حوار تجمع طلاب University of Wosconsin لعام 2013

عليكم السلام

هلا بك اخوي .. بصراحة بادره طيبة لافتتاحك للموضوع من زمان ودنا فيه ك طلاب امريكا وكذلك نحاول نستفيد من البعض ونفيد اللي نعرفه .. اشوف المواضيع الثانيه كلها استراليا وكوريا واليابان وكان ودي افتح موضوع بس ماكان عندي الجرأة .. عموما مشكور يالغالي على الحوار وانا اشوفه مو بس لجامعة ويسكنسون فقط لامريكا عامه علما انا موجهه لويسكنسون والحمدلله خلصت امور الفيزا وبانتظار القرار والتذاكر


يالغالي اذا عندك خلفيه عن امور السكن كيف راح يكون اتمنى الافادة وشكرا

هلابك يالغالي هلا بمشعل, يارجال يوم تعرفنا على بعض بماليزيا وصرنا نمون على بعض اكتشفت ان اغلبهم كانو يدخلون المنتدى ومايشاركون طبعاً اتضاربت معاهم هههههههههههههه.
بالنسبه للسكن الجامعه يخيرونك اذا تبي تسكن بالسكن الجامعي او لأ, وانا جاني ايميل من الجامعه قبل شهر لكن مافضيت الا الحين لاني كنت مشغول مع المؤسسة علشان سالفة اللغة اللي قلت لك عنها, والشباب اللي هناك قالو لي انتبه تدفع او توقع عقد قبل لاتشوف السكن سواءً الجامعي او غيره, تعال وشف بعينك افضل, لأن اغلب اللي سكنو في الجامعه ماعجبهم وخاصة اللي اخذو غرفه مشتركه, وفيه بعضهم لأ بالعكس مستانس لانه انحط بمبنى احسن وغرفه لوحده مع دفع مبلغ اكثر طبعاً, (الجامعه فيها 11 مبنى مخصصه للسكن الطلابي وكل مبنى يختلف عن الثاني بالإضافه لمكاتب العقار للي يبي يسكن خارج الجامعه برضو متوفره), فلذلك يقولون تعال وشف احسن لك. وبشكل عام يقولون ماشافو الا الخير من اهل المدينه طيبين. والجامعه تستقبل الطلاب وتسكنهم في فندق مبدئياً الى ان ينهون بعض الاجراءات مثل حساب البنك وبعض الامور الاخرى.
عموماً الشباب اللي هناك اللي اعرفهم بيرجعون للسعوديه اجازه شهر من 20/12 الى 20/1 يعني ماراح نشوفهم الا مع بداية الدراسه ان شاءالله.

في الـ i20 صفحه 1 النقطه رقم 5 السطر الثالث مكتوب no later than 1/14/2013 لازم اكون هناك, انت ايش مكتوب عندك؟

وتاريخ استلام التذاكر والقرار بيكون في يوم الاحد 6/1/2013 بالموقع على حسب ماوصلني ان شاءالله.

والله الموفق,,

هلا والله عمر ايه مكتوب زيك .. لكن القرار والتذاكر ما اعلنوا عنه بالموقع والمفروض يعلنون عنه عشان نعرف تاريخ السفر ونضبط الامور .. انت مراسلهم ولا كيف ؟


بالنسبة للسكن صحيح لازم نشوف على ارض الواقع ونتاكد من كل شيء وان شاء الله تساهيل

انا جالس اسبوع بالرياض علشان موضوعي وكل يوم جايهم واللي اراجعهم موظفين مختصين مو حقين الاستقبال, وقال لي الموظف عن التاريخ.

الله يعينك ويعينا

لكن لو تلاحظ طلاب ايرلندا وبريطانيا اعلنوا بالموقع لهم موعد استلام القرار والتذاكر مع ان دراستهم بعدنا بشهر وشهرين .. انا اتوقع وعلى كلامك استلام القرار والتذاكر في 6 من يناير وراح يعلنون بالموقع ان شاء الله هالاسبوع او بداية الاسبوع الجاي ..


بس انا مزودين لي ترم .. بالقبول سنة لغة وسنتين ونص تخصص .. هذا ماكان اتفاقنا مع المؤسسة المفروض سنتين تخصص لكن الجامعة
عطتني ترم زايد .. ان شاء الله خيره واهم شيء نطمح للشهادة لكن هل انت معطينك ترم زايد ولا عشان بس تخصصي ؟



بالتوفيق

الظاهر ايرلندا يبدون قبلنا, وبريطانيا انا متابع الموقع تقريباً كل دفعه دائماً تنزل اسمائهم اول شي لان منسقين جامعاتهم من المجلس الثقافي البريطاني يعني ماعندهم فوضى ولخبطة مكاتب القبول, وهو قال راجعنا 6/1 وتابع الموقع علشان التذاكر والقرار, لأن زي منت عارف احتمال ماينزل اسمي بالموقع علشان كذا قال لي التاريخ.

وبالنسبه للمدة انا نفس وضعك سنتين ونص وحتى الشباب اللي هناك قالولي سنتين ونص.

وان شاءالله تتيسر.

كووول مان انت اللي من تبوك وكانت عندك مشكلة واشتكيت عليهم

هلاااااا وغلااااااا, انت اللي كنت جاي من الشرقيه
وش صار عليك انت بشرررر يارجال؟ ان شاءالله خلصت امورك

نزل تاريخ استلام القرار والتذاكر بالموقع , نفس التاريخ 6/1
والله الموفق