استفسار عن الأمور المادية في بعثة المؤسسة

ما فهمت السوال ؟
اذا قصدك قبل الابتعاث و لا ريال

يعطيك الف عافية اخوي: الجوهرين

اقصد التكاليف والرسوم الادارية .. من اجراءات ووثائق واصدار الفيز و..الخ. ماقيمتها ؟؟ ( الي فهمته منك ولا ريال)

طيب: عند اول يوم وصول للمبتعث لدولة ابتعاثة هل يستلم مبلغ او مكافأة مقدمة ام بنتظر حتى نزول المكافأة وماهي مدة الانتظار ؟

اسف على سوء الفهم
انت اول شي قول وين دولة ابتعاثك ؟
تختلف رسوم الفيزا من بلد لبلد ، المعيشة كمان بتختلف ، انت بتسافر و عندك بيت او عائلة هناك او بتروح و تشوف ؟
المكافئة تنحسب من اول يوم تدخل فيه البلد بشرط ما تزيد عن شهر.

ايه ادري ان: الفيزا تختلف سعرها من دولة الى أخرى والمكافأة تحسب عند اول يوم دخول على ان لايكون قبل مدة الدراسة بشهر, بس المفهوم ان يوجب على المبتعث دفع الفيزا وعند الوصول لدولته الانتظار شهر حتى نزول المكافأة الأولى صحيح كذا ؟

هل هناك اي رسومات أخرى يوجب على المبتعث دفعها .. ! ؟ , هل يوجد رسوم دفع السيفيس .. !؟

تحتاج التفصيل للامور المادية؟
من فتح القبول
- رسوم الفيزا والسيفس اذا ابتعاثك لأمريكا << الملحقية بيعوضوك المبلغ لما توصل بشرط تحتفظ بصورة من الفواتير والايصال
- مصروف اول ايام بمقر البعثة لحد ماتكمل فتح ملفك بالبوابة الالكترونية للمبتعث وبعدها بتنزل الفلوس بحسابك
----
حط ببالك مصاريف سفر وسكن بالرياض لو انك ساكن خارج الرياض (يوم المقابلة+يوم تسليم التذاكر وقرار الابتعاث)
بالاضافة لفترة سكنك اسبوعين بمقر دورة التهيئة لو انك ساكن بمدينة غير المدن اللي تقام فيها دورة التهيئة
وسلامتك...
الله يوفقك ويسهل امورك انت وكل الشباب اللي ناوين الابتعاث

مشكور, والله يوفقك ويجزاك خير.

ماقصر الاخ

هذي معلومات اكثر بالتفصيل

بعد الاعالان عن الاسماء وموعد المقابلة .

قبل السفر :
مبلغ مالي راح تصرفه ل يوم المقابلة . اذا كنت من خارج الرياض مثل مصروف وسيلة النقل مصروف الاكل والشرب واذا كنت بتحضر للرياض قبل المقابلة بيوم وهذا الشي الي انصح فيه ف مبلغ للسكن في خلال هذي المدة يعني انت وحسب صرفيتك خلال يومين . وان شاء الله بعد ماتعدي المقابلة تبدا اجرائات الادلة الجنائية والفحص الطبي يعني مصاريف النقل ,اذا كنت تملك سيارة ف البنزين الله لا يهينك وكذلك نسخ من بعض الاوراق الي يطلبونها الادلة او الفحص الطبي يعني مصاريف مكتبيه , وبعد ماتخلص بتروح تترجم الاوراق في مكتب معتمد وتتراوح الاسعار من 150 الى 300 ريال هذا والله اعلم . وبعدها برنامج التهيئة اذا ماكان في مدينتك تتاج صاريف لمدة اسبوعين من سكن واكل وشرب وغيرها من الامور الي تجي ع بالك . نهاية برنامج التهيئة بتعرف على الدولة المحدد لك وهذا الي له تأثير كبير من ناحية المصاريف ف من اغلى الدول هي بريطانيا ومن ارخص الدول استراليا هذي وجهة نظري من المعلومات الي عندي الي اخذتها من مبتعثين في بريطانيا ومن المدربين في برنامج التهيئة وكذلك من الشباب الي بيروحو هذي الدول . عن نفسي مبتعث الى بريطانيا ف راح اقولك المصاريف الي احتجتها والي ممكن تختلف من مبتعث الى اخر - بعد برنامج التهيئة راح تنتظر القبول وموعد السف وراح يتواصل المشرف معك بخصوص الفيزا والوقت الي تروح تخلص فيزك , بريطانيا في البداية بتطلع فيزة طالب زائر مدتها 12 شهر راح تكلفك تغريبا 990 ريال حنا رحنا مكتب وعملناها ب 1100 ريال وبعدها بتحتاج مبلغ الي تاخذلك اغراض من السعودية قل السفر مثل شنطة السفر وملابس وغيرها من تجهيزات السفر مع العلم ان تذكرة السفر مو عليك , وتحتاج مبلغ مالي يكفيك مدة شهر كامل في بلد الابتعاث ف تاخذ مبلغ مالي سعودي وتحوله الى عملة البلد الي بتروح فيه واسأل المبتعثين في نفس البلد عن المصاريف وكمتحتاج لمدة شهر كامل ومبلغ بسيط في جيبك مشان يمكن تحتا شي في المطار او خليه احتياط .

بعد السفر :

مبلغ مالي للتاكسي من المطار الى العنوان الي تبيه , مبلغ مالي للفندق اذا ماكان السكن متوفر لاي سبب كان ( اسأل عن الفنادق واسعار السكن ) , مبلغ للستجيل في الشرطة( بريطانيا 34باوند) , وبعدها بتبدي تصرف ع نفسك للاكل والشرب وغيرها الى موعد صدور المكافأة واذا حصلت السكن راح تدفع اجار ع الاقل لمدة شهر مع التأمين السنوي ( اسأل عن الاسعار المتوسطة لانواع السكن والتأمين ) .

نجي للملاحضات :
بعد ماتطلع لك رقم ( بعض المعاهد توزع شرايح بالمجان لطلابها ) , وبعد ماتفتح حساب بنكي ( الاجراءات حول فتح حساب بنكي بتحصلها من المعهد ) , راح تفتح حسابك في الملحقية
المكافأة راح تنزلك على عدد الايام الي قضيتها حتى موعد المكافأة يعني حط في بالك بتجيك ناقصة , راح ترفع طلب تعويض للفيزة وتعويض التسجيل في الشرطة وراح يجيلك التعويض المالي بشرط انك ترسل صور الايصالات.

^^^^كلام طويل . باختصار خذ معك مبلغ يكفيك ع الاقل شهر في بلد الابتعاث وخلي مبلغ احتياطي في حسابك السعودي .

وبالتوفيق

الله يعطيك الف عافية اخوي the pearl .
ماقصرت, كفيت ووفيت, جعله الله في ميزان حسناتك
وجزاك الله الف خير.