استفسار قدمت الحاق مرافق!!و تم الرفض!!

أخوي ... تراك من جد تخوفنا
كذا
إحنا مخلين وظايفنا ... وجايين مع هالنسوان عشان الإلتحاق بالبعثة
تبي تقول لنا معقدين الأمور ... الله يرحم والديك طمّنا

تدري إنها تراودني نفسي اطلع على حسابي الخاص واخلي المبتعثة يطلع معها محرم ثاني
لأني صرت اعتقد إن الإنظمام بالنسبة للي على حسابهم ايسر

نبي نسمع منك ... طمّنا

بأي دوله انت ؟؟

الله يعين، أنا ودي افهم بس كيف قدرتو تجيبو قبول و ما عندكم ضمان مالي.

شلون كذا التخصصات مرة قريبة من بعض وش ذا التعقيد

ترى الرفض مو عشانك مرافق حتى حنا المبتعثين يرفضونا عشان التخصصات
انت حاول وانشب للملحقيه واخرتها بيوافقون

شكلهم مو فاهمين فهمهم

زوجتي تخصصها لغة انجليزية ..

وجابت قبول غير مشروط بعد درجة الايلتس من جامعة معترف فيها وقوية جدا لدراسة ادارة الاعمال..

وتم رفض طلب الحاقها بالبعثة بسبب اختلاف التخصص ..

وحاليا تبحث عن قبول آخر في تخصص اللغة الانجليزية .. او التخصصات التعليمية .. حسب طلب الملحقية

وقالوا لي بالملحقية اللي تخصصاتهم مختلفة .. سيواجهون مشكلة معادلة الشهادة عند الانتهاء من الدراسة ..

يعني اللي تخصصه مختلف عن البكالوريوس ويدرس ماستر بيعادلونها له دبلوم عالي الا في حالة انه درس مواد تكميلية او بري ماستر ..

ارجو من الاخوان استبيان الامر من المشرفين قبل لا يتوهقون اذا رجعوا ..

طيب أكثر المبتعثين لمرحلة الماجستير تختلف تخصصاتهم البكالوريوس عن الماجستير .
يعني جات على المرافقين .

لا بس وش الفايده تدرس ماستر وترجع السعوديه يعادلونها دبلوم ؟؟
انت حر بس فيه سبب للرفض

خاطب مشرفك أكثر من مرة وفهمه
وأرسل للشخص المسؤول رابط التخصص من موقع الجامعة الي يبين العلاقة بين بكالوريوسك وماجستيرهم ..
ترى كلمة ( لا ) عند الملحقية مو معناها نرفض .. معناها بنوافق بس بنحرق كبدك لين نوافق !
لذلك إنشب لهم وكلم أكثر من شخص فهمه الموضوع إذا شفت إن وقتك بيضيع الله يعينك غير تخصصك تخصصات الحاسب أغلبها مطلوبة وكلها إن شاء الله مستقبلها زين
الله يوفقك