الاوراق المطلوبة لطلب الاجازه الاستثنائية من وزارة التربية والتعليم
كيف حال الجميع...عساكم بألف خير
اردت ان استفسر من اصحاب الخبرة عن الاوراق المطلوبة لطلب الاجازة الاستثنائية من وزارة التربية والتعليم
لزوجي حيث سيكون مرافقي في دولة الابتعاث والى من تقدم هذه الاوراق ومن من تطلب الاجازة؟؟؟
ولكم منا جزيل الشكر..
رد: الاوراق المطلوبة لطلب الاجازه الاستثنائية من وزارة التربية والتعليم
طبعا انا طلبت الاجازة ومريت بالخطوات التالية:
1-كتابة خطاب لمدير التعليم اطلب منه الموافقه على منحي اجازة استثنائة بدون راتب طبعا .
2-مدير التعليم يأشر على الطلب ويحولة لشؤون الموظفين.
3-شؤون الموظفين يحول الطلب الى مدير شؤون المعلمين لكي لا يطالب ببديل.
4-مدير شؤون المعلمين وافق على الطلب وهذا هو المهم ورججعني مرة ثانية لشؤون الموظفين.
5-شؤون الموظفين حول الطلب للملفات.
6- الملفات طبعا هم يكملون الباقي يراسلون الوزارة.
7-بعد ثلاث ايام جاني الخطاب المدرسة بالموافقة على الاجازة.
بس لا يقدم على الاجازة الا اذا صدرة التأشيرة لأني بعد هذا كله الغيت الاجازة لعدم صدور تأشيرتي والحين جآت التأشيرة وبقدم الاجازة الاسبوع القادم ان شاء الله.
طبعا الطلب كله في ادارة التعليم اهم شئ يرفعون للوزارة بعدم المطالبة ببديل لانهم لوطالبو ببديل راح ترفض الوزارة الطلب.
يقدم مع الطلب ورقة إفادة بأن زوجك محرم معاك يأخذ الورقة من وزارة التعليم العالي.
رد: الاوراق المطلوبة لطلب الاجازه الاستثنائية من وزارة التربية والتعليم
يا جودي ناصر ..
من فضلك انا سمعتغي نوعين من الاجازات الاستثنائية ...
1 اجازة مرافقة مبتعثه وبدون راتب
2 اجازة مرافقة او دراسة ويبقى له نصف الراتب
ممكن تساعدني في هذا الموضوع وجزاك الله الف خير
رد: الاوراق المطلوبة لطلب الاجازه الاستثنائية من وزارة التربية والتعليم
اقتباس:
المشاركة الأصلية كتبت بواسطة فهدون
يا جودي ناصر ..
من فضلك انا سمعتغي نوعين من الاجازات الاستثنائية ...
1 اجازة مرافقة مبتعثه وبدون راتب
2 اجازة مرافقة او دراسة ويبقى له نصف الراتب
ممكن تساعدني في هذا الموضوع وجزاك الله الف خير
اللي بدون راتب تكون لمرافقة زوجتك و الدراسة - بإذن الله - على حساب وزارة التعليم العالي ...
اما اللي بنصف راتب فهي فحال تم ابتعاثك من جهة عملك ...
رد: الاوراق المطلوبة لطلب الاجازه الاستثنائية من وزارة التربية والتعليم
هلا اخوي فهدون بالنسبة للاجازة فيه نوعين وهذا صحيح الاجازة الاستثنائة اللي بدون راتب هذي سهل انك تأخذها تقدم عليها من نفس ادارة التعليم طبعا هذي الافضل لك في دولة الابتعاث عشان مايعقدونك الملحقية ماراح يصرفون لك راتب وممكن مايضمونك للبعثة لأن من شروطهم اجازة استثنائية بدون راتب عشان يعاملونك معاملة مبتعث.والاجازة هذي ماراح تحسب لك في الخدمة ولا راح تزيد العلاوة يعني ترجع على نفس راتبك وقت تقديم الاجازة.
النوع الثاني اللي هو اجازة مرافق وهذي تقدم اوراقك على ما اعتقد في مركز التدريب طبعا فيه قسم للبعثات ومن شروطه انك تقدم على الاجازة قبل بداية العام الدراسي الجديد بشهرين يعني شهر 8 تقريبا وهم ينسقون مع الادارة ويشوفون الوزارة تحتاج تخصصك ولا لا وممكن تدخل مفاضلة على مستوى الوزارة يعني شغلانة يصرفون لك تقريبا ثلث الراتب ولو عليك قسط في البنك راح عليك وميزتهم الوحيدة انهم يحسبون لك الخدمة وتضاف لك العلاوة السنوية في حالة انك جبت الشهادة اللي انت رايح من اجلها واذا حصل العكس لاسمح الله ماراح تحسب لك العلاوة ولا الخدمة.
هذا والله اعلم
وبالتوفيق للجميع.
رد: الاوراق المطلوبة لطلب الاجازه الاستثنائية من وزارة التربية والتعليم
اليوم ولله الحمد قدمت طلب الاجازة للمرة الثانية ووافق عليها مدير التعليم ومدير شؤون المعلمين ومدير شؤون الموظفين ووصلت الملفات وغدا ان شاء الله يخاطبون الوزارة.
ملاحظة:
يحق للمعلم اثناء تمتعه بالاجازة الأستثنائة ان يصرف له راتب الحد الادنى من الاجازة الصيفية وهي 36 يوم وفق تعميم صادر قبل وقت قريب ومعاية نسخه منه حيث طالبت بصرف الراتب لهذي الفترة وفق التعميم وتمت الموافقة بصرف راتب 36 يوم اثناء تمتعي بالاجازة الاستثنائية وانصح المعلم طالب الاجازة ان يطلب منهم عدم الاشارة الى هذي النقطة في خطاب طلب الجازة لان الملحقية عليها طلعات ممكن يقولوا ماراح نصرف لك فترة 36 يوم اللي راح ينزل لك راتب فيها.
رد: الاوراق المطلوبة لطلب الاجازه الاستثنائية من وزارة التربية والتعليم
اقتباس:
المشاركة الأصلية كتبت بواسطة جودي ناصر
اليوم ولله الحمد قدمت طلب الاجازة للمرة الثانية ووافق عليها مدير التعليم ومدير شؤون المعلمين ومدير شؤون الموظفين ووصلت الملفات وغدا ان شاء الله يخاطبون الوزارة.
ملاحظة:
يحق للمعلم اثناء تمتعه بالاجازة الأستثنائة ان يصرف له راتب الحد الادنى من الاجازة الصيفية وهي 36 يوم وفق تعميم صادر قبل وقت قريب ومعاية نسخه منه حيث طالبت بصرف الراتب لهذي الفترة وفق التعميم وتمت الموافقة بصرف راتب 36 يوم اثناء تمتعي بالاجازة الاستثنائية وانصح المعلم طالب الاجازة ان يطلب منهم عدم الاشارة الى هذي النقطة في خطاب طلب الجازة لان الملحقية عليها طلعات ممكن يقولوا ماراح نصرف لك فترة 36 يوم اللي راح ينزل لك راتب فيها.
بالعافيه عليكم ...
بس صدقت لاتجيب سيرة للملحقيه تراهم ما يبغو يكون لك راتب و لو نص هلله ...
رد: الاوراق المطلوبة لطلب الاجازه الاستثنائية من وزارة التربية والتعليم
والله يا اخ فهدون ما ادري بالنسبة لوضعك بس انا اسأل لك وأرد لك خبر
وطبعا التعليم العالي يوافق على الشهادة اللي حاصل عليها ويعطيك المستوى السادس بشرط ان يكون امتداد لنفس تخصصك.
رد: الاوراق المطلوبة لطلب الاجازه الاستثنائية من وزارة التربية والتعليم
جزاك الله خير ... انتظرك يا اخي الغالي ..
رد: الاوراق المطلوبة لطلب الاجازه الاستثنائية من وزارة التربية والتعليم
انا حاولت ابحث عن جواب لسؤالك ولكن لم احد يفيدني اتمنى من الاعضاء ان يفيدوك يا اخ فهدون