مساعدة اين اذهب من اجل بناء المستقبل ؟

وعليكم السلام ورحمة الله وبركاته ..
وانت بخير وصحة وسلامة ..~

شوف اخوي بالبدابة .. أشجعك على هذي الفكرة ..
وبأذن الله راح تتسهل امورك اسوي اسوي .. بس لا تستعجل .. لان الدراسة بالخارج
امورها واورقها تاخذ وقت طويل .. ~

بالنسبة لدراستك ..
اولاً : انصحك انك تشوف الجامعات التي عادلت لطلاب التقنية من تخصص المكانيكا ..
وراح تلقى ردود الاعضاء هنا وراح تفيدك بهذا الموضوع ..
http://www.mbt3th.us/vb/forum128/thread225692.html

ثانياً : راسل جميع الجامعات التي عادلت الدبلوم لتخصصك ..
وحاول تجيب منهم قبول .. وشوف اكثر جامعة راح تعادل لك ساعات وروح عليها ..
عشان ما تطول بالدراسة وتكون دراستك 3 سنوات مثلنا بالضبط ..
لكن انتبه للجامعات .. حاول انك تبحث عن الجامعة قبل ما تراسلها عشان تتأكد انها غير موقوفة ..
لانها لو موقوفة راح يطول لك الالحاق للبعثه ..

ثالثاً : التخصص هذا شي يرجع لك اخوي ..
شوف التخصص الي تميل له اكثر في مجال المكانيكا ..
لان صدقني ما راح تبدع الا اذا كنت انت مختار التخصص عن حب لهذا التخصص وقناعة فيه ..

رابعاً : بالنسبة للدول الاقوى .. انا اشوف الجامعات والدول التي تعاقدت معها المؤسسة ممتازة ..
يعني عندك بريطانيا ونيوزيلاندا واستراليا وكندا وكوريا وايرلندا وجنوب افريقيا ..
لكن اتوقع الجامعات الي عادلت لتخصص المكانيكا في كوريا واستراليا نيوزيلاندا وبريطانيا فقط ..
وكلها دول قوية بالدراسة ولغتهم الام الانجليزية ما عدى كوريا ..!
وانا انصحك بنيوزلاندا واستراليا .. =)

هذا ما قدرت افديك فيه .. واذا عندك اي اشكاليه او نقطة ما فهمتها احنا حاضرين لمساعدتك ..
وحياك ربي معنا .. =)

وعليكم السلام ورحمة الله وبركاته

وانت بصحة وسلامة يالغالي

اخ الرحيل او الرحال لا اعرف المقصود ولكن صاحب الموضوع

اخي يالغالي مو كل من تخرج لم يجد وظيفة يالغالي

فاعرف كثير من المبتعثين في وظائف جيدة ويرغب البعثة
(( مثال : يالغالي انا موظف وظيفة حكومية : مرتبة 7 : بمرتب ولله الحمد 9500ريال ))
ولكن المقر الذي انا فية لا يمنحك دورات خارجية ولا يسمح لك بالتفرغ من اجل التكمل ::
ويوجد الكثير من هم نفس مشكلتي :: نحن لا نبحث عن مرتب ووظائف مريحة ؟
بل نبحث عن (((( علم )))) ونستفيد اكثر من ما نفيد .
ما الفائدة من عمل انت لا تتعلم منه شي فقط انك تسوي شغلتين الى يتم تقعدك . هل تريد هذا ؟.
لا اظن ان اي شخص يرغب في هذا الشي :: - من التمس طريقا يلتمس فيه علما سهل الله له طريقا إلى الجنة -
هذا الشي الذي اريد ان اوظحة لك : ورما تجد من هم يبحث عن وظيفة لو باقل مرتب ولا يريد العلم بل يريد الراحة والاستقرار
-------------------------------------------------------------------
الشي الاخر :: هو الدراسة على حسابك ثم الحق نفسك بالملحقية ليتم الصرف عليك وتكون من ضمن المبتعثين

وكما وضح لك الاخ محمد

وبالتوفيق يالغالي

ماشاء الله ماقصروا اخواني ردوا عليك ردود عقلآنيه واعطوك المعلومات اللي تحتاجها
بس عندي اضافه
يعني يفضل تختار تكمل في تخصص مرغوب في المؤسسه ويحتآجونه كثير
عشان يمكن لاسمح الله تقدم على وظيفه عندهم ويقبلونك

(اختيار تكملة الدراسه نآجح لحملة الدبلوم خصوصا الرجال)


موفق اخوي الله يحقق لك اللي تتمناه

اخوي مع العاني كفييت ووفيت يعطيك الف عافيه

قدرت افهم منك امور تفيدني للغايه واقدر من خلالها

اني احدد المكان المناسب بس برضو مانستغني عن رايك

بس ياليت تفيدني فموضوع ان الواحد اذا طلع برا

في امكانيات للعمل مو شرط بعقود او وضيفه معينه

مثلا معاي شهادة ميكانيكا بأمكاني العمل في هالمجال والدراسه

ايضا

واسف عالرد المتأخر بس انشغالات الدنيا .

وشكرا ...

هلا thep00r بالنسبه عن الأسم فهو الـــراحل

من ناحية الوظائف الي تقول عليها ممكن تلقاها صح

بس يا اما تكون عسكري او عندك واسطه تتوظف على هالمرتبه

اما انها تجي كذا ما اعتقد وفالأول والأخير ارزاق

ولا ودي والله القا وظيفه بهالراتب ومو صعب هالشي

بس يبيلي اصبر من 5 الى 6 سنوات مستمر بوظيفه وحده

وهالشي اشوفه مو مفيد لأني راح اعطي وقتي وجهدي وتفكيري

بعمل روتيني الي تسويه اليوم تسويه بعده

بس السفر فوايده كثيره وراح تقدر تدرس

بحكم ان الواحد مو شاغله الا دراسته

ومن ناحية التخصص الميكانيكا حلوه ويكفي انها مهنه شريفه

ولها مجالات متعدده وفروعها كثيره عشان كذا اسأل عن الفرع المناسب

عشان بعدين ما اتعب في سرعة التوظيف

بس هل في مجال لي اني اصير مبتعث على حساب الحكومه بعد دورة الأنجليزي

هذا شي حلو صراحه ويبشر بالخير

يعطيك الف عافيه

يا هلا خوي ..
بالنسبة للعمل .. غالباً بالسنة الاولى وهي سنة اللغة ..

تكون صعب جداً انك تعمل .. لانك لازم تاخذ موافقة من الجامعة حتى لو لقيت لك شغل بخارجها ..

والجامعة ترفض .. لانها تبغاك تركز على اللغة ودراستك فقط ..
لكن بعد اللغة .. يسمحون لك العمل .. لمدة 15 ساعة اسبوعياً ..
اي 3 ساعات يومياً فقط ..

وانا انصحك لا تفكر بالعمل هناك في فترة اللغة .. لان مثل ما قلت لك صعب نوعاً ما ..
خاصة انك راح تكون غريب عليهم وما عندك اللغة بالشكل المناسب للتخاطب معهم ..


وحياك ربي ..

اخت سنفوره يعطيك العافيه عالرد

واكيد راح اخذ بئارائك المختصره والنيره

شكرا..

اهااا اخ محمد يعني مزاولة العمل صعبه

بس هل ياترا عندهم خرق للقوانين مثلنا

يعني يشغلون من غير مايكون في تصريح عمل

مثل ورش السيارات والأماكن هذي

ومن ناحية الدراسه بالعكس العمل اشوف فايده يشغل وقت فراغك

ويساعد تتعلم اللغه اكثر واكثر وخصوصا في مجال الميكانيكا

وانت كونك عارف حالتي ابيك تدلني عالدوله المناسبه بالتحديد

والي دراست الميكانيكا فيها معتمده وشهادتها قويه

من ناحية الدراسه والسعر المناسب واكون شاكر لك

هلابك اخوي محمد اشكرك عالرد السريع

بصراحه العمل هناك من ضمن خططي في حالة اني سافرت

لأنه بيعطيني دعم قوي من ناحية اللغه

وكمان بيساعدني من ناحية المعيشه بس المجال الي بختاره

راح يكون في الميكانيكا والمعروف انها مهنه فاليد يعني بأمكانك تتوضف حتى لو بأجر يومي