تكفوون يامبتعثين امريكا . .
السلام عليكم ورحمة الله وبركاته
ألله يسعد اوقآتكم أحبتي ويوفقكم ويسهل لكم يآكريم
ياشباب انا خلصت الكليه التقنيه وتخصصي حاسب ألي شبكات ومعدلي ممتاز الحمدلله وناوي اطلع على حسابي
إلي يقول ليش تطلع على حسابك ومعدلك يسمح ومدري وشو . . لاني انا ناوي اختصر سنه من حياتي إلي هي حقت اللغه وعلى بال التقديم وعلى بال مدري وشو هذي كلهآ سنه
فـ نويت إني اطلع على حسابي خمس شهور أدرس ب أمريكا وبعد كذا انضم للملحقيه تبع التعليم العالي . . وحتى الفلوس إلي دفعتها للمعهد يرجعونهآ لي
المشكله الحين زي منتو عارفين إلي هي معادلة المواد فـ جاتني فكره إني اتراسل مع نفس الجامعات إلي تتعاقد معاها المؤسسة على اساس إنها راح تعادل لي شي طيب
إطلعت على برنامج الابتعاث الخاص بالمؤسسة فـ إلي طلع لي من جامعات أربع جامعات !!
معقوله المؤسسة متعاقده مع اربع جاممعات بس في أمريكاا !! ؟
الوكآد إني ابغا منكم اسامي الجامعات إلي تتعاقد معها المؤسسة
على اساس اراسلهم واشوف كم راح يعادلون لي من ساعات وأتاكد هل هي معتمده ضمن التعليم العالي ولا لا
شطحه / وش رآئيكم اتعب نفسي واطلع أكمل بأمريكآ ولآ أدخل الدفآع المدني واستلم كل شهر 8500
واقول الحمدلله وابوس يدي وجه وقفآ ؟
- - - مشاركة محدثة - - -
إيه صح نسيت
هذي اسآمي الجامعات إلي أطلعت عليهآ
MTSU University
PCT University
WIS-STOUT University
PSU University
،
رد: تكفوون يامبتعثين امريكا . .
اخوي .. شوف دامك تبي تنضم للتعليم العالي .. قدم ع الجامعات المعتمده منها هي كمان .. عشان لايعقدونك في اجراءات الانضمام
رد: تكفوون يامبتعثين امريكا . .
اخوي انت عندك هالجامعات الاربع راسلهم وشوف كم بيعادلون لك
واتوقع فيه غيرهم كثير .. لو تروح للمكاتب الي تامن لك القبول الجامعي اتوقع يفيدونك
وبخصوص انك تطلع امريكا تكمل دراستك او تتوظف بالدفاع المدني
قبل كل شي تسوية استخر ربك مرة ومرتين وثلاث .. وربك بيكتب لك الخير
وانت اعرف متطلباتك واهدافك وطموحك وهذه حياتك انت الي تقرر
بنظري اشوف انك تبتعث وتاخذ بكالريويس افضل من انك تتوظف على شهادة دبلوم
وبالتوفيق لك اخوي
رد: تكفوون يامبتعثين امريكا . .
الجامعات الأربعه هذي . .
مآفي شي منها يناسبني ، إلي متكدسه بالطلاب وإلي مافيها تخصصي
أتمنى ياشباب تفيدوني باسامي الجامعات إلي متعاقده معاها المؤسسه بَ بأمريكا
رد: تكفوون يامبتعثين امريكا . .
يالغالي تفضل هذا الرابط وهو لمبتعثي امريكا الان
https://www.tvtc.gov.sa/Arabic/Depar...s/america.aspx
- - - مشاركة محدثة - - -
فيه الجامعات الي ابتعثو لها
وبالتوفيق
رد: تكفوون يامبتعثين امريكا . .
الله يعآفيك أخوي
بس انا جبت الجامعآت من نفس الرآبط هذآ سابقا
لو تلاحظ الجامعات إلي بيسافرون لهآ هي نفسهآ إلي منزلهآ بموضوعي
وللأسف الجامعات هذي إلي متكدسه وإلي مافيهآ تخصصي
رد: تكفوون يامبتعثين امريكا . .
اذا تقصد مبتعثي امريكا من دفعتي
ف اعتقد انهم حأيسين في أول أسبوعين من بدأية الابتعـأث حـأليـآ : بين فتح الحسأبات البنكية و الاستقرار في سكن قريب للمعهد
أظن مـأ رأح يدخلون الموقع في الفترة هذي بحكم أنهم مضغوطين . . توهم الي طلعوأ ^^
امـأ من الدفعـأت السـأبقةة : أنـآ أستغرب عدم توأجد أي مبتعث أمريكي ذو خبرة . . يفيدك ب طرحكك
و لو كنتَ أمريكيـآ لسأعدتك من كل قلبي . . لكن للأسف أنني يـأبأني ي فتى .. لهذأ لآ أستطيع لآني لآ أعلم شيئـآ بخصوص امريكـآ تلك ^^
يبدو أنني قلبتهـآ و كأنني من سكـأن جزيرة العرب . . تبـآ لي يبدو أنني رأئع بهذة اللغة .. حسنـآ الى اللقـأء ي غلآم ههههههه
(- فصصلت عليه ^^ . . أعذرنآ حبينـآ ندردش معك و لو بكيفي أسـأعدكك و الله من عيوني . . لكن صدقني ي أخوي من جنبهـآ أنـآ
رد: تكفوون يامبتعثين امريكا . .
اخوي والله هذه الجامعات الامريكية الي اعرفها
رد: تكفوون يامبتعثين امريكا . .
مآتقصرون حبايب قلبي
الله يعطيكم العآفيه ويسهل لكم درآستكم يآكريم
كلي أمل ب إنه في أحد رآح يجي ويفيدني . .
رد: تكفوون يامبتعثين امريكا . .
حبآيبي لقيت الطريقه الحمدلله تطلع كل الجامعات إلي فيها تخصصك
بمجرد انك تحط تخصصك والدوله إلي تبيها
ندخل هنـــا
إلي هو الجامعات الموصى بها لدى وزارة التعليم العالي
ونختار من على اليمين أي دوله نبغاها واذا تبي تختار اي ولايه كمان وتكتب تخصصك
وتطلع لك الجامعات كلها إلي فيها تخصصك
لاكن هالطريقه ماتطلع لك اي الجامعات الي متفقه معها المؤسسة
وأخيراً صح هي طريقه بسيطه ومعروفه عند الكل
لآكن يجي إلي يستفيد منهآ زيي
دمتم بَ ود