تخصصك دعم فني ؟ تعآآآآآآآآآآآآآآل

شباب وينكم 11 مشاهده ولا واحد رد

الشباب كلهم مشغولين في الدوره وفي اوراقهم \

بس اتوقع ياخذوا من ٤،٥ وانت طالع

اهلين اخوي

انا من طلاب الدعم الفني المقبولين في المرحله الاولى الدفعه الثانيه

اغلب معدلات الشباب كانت فوق 4،5

طلاب الدعم ابتعثوهم الى جامعتين في استراليا

RMIT University في مدينة ملبورن
USQ University في ولاية كوينزلاند

وفيه شباب ابتعثوهم الى ايرلندا

وبالتوفيق ان شاء الله

لبى والله قلوبكم يا cobrax و mmz
بالنسبه للمعدل 4,5 اشوفه حلوو وجدا مناسب
بس معقول ان كل طلاب الدعم ابتعثوهم لاستراليا وايرلندا !!!!!
مافي امريكا , كندا , بريطانيا .. نبي تفاعل ياشباب بليييييييييييييز

وعليكم السلام ورحمة الله وبركاته
آميييييييييييييييين


قبل ما أجاوبك أبسأل من أي كلية أنت وكم معدلك الأن حالياً ..........

انا من تقنية ينبع .. ومعدلي الحالي 4 وانا بالترم الرابع يعني باقيلي هالترم وترمين السنه الجايه وافتك
يالله انتظر جوابك ..

الجواب هو كالتالي :

معدلات المتدربين الذين تم قبولهم من كلية ينبع التقنية في الدفعة الثالثة هي = 4.84 و 4.44

وأغلب المتدربين في هذا التخصص ابتعثوا إلى دولة نيوزيلندا

فألي أحب إني أقوله لك

أولاً / إنك تشد حيلك فيما تبقى تحاول توصل معدلك لأقصى درجة ممكنة .

ثانياً / أسأل مشرف الشعبة أو زملائك ألي معك وألي في الدفعة السابقة والدفعة الجاية هل معدلاتهم أكثر أو أقل وهل هم يبغون يقدمون على الابتعاث من أجل انك تشوف هل فيه امكانية انهم يقبلونك ابتعاث .

وأيضاً هل مدرسينكم أجانب ولا سعوديين ( لأنه إذا أجانب فهم بحاجة لأكبر عدد ممكن من المدربين السعوديين )

أقول الكلام هذا كله يا saad علشان ما يفوتك الوقت وتبني آمالك على شيئ أنت ما أنت متأكد منه ,,,,,,, لأنه المؤسسة لها عدد محدد من المبتعثين وهو ألفين طالب مبتعث وفي الدفعة الأولى والثانية قبلوا
439 + 429 = 868 متدرب

والدفعة الحالية حتى الآن حوالي 250 = 1118 متدرب وباقي 882 على الــــ 2000 وأنت راح تتخرج السنة الجاية الترم الثاني ولو قلنا إنه فيه دفعة راح تطلع أساميهم في شهر 8 الجاي لو قلنا تقريبا 300
يبقى حوالي 582 اسم

وفيه دفعة بشهر 4 / 1433 هـ لو قلنا تقريباً والمتوسط 300 - 350 اسم يبقى 282 -232 اسم ( ماراح يمديك تقدم في الدفعة هذه لأنه السنه هذه انتهى التسجيل بالابتعاث بتاريخ 12 / 4 / 1432 هـ والطلاب استلموا وثائق التخرج بتاريخ 18 / 4 / 1432 هـ )

والدفعة ألي بشهر 8 / 1433 هـ هي أي راح يمديك تقدم عليها ولكن 282 - 232 اسم هل تعتقد انها كافية , أحسب حساباتك وضبط أمورك ولا تعتمد على جهة معينة في التقديم بعد التخرج توقع كل شيء لأنك مُقدم على مفترق طرق الدراسة --- الوظيفة .................................................. .........................

والله يوفق الجميع لما يحبه ويرضاه

* وصلى اللهم وبارك على نبينا محمد *

الله يجزاك خير ياخوي ومشكور على معلوماتك القيمه صراحة
ومو مشكله اذا ماقبلوني .. نكمل بالرياض او اطلع على حسابي
انا اصلا من اول افكر اطلع على حسابي لان بعثات الموسسة تلزمك انك تتوظف عندهم !!
بس المشكله وين القى الجامعه اللي تعادل جميع الساعات ؟
ياليت لو عندك معلومات تفيدني فيها واكون لك من الشاكرين