استفسار بخصوص فيزا F1 للمرافق

يجيب قبول من معهد و i20 ويقدم عالسفارة وياخذ اف 1

انا اخوي بيكون مرافقي اشلون اضمه للبعثة في بعض قلولي جبيله قبول لغة يب الوزارة ماتجبلت ولاكيف هذا اولا
وتاني سمعت انه يعطوا المرافق فيزا سياحه
طيب ابغا اخوي يكمل دراسة ماابغاه يتاخر لانه توه تخرج من التانوي كيف اسوى
الله يجزاه خير الي يرد

مشكور على الرد
لك أجمل تحية

لازم يكون في حسابه او اي احد منكم مبلغ من 60000 ريال ومافوق وياخذ ضمان من البنك للمعهد
البنك يخبركم بالتفاصيل واذا رحتو لامريكا هناك الملحقيه تعطيكم ضمان ثاني للمعهد
او من امريكا تغيرون الفيزه من مرافق الى طالب

مشكورين على الرد
لكن عندي استفسار
مرافقي قدم المعهد و حاليا بيستخرج شهادة بنكية
و إن شاء الله يجيله القبول
سؤال بالنسبة للسفارة
إذا يقدم طلب منفصل عن طلبي و كل واحد تكون له مقابلة منفصلة
كيف لأني بصراحة ماني فاهمة

ما اظن ان المقابله منفصله لانكم حتكتبوا في الابلكيشن حق السفاره انو معاكي مرافق والمرافق ايضا راح يكتب في الابلكيشن انو معاه مرافق اللي هوا انتي وبكدا حتكون مقابلتكم فموعد واحد وراح تسحبوا رقم انتظار واحد في السفارة

اتمنى اكون افدتك

لا تخافي
انا من المرحلة الخامسه قدمت وكانت حالتي زي حالتك
وهادي نصيحتي لك

اول خطوه : تحطي في اي حساب ( امك او ابوكي او اخوكي المرافق نفسو ) مبلغ لا يقل عن خمسين او ستين او سبعين الف
حتى لو تجمعوا المبلغ من عدة حسابات وتحطوها في حساب واحد يكون بإسم امك او ابوكي او المرافق نفسو
وبعد كدا تروحي للبنك تقولي لهم ابغا اطلع ( شهادة بنكية + كشف حساب لمدة 6 شهور ) واحتياطا خدي 3 شهادات بنكية و3 كشوف حساب لمدة 6 شهور .. واذا ما رضيو يصدرولك 3 خليكي على واحد مو مشكله

ملاحظة
في ناس بيطلعوا للمرافق (ضمان مالي ) وفي ناس يطلعوا (شهادة بنكيه) .. وفي فرق بين الاتنين لكن غرضهم واحد
الغرض من اصدار واحد منهم : هوا انو اثبات لمعهد اللغة بأنو الشخص اللي حيدرس في معهدهم ( مرافقك ) يستطيع دفع تكاليف الدراسه .. وبه يستخرج الآي توني ( قبول اللغة ) ,,, يعني المعهد ضروري يكون في يده اثبات بأنو دا الشخص قادر على دفع تكاليف الدراسه عشان يتم اصدار قبول له من المعهد وارساله لكم ,, لأنو الوزارة ما تجب قبول معهد له لكن تجيب قبول لك فقط

اما الفرق بين الضمان المالي والشهادة البنكيه
الضمان المالي : يحجز المبلغ يعني ما تقدري تتصرفي في المبلغ بعد اصدار الضمان المالي يفضل محجوز ما تقدري تصرفي منو شي او تسحبيه الين تستلمي ضمان مالي من الملحقيه لمرافقك
الشهادة البنكيه : تقدري تتصرفي ف المبلغ بعد اصدار الشهادة البنكيه بيوم او يومين يعني تقدري تسحبي المبلغ عادي
فالأفضل الشهادة البنكيه لأنها تف بالغرض اولا وثانيا تقدري تسحبي المبلغ

تاني خطوه : تروحي لمكتب القبول اللي جاب لك القبول وتقولي له ابغا اجيب قبول لأخويا المرافق في نفس معهدي ,, حيطلبك الشهادة البنكيه + صورة من جواز السفر + صورة من جواز سفر صاحب الحساب (اذا كانت الشهادة البنكيه صادره من حساب امك او ابوكي ) + توقيع صاحب الحساب على ورقه تفيد ان انه متكفل بكامل مصاريف المعهد ( المكتب يعطيكي الورقه وصاحب الحساب بس يوقع )

تالت خطوه : تحجزي في موقع السفاره اكاونت واحد يكون بمعلوماتك وتدخلي معاكي المرافق حقك ف نفس الموعد
وتكتبي في الابلكيشن اللي تعبه لمرافقك انو حيدرس على حساب الوزاره - حتى لو كتبتي على حسابو الشخصي فالسفاره عارفه انو هوا المرافق حقك فلا تخافوا


رابع خطوه : قبل السفر يروح اخوكي المرافق للأحوال يطلع برنت من الاحوال ( كما هو موجود في صفحه من صفحات موقع مبتعث
لجميع المرافقين الجدد على جميع المرافقين الجدد إحضار المستندات المطلوبة الاتية :
1- اذا كان المرافق موظفا: - إحضار الاستقالة – الإجازة الإستثنائية (بدون راتب) او التقاعد .
2- اذا كان المرافق غير موظفا : - إحضار تقرير من الاحوال المدنية يوضح حالته الوظيفية فى الوقت الحاضر وذلك لنتمكن من إضافته مع المبتعثة . .
المصدر: http://www.mbt3th.us/vb/forum8/threa...#ixzz0x1yCdnRl
حفاظاً على حقوق الكاتب نرجو عدم حذف المصدر مبتعث


......
في الملحقيه يتم اعطائكم ضمان مالي لك + ضمان مالي للمرافق + بطاقة الطالب + ورقه تانيه نسيت اسمها
وتنتهي المشكله طالما تم اخذ ضمان مالي للمرافق

اتمنى اكون افدتك

طيب انا زوجي طالع معايه اقدر اطلع شهاده بنكيه باسمي واني راح اتكفل بدراسة زوجي في المعهد
عشان ابغى اطلع له فيزا f-1 من السعوديه

ايوا تقدري
اهم شي تكون صلة قرابته بيكي قريبه << شوفوا الكلجه
يعني اقصد انو تكون قريبه مو مثلا ولد عمت ابوكي يتكفل بزوجك

زوجك ابوكي امك اخوكي اختك عمك خالتك ...........الخ يزبط