طلب مساعده من كل المبتعثين

وعليكم السلام

سبقتني والله ,, بإنتظآآآآآر الإفادة من الأخوان ع أحر من الجمرر ........

الله يعطيك العافيه ع الموضوع ,, ^_^

الله يعافيك أخوي ولد سدير
وان شاء الله نحصل الإفادة من باقي المبتعثين
مع أني اشوف هالفتره فترة خُمول مدري ليه من قبل المبتعثين

شـــكرا لك آخي مشـــاري علي هذا الطرح الآكثر من رائع : ..


والآن ســـوف اتكلم بما رأيت من معلومات هنا ولست متاكدا منها ، اكيد الزوار هنا يصححون لي ومنهم نستفيد ..


البنك الذي تتعامل معه الملحقية هناك وهو افضل بنك وشائع بين المبتعثين واغلبهم عليه ولك حيره الاختيار اذا اردت تغيره هو هذا البنك " بنك الكومنولث " Commonwealth Bank - Personal Banking, Business Banking and Corporate Banking - Commonwealth Bank Group


آما بخصوص الفيزه فـلكم خيارين وهو اما الماستر كارد من الآهلي او " فيزه تســوق " من الراجحي .. وكلها تؤدي نفس الغرض ولكن ميزه الراجحي انهم يصدرونها في نفس اليوم والاهلي تتاخر لمده اسبوع الي اسبوعين

انا عن نفسي طلعت لي " فيزه تســوق " من الراجحي ، حتي تفيدني في مشتريات النت وكل شي

آما بخصوص السكن يا آخواني والله ما اود لكم الي الخير ، ابعدوا عن زرف المعهد في طلاب من الدفع الاولي وربي منقهرين زرفهم عيني عينك .. تخيل يعاملونك بسعر الانترناشونال .. والمشكله حنا باقي مبتدئين في استراليا يعني التوفير في صالحنا

فـ طبعا بحثت في جميع المنتديات ولقيت افضل شي يعني في المواقع وكل شخص له وجه نظر في مواقع كثيره بس الي عجبني هذا الموقع .homestaynetwork
اذا كان عندك شوي لغه وكذا ادخل وسجل فيه وذا واجهت اي صعوبه راسلني وان شاء الله احاول اساعدك في التسجيل


آما بخصوص الفلوس كم ناخذ / انا عن نفسي راح اخذ معي من 10000 الي 13000 ، يا شباب حاب انوه واقول علي الاقل علي الاقل خذ مثل مكافاتك 3000 دولار يعني ما يساوي بالريال عشره الاف لانها هي الي تكفيك وهذا اذا كنت مختصر ..

فلا تقولي باخذ معي خمسه الاف ريال وبتكفيني ، لان السكن علي ما بحثت اقل سكن راح تجده بيكلفك لمده شهر تقريبا من اربعه الاف وخمسه ميه الي خمس الاف { باستثناء الف وخمس ميه حقت اسامه } ..



آما طريقه اخذ " الفلوس " من السعوديه راح نعمل الاتي :
راح تكون عندنا ثلاث مصادر للمال .. المصدر الاول الفيزه ، والثاني بطاقه الراجحي العاديه والثالث جيبك الله يطول لي في عمرك ..


الفيزه : راح يكون فيها اقل شي اكثر من نصف المبلغ لان اغلب المعاملات هناك بالفيزه
بطاقه الصراف العاديه : راح يكون فيها جزء بسيط من المال { في حاله لا سمح الله ضاعت الصراف او تعطلت او طاحت في البحر } يصير عندك بطاقتك الثانية وعلي قول المثل بيضك لا تحطه بسله وحده
اما جيبك : فهذا يكون فيه جزء بسيط ما يتعدي حتي الـ 600 دولار اوو 700 دولار وحتي من رايي اقل ، هذا حق عصير مويه شي تبي تشري شريحه من المطار او شي من الشيئات يعني تكون في جيبك جاهزه

آخواني هذا ما استطيع تقديمه لكم واي ســؤال لا تتردد في الاتصال بي وأكيد راح اخدمك بالي اقدر عليه ..

هذا الاسكايبي
moneer . almalki


دعواتكم آخواني ..

^^^

بارك الله فيك معلومات رائعة

طيب ياشباب وش رأيكم في بطاقة فيزا البلاد مسبقة الدفع ؟ اعضاء منتدى مبتعث يمدحونها كثير افكر فيها بصراحة

وانا فكرت اخذ معاي المبلغ كامل 12 -15 الف ريال نقول 13 في بطاقة الفيزا مسبقة الدفع و 1500 في بطاقة الصراف و500 كاش اصرفها من احد البنوك

لاكن شباب تصدقون في حياتي ماطلعت بطاقة صراف خاصة فيني غير بطاقة الكلية

طريقة الشراء من بطاقة الفيزا مسبقة الدفع كيف سهل ؟

بس امرر البطاقة في الجهاز الي في المحلات واحط الرقم السري ويتم خصم المبلغ بدون احتساب فوائد او اي شئ ؟

شكلي اول مااخذها راح اجرب اشتري اي غرض من هنا قبل السفر

شباب اتمنى التفاعل بشكل كبير الموضوع مهم للغاية لكل المبتعثين

ماادري ليش يوم قرب السفر واللحظات الهامة قل التفاعل في المنتدى

بطاقة الفيزا عادي تمررها في اجهزة السحب الي في المحلات وتدخل رقمك السري ويتم خصم المبلغ فورا اخوي alon

وبالنسبه للبلاد والراجحي نفس الطريقه فيها فيزا للافراد

جميل جداً المووضوع

طيب اخوي غربة وطن .. بخصوص بطاقة التسوق الراجحي

كم رسومها .. وكم الفائدة للعملية

وشكراً

بسم الله,
من باب المشاركة ولعل بها فائدة ان شاء الله, سأشارككم بعض مما املك من تجارب بهذا الخصوص.
وبارك الله فيك اخ مشاري على هذه الفكره, والله يجزيكم خير ياشباب على المشاركه.

من واقع تجربتي السابقه في دولة ماليزيا :

- لن تستخدم بطاقة الفيزا او المشتريات واذا استخدمتها راح تستخدمها مره واحده, لأنك راح تفتح حساب في بنك في دولة الابتعاث وغالباً يكون في اول ايام وصولك ان شاءالله.

- حسابي في البنك الاهلي, (ومعاي بطاقة صراف الاهلي العاديه والماستر كارد مسبقة الدفع ايضاً), طبعاً استخرجتها من البنك بناءً على ماقرأت في اغلب المنتديات والمواضيع بأنها مهمة, لكن اكتشفة غير ذلك وصرت استخدمها لشراء برامج للايفون فقط , (لكن اذا مانفعتك ماراح تضرك ان شاءالله وانصح انك تاخذها معاك).

- الفرق (البطاقات مسبقة الدفع) بين الراجحي والاهلي, ان الاهلي (MasterCard) والراجحي (Visa) , والاهلي ماتقدر تستخدم بعض خدماتها مثل السحب النقدي او شحنها, لفترة معينه يومياً تقريبا من الساعه 12 بالليل الى الساعه 4 الفجر بتوقيت السعوديه (لان البنك يحدث بيانات), هذا على حسب معلوماتي المتواضعه, وايضا لو كان فيه فرق بالنسبه لفوائد البنوك لن تكون اكثر من 5 او 10 ريالات خاصة الاهلي والراجحي. والموضوع هذا ذو شجون وممكن البحث وعمل المقارنه لكثرة المواضيع بهذا الخصوص في اغلب مواقع الانترنت وخاصه المواقع الخاصة بالسياحه (لكن تذكر انك مو سائح , لأنك طالب وراح تفتح حساب هناك ان شاءالله)

- شحنت البطاقه الماستركارد بـ 200 ريال فقط, وباقي الفلوس في بطاقة الصراف العاديه,فتحت حساب هناك وسحبت كل اللي في حسابي السعودي بواقع 5000 ريال (الحد الاقصى للسحب اليومي) وثاني يوم 2000 ريال تقريبا وانخصم على كل عمليه 30 او 40 ريال يعني لو اكثر ماعندي مشكله (دائماً حاول تسحب الحد الاقصى علشان يخصمون رسوم الفوائد مره وحده) ولاتنسى ان اهم شي الفلوس تكون مأمن عليها في البنك ومو شايلها معاك, ثم سويت لها ايداع في حسابي هناك, وبطاقة البنك حقنا تقدر تستخدمها visa ايضاً مو بس صراف. واعتقد كل اغلب الدول كذا.

- تاخذ معاك اللي يكفيك اول كم يوم كاش 500 الى 1000 دولار مثلاً مصاريف ومواصلات ....الخ وتكون محولها هنا بالسعوديه لعملة البلد اللي رايح له, والباقي بحسابك في البنك السعودي, ولما تسحبه هناك يتحول تلقائياً للدولار مثلاً وهذي تعتمد على سعر الصرف وفوائد البنك. (ممكن البحث عن الفرق بين البنوك غالبا في المواقع الخاصة بالأنديه الطلابيه هناك). مثلاً نادي الطلاب السعوديين في دولة او مدينة كذا......

- مادري عن طلاب استراليا بالنسبه للسكن, لكن حنا (اتفاجأنا) بأن لازم ندفع شهرين مقدم + نص شهر تأمين + قيمة العقد, انتبهوا لموضوع السكن واعملوا حساباتكم.

- بالنسبه للتحويل من والى السعوديه, انا من السعوديه كانو يودعون لي في حسابي السعودي واسحبه من هناك, لكن من هناك الى السعوديه كنا نحول اون لاين, وبالنسبه للبنك الاهلي توصل من حسابي هناك الى حسابي في الاهلي خلال 3 ساعات تقريباً, بينما فيه شباب معانا يحولون للراجحي تاخذ من يومين الى اسبوع تقريباً.

- لاتنسى تفعل خدمة الاون لاين في حسابك السعودي (وحاول تاخذ رقم حسابك الطويل اللي يسموه آيبان ورقم الفرع اللي فتحت عنده الحساب, لانك تحتاجها اذا كنت بتحول من هناك الى حسابك السعودي).

زياده على ذلك حاب اقول لكم حاولوا تسجلو ببرنامج الفرسان اذا كنت على الخطوط السعوديه او اي برنامج مشابه له على اي خطوط اخرى لانك بتستفيد منه بالمستقبل, انا اقول لكم كذا لان كثير مننا ندم انه ماسجل, ولا سمع بالبرنامج اصلاً, وبعض الشباب استفادو منه مثلا بترفيع درجة السفر من السياحيه الى رجال الاعمال مجاناً.


هذا ماعندي من معلومات وان شاءالله يكون فيها فائده,
والله الموفق,,,

هلا آخوي البطاقه اسمها فيزه " تســوق" وتفرق عن الاهلي لان الاهلي ماستر كارد ..

رسومها ميه ريال

وتستخرجها من نفس اليوم ، ولكن الافضل خذها من الادارة عشان تطلع لك منحوته لا تاخذها مطبوعه انت كلم الموظف وقول له ابيها منحوته وهو راح يضبطك ..

اظن كل سنه رسوم ميه ريال تقريبا
والميزه الي حلوه فيها انك تقدر تسحب كاش من الصراف بس برسوم اظن ما تتجاوز 25 ريال سواء داخلي او خارجي

انا طعلت لي وحده وتفيدك في مشترياتك من النت { برامج ، كتب ، معدات ، اجهزه الخ } ..

شوف وش الانسب لك يا الاهلي يا الراجحي ..

وكلها تعطيك نفس النتيجه بس في فوارق بسيطه جدا لا تذكر

طيب شباب انا عندي حساب سعودي في بنك سامبا ,, حساب شخصي عادي ...

وش الوضع ؟ اقدر اسحب من البطاقة وانا هناك ؟ واذا إيه , كم ياخذون من حسابي على عملية السحب الوحده ؟

وبالنسبة لبطاقات الفيزه وماستر كارد وش احسن ؟ وأي بنك ؟