تغير في الحياه صعب لكن هادا تحدي ولازم نضحي من أجل حياه أفضل ...الحمدلله على كل شئ دائما وأبدا والله يصبرنا نحن واياك وكل المسلمين
رد: نقلت من مدينه لمدينه وخايف ومتوتر أحتاج حلول
غريبة مانزلة المكافئة حتى الحين؟ احد يعرف شالي صاير!!!
رد: نقلت من مدينه لمدينه وخايف ومتوتر أحتاج حلول
اقتباس:
المشاركة الأصلية كتبت بواسطة qassi18m
غريبة مانزلة المكافئة حتى الحين؟ احد يعرف شالي صاير!!!
بتنزل الجمعه ان شاء الله ماعادهم يمشون لا على ميلادي ولا هجري ولا اي شي متى مابغو ينزلوها بينزلوها للحين مافهمت نظامهم بس على حسب ما ااعرف انه بتنزل هالاسبوع باذن الله
رد: نقلت من مدينه لمدينه وخايف ومتوتر أحتاج حلول
اقتباس:
المشاركة الأصلية كتبت بواسطة renad4
وحاول تخلي القران دايم شغال بغرفتك وحتى وانت نايم والله ما عدت اول سنه الا كيدا الهم والخوف من اني افشل كان ملازمني وكان وقت صعب عليك بالوتر وصلاة الضحى والقران قبل تنام وخله شغال وانت نايم بتصحى بنشاط وروحك عاليه وركز بدراستك والله يوفقك
نفس الشعور يلازمني اني سأفشل ولكن ذا من وساوس الشيطان . ﻻبد نعقلها ونتوكل.
شعور طبيعي جدا يمر فيه اي مبنعث اول مرة يطلع.
رد: نقلت من مدينه لمدينه وخايف ومتوتر أحتاج حلول
اقتباس:
المشاركة الأصلية كتبت بواسطة شموخ إنسان !!
نفس الشعور يلازمني اني سأفشل ولكن ذا من وساوس الشيطان . ﻻبد نعقلها ونتوكل.
شعور طبيعي جدا يمر فيه اي مبنعث اول مرة يطلع.
وعدت اول سنه على خير والحمد الله اللغه من الطف المراحل وكانت حقيقه خفيفه وسهله وبعدين اخدت ترمين اجازه ودرست الجامعه وعدت اول سنه على خير وهاللحين ببدا اخر سنه وبخلص بعثتتي وملازمني التفكير وش بتكون خطوتي القادمه انا انسانه جدا طموحه وافكر بالدكتوراه وبنفس الوقت افكر بالوظيفه والله يكتب الخير وين مايكون