مســــــاعده للتكملة بالخارج

وعليكم السلام ورحمة الله وبركاته
لي عودة بأجابة شافية بأذن الله ..

يعطيك العافية أخوي محمد العاني مسبقـا

بأنتظأركـ على أحر من الجمر

وعليكم السلام ورحمة الله وبركاته
بالنسبة للجامعات الثلاث الي في استرالية
انصحك بجامعتين .. الاولى USQ والثانية سوينبرون
لان جامعة RMIT معادلتها صعبه وقبولها اصعب .. خاصة بعد ما حدث للطلاب الي راح يبتعثون لها

بالنسبة للجامعتين الي قلت لك عنها .. تقدر تاخذ القبول فيها مع المعادلة ..
من خلال مكتب IGEC بالخبر .. على شارع الكورنيش .. عمارة ماذركير ..
عند شخص اسمه السيد عبدالواحد .. متعاون جداً .. ويعجبك ..
[ مكتب IGEC هو وكيل الجامعتين بالسعودية ] ..

وبالنسبة لجامعة الـ USQ فهي تقع في مدينة ريفية تسمى توومبا .. مناسبة للدراسة .. ومن ارخص المدن الاسترالية
وقريبه من المدن الكبيره مثل بريسبن و القولد كوست ..

ودراسة اللغة فيها يكون في معهد تابع للجامعة وفي حرم الجامعة ..

اذا عزمت وجيبت بتروح للمكتب .. عشان يجيب لك القبول
اخذ معاك هذي الشغلات ..
1- صورة من الجواز
2- صورة من السجل الاكاديمي باللغة الانجليزية
3- صورة من وثيقة التخرج
4- وصف مواد تخصصك باللغة الانجليزية .. وتقدر تحمله من هنا
الصفحة الرئيسية
وبالنسبة للوصف حق المواد يفضل انك تاخذه معك على فلاش ميموري ولا تطبعه ..

وطبعاً راح يجيب لك القبول مقابل 3000 ريال ..

لكن اخوي يلزمك ان يكون معدلك مرتفع .. ليتم معادلة الدبلوم الخاص بك بنسبة 100% ..
والمميز في جامعة USQ انها راح تسمح لك تكمل في تخصص هندسة الكترونيات .. وهو تخصص ممتاز جداً وقوي ونادر بالمملكة

اي معلومة اخرى تريدها تفضل واطرح اسئلتك وبأذن الله راح اجاوبك بالي اقدر عليه ..
وبالنسبة لجامعة سويبنبرن ما عندي اي خلفية عنها .. للأسف .. لكن اتمنى احد من الاعضاء المبتعثبن لهذه الجامعة يفيدك ..

دمت بكل خير

أشكرك أخوي محمد العاني والله يجزاكـ خير الجزاء عنـا

بالنسبه للمعدل 3.14 والحمدلله على كل حـال


عندي بعض الاستفسارات ....

- أسعار السكن ( مع عايله - بدون عايله - في الحرم الجامعي )
1- كم سنه يتبقى اذا عادلوا الدبلوم أو بعض مواده ؟
2- مارأيكـ بالمعهد ؟ وكم ليفل ؟ للدخول الى الجامعه
3- هل الكلية التقنية تبتعث طلابهـا الى نفس الجامعة usq
4- كيف سكان مدينة تومبا ؟ وهل يوجد مسلمين في نفس المدينه ؟ وهل توجد عنصرية ؟
5- هل الجامعة معترف فيهـا ؟ للألتحاق فيمـا بعد
6- هل في سعوديين واجد بالجامعه

أدري اني ثقلت عليك لكن محسبوكـ ما قد اطلع من ديرته (- * )

وفي الاخير

الله يجزاكـ خير عن كل حرف كتبته لمساعدتي ومساعدة أخوانك

ياهلا اخوي ..
انا بصراحة لسى ما سفرت لاستراليا
لكن راح افيدك بالمعلومات الي اخذتها من الطلاب الي يدرسون هناك ..

1- بالنسبة للسكن ارفقت لك ملف فيه انواع السكن .. واسعارها
2-اذا عادلوا لك الدبلوم كامل تصير دراستك 3 سنوات [ سنة لغة + سنين دراسة تخصص ]
اما اذا عادلوا بعضها فأكيد راح تزيد مدة دراسة التخصص ..
3- بالنسبة للمعهد الاغلب الي يدرسون هناك .. يقولون انه ممتاز ..
وتدرس في 5 مستويات اذا خلصتها تدخل التخصص على طول بدون اختبار توفل او الايلتس ..
4- اي نعم المؤسسة العامة ابتعثت طلاب الكليات التقنية الى هذي الجامعة
5- توومبا مدينة هادئة واكيد اهلها هادئين .. وفي مسجد في المدينة .. الجامعة هي التي انشأته ..
وبشكل عام استراليا مافيها عنصرية لانها بلد متعدد الثقافات ..
6-الجامعة الان موقوف الالحاق فيها .. بسبب زيادة النسب المطلوبة من السعوديين فيها .. ولكن بالمستقبل ممكن يتم فتحها مره اخرى ..
7- اغلب السعوديين الي في المدينة متزوجين وعوائل .. واكيد فيها سعوديين لكن لا اعلم بكثرتهم او قلتهم ..

اتمنى اني افدتك ..
دمت بكل خير

يعطيك العافية أخوي محمد العاني

وجعلها الله في ميزان حسناتكـ

اهلن اخوي بصراحه اخوي محمد جاب لك شرح وافي وكافي وافي

انا مبتعث ان شاءالله في هذي الجامعه من قبل المؤسسه

وتخصصي الالكترونيات صناعيه وتحكم

بالنسبه للتخص هم راح يعطونك هندسه بتخصصين

الي هي هندسه كهربائيه والالكترونيه

يعني اول كنت تدرس بس الكترونيات الان دخلو معك تخصص ثاني

بكذا راح يكون اشمل وافضل لك من ناحية الفرص الوظيفه وقوة التخصص

والله يوفقك اخوي