لطلاب بريطانيا - جامعه هيدرزفيلد

اخوي ياريت تكتبلنا عن الاجواء كيف ؟
والاجواء الدراسية؟
وبخصوص الفلوس كم نشيل معانا من السعودية ؟ <<حشا شغال في ورشة مو مبتعث
ومتى نزلتلكم اول مكافئة ؟
والسفر متى سافرتوا بعد الدورة التاهيليه بكم شهر ؟
وبالنسبة للتذاكر الي من جدة من وين يستلمها لازم يطلع الرياض ؟
خخخ معليش باتعبك بالرد بس انت كررررريم ولاتنسى اننا محتاجين لمعلومات ماقبل السفر ياريت تفيدنا باي شي مثل الحمولة والشنط وايش نجيب معانا

حياك اخوي
بالنسبه للاجواء العامه بررررررررررررررد يعني درجات الحراره بالسالب الحين مابين -1 الى -7 تقريبا هذي الايام وثلوج
والاجواء الدراسيه جيده جدا .. طبعا احنا مقسومين على كلاسين الكلاس الاول مالي خبره فيه كثير لكن الكلاس اللي انا فيه جدا ممتاز والمدرسه جدا جدا كويسه بس فيه مشكله كثره السعودين او ان غالب الكلاس سعودي ومعنا 4 طلاب شيشانين
الفلوس جيب معك من 5 الى 10 ألاف عشان تريح راسك
وبالنسبه لسفرنا والله مااذكر بالضبط بس كنا مختلفين تقريبا مابين شهر الى شهرين
والتذاكر من الرياض

طيب ياعزيزي بخصوص الشنط والحموله اذا كان حجزكم على الخطوط البريطانيه فأقول الله يعينكم لأن مالكم الا شنطه وحده ووزنها مايتعدى 23 كيلو وتقدر تزيد شنطه ثانيه بـ 180 عن طريق موقعهم او بـ 240 في المطار ويصير عندك شنطتين كل شنطه وزنها 23 كيلو ..... وفيه شي ثاني ممكن تسويه تقدر تدفع حدود 180 ريال تقريبا على الشنطه في المطار وتخليها heavy bag ويصير وزنها 32 كيلو
طيب وش تجيب معك تقريبا كل شي موجود هنا بس اذا تدخن جيبلك من السعوديه اللي تقدر عليه بس سمعت انهم مايدخلون اكثر من كرزين ولاتكثر ملابس لأن هنا تقريبا أرخص الملابس او بعض الاحيان بنفس السعر واذا انت راعي طبخ وسعه صدر جيب لك قدر ضغط محترم )) صح لاتنسى تجيب لك قرطاسيه يعني كم قلم دفتر او دفترين ولاتنسى القاموس الانجليزي انجليزي عربي

واذا فيه اي شي ثاني اسأل عادي
على فكره ماحددوا موعد سفركم لسه

ههه ههه الله يسعدك حلوووة قدر ضغط < تشوفني اعزم الانجليز على الكبسة ^_~ >
؟؟؟ انا مبتعث بـ أيرلندا تتوقع انها زي بريطانيا في كل الي قلت عليه !!!!

هههههههههههههه يعطيك العافيه

شوف انا كانت عندي النظره السلبيه لقدر الضغط ههههههههههههه بس جا له اشتياق

والله مدري عن ايرلندا بس اتوقع انها نفس الشي تقريبا

امممممم اكيد بتوحشنا الكبسة ههه لاهنت حبيبي... مادامك طيب وبخييييير في الغربة..<!! هذا اهم شئ ^_~ ,,تحيآتي,,~

حياك الله )))والله يوفقكم ان شاالله وتوصلون بالسلامه

ههههههههههه
ياخوي تصدق كنت اتمني هيدرزفيلد وقلت خلاص شكلها ديرتي جلست اقرا و اتفرج عليهم و اشوف مواقعهم
بس للاسف حطون بنمانشستر وتخصصي هندسة سيارات
و لفت انتباهي ياحبيلك بسالفه قدر الضغط
انا بيني وبينك مانيب احب طبخ المطاعم ولا اطيقهن حتى لونه اطلق مطعم < علــّه نحـر
ومحتار قلت خلن اروح اجلس شهر وبعد تسذا اخلي اهلي يكزون لي قدري وعزبتي كامله بهارات وقهوه وتمررر
هل هذي فكره كويس و تأئد هالشي لاني بالبدايه صعب اشيل شناطي مع قدوري يقولون ذا بيدرس ولا يبي يتفنن
ثاني شي احتمال كبير والله العالم اني اسكن بسكن طلالاب هل تعتقد عادي هالشي من خبـــرتك او فتره جلوسك بهالدياار تسمح بهالشي

و بالنسبة للقروش انا قلت باخذ 11 الف الف بمخباتي و الباقي بالبطاقه لضروره هل حسباتي مزبوطه ؟
و ياليت تعلمنا باهم الاشياء الضرورية اللي نجيبها معنااا
مثل ماتفضلت سالفه المكتبه اللي معك ماكنت حاسب حساابهااا
والله يعطيك العاافيه وانشاء الله بسير عليك بهالديره لاني احبك و احبهـااا < بيجــلد
والله يوفق الجميــع

ههههههههههههههههههه اجل ماتحب اكل المطاعم شكلك طبيخي صح يلزمنا نسير عليك
ومبروووك مانشستر لأنها بصراحه مدينه حلووووه ورايقه من جد افضل من هيدرزفيلد طبعا بكثييييييييييير )))) الحق ينقال لكن والله اني احب هيدرزفيلد لأنها صغيره وكل شي متوفر فيها
11 ألف مبلغ جيد بصراحه بيكفيك ان شاالله بالراحه

مهم جدا لاتنسووووووووون كل أوراقكم الشهادات وبطاقه الاحوال او صورة منها عشان اذا رحتوا للمحلقيه وبرضوا حاولوا انكم تضبطون وضع السكن

سؤال سريع هل حددوا موعد سفركم ولا لسه ؟؟؟