استفسار أحد أتصلت له المؤسسة العامة هاليومين ؟

غريبه دقو عليك
بس يا ليت توضح اخوي انت مسجل في برنامج خادمين الحرمين للابتعاث
ولا مسجل في دورة اللغه الانجليزية المكثفه ووضح حبيبي عشان تعم الفائده
ويا ليت تقول لنا وش قالو لك بالضبط

وعليكم السلام ورحمة الله وبركاتهـ ,,

ياخي لا تفجعني ياخي ,,, هزيت بدني ياخي وخليتني اتخيل اشياء مالها داعي ههههههههههه

انا " بس لا تقول لاحد تكفى " انا ملفي لسى في كلية ينبع الصناعية وما ابغى اسحبه الا بعد المقابلة الشخصية وراح استعير الوثيقة عشان المقابلة " طبعا اذا انقبلت ان شاء الله هذي خطتي الإستراتيجية السرية هع "

ياليت باقي الاعضاء يعطونا خبر ,,,

انا مسجل في الابتعاث بس لا تشيلو هم الاتصال ماله شغل بالابتعاث


بحثت قريت بمنتدى ان يقولو بيسوو احصائية أو بيان .. شي من هالقبيل
والمعذرة اذا روعناكم

والله يعني ماذكر بالضبط
بس السلام عليكم .. فلان .. معاك المؤسسة العامة ومادري وش قالت بعدين خخخ وانا ماشغلت بالي لان اللي تكلم بنت ومالي خلق أستفسر منها أكثر .. وسألت هل تشتغل أو لا .. ووش السبب اللي ما خلاك تشتغل معدلك متدني .. أو ما لقيت لك شركة .. ووين توظف القطاع الحكومي أو القطاع الخاص ..

وإجاباتي كلها برسمية وبسس دا الا صار ومايندرى عن المؤسسة عندها مشروع توظيف أو بس احصائيات

والله ما ادري وش اقول لك
لكن من جد غريبه ما اتوقع لها دخل في الابتعاث لو كان للموضوع صله كان من اول ما تتكلم ما تقول لك الموسسة تقول لك برنامج خادمين الحرمين لاعداد مدربين تقنين
لكن تفائل خير مدام الموسسة دقو عليك انشالله يا تتوظف في الموسسة يا تبتعث

ايوا صحيح

انا نفس الحاله اتصلو عليه بس من قبل شهرين تقريباً

ونفس الاسئله اشتغلت او لا

وليش ماشتغلت وايش السبب

طيب دورت على وظيفة

بس كان الي اتصل عليه واحد مو وحدة

الظاهر والله اعلم ان الي يقولهم لا ماشتغلت ودورت وماحصلت اظن انهم يرسلو اوراقو للشركات ويوظفوة

انت مسجل بموقع مهنة ؟
التابع للمؤسسة العامة للتدريب

أول مرة أسمع عن هالموقع وأنا أخووك