اجازة المعلم الاستثنائية...............

ردووووووووووو علي الله يسعدكم

من حقه يطلب الإجازهـ لمدة إبتعاثك [ 3 سنوات ] .. وعنده أصلاً رصيد من اجازة المرافقه تصل لـ 10 سنوات , يعني لا تشيلوا همّ حتى لو اعطوكم سنه أو 7 سنوات ما تفرق .. اطلبوا بعدها تمديد ورح يجيكم التمديد على طول .. لكن الافضل ان يسعى من الحين عشان تريحوا بالكم وتتفرغوا للدراسه ..

الاوراق المطلوبه فقط خطاب لجهة عمله مدعوم بقرار الابتعاث وخطاب من وزارة التعليم العالي لجهة عمله .. يعني يقدم عليها بعد ما يطلع قرار الابتعاث ويأخذ من الوزاره خطاب لجهة عمله يفيد بأنه مرافق لكِ ..

تأخذ الإجازهـ من اسبوع لـ شهر ع بال ما تطلع .. حسب كل وزاره وتخليصها للمعاملات ..

الأمور سهآلة إن شاء الله .. وموفقين

طيب وهل اجازه المرافق للمبتعثه وهو معلم هل تحسب له سنوات خدمه وتجيه العلاوه السنويه وهو مرافق ياليت تفيدوني

إذا كانت الإجازه دراسية .. نعم تُحسب له من خدمته ..

أما إن كانت الإجازه إستثنآئية .. لآ تحسب له

اختي همسة من واقع تجربة شخصية


اذا كان يرغب في الدراسة فممكن يقدم على اجازة دراسية مدتها 3 سنوات

اذا كان يبغى استثنائية

يقدم على مديره بطلب نموذج اجازة استثنائية ويعبيه ويختمه ويكتب في السبب مرافقة مبتعثة

بعدين ياخذ النموذج ويوديه لشؤون الموظفين بادارة التعليم اللي فيها

يطلبو منه افادة من الوزارة انك مبتعثة وصورة من كرت العائلة

بعدين يدرسوا الطلب وغالبا يوافقوا اذا ماوافقوا ياخذ الاوراق ويكتب معروض لمدير التعليم وغصبا عنه بالنظام يوافق

بالنسبة للاجازة حيعطوه الخيارات التالية


اما ثلاث سنوات وهذا هو المطلوب

اما سنتين وفي هذه الحالة قبل نهاية السنتين بشهر يصور الاجازة ويعبي نموذج تمديد من شؤون الموظفين ويمددوله سنة

وكذلك الحالة اذا اعطوه سنة وحدة لما ترجعو السعودية يمددها لسنة اخرى وهكذا


طبعا الاجازة الاستثنائية من غير راتب ولا تحسب في الخدمة ولا فيها علاوة ولا زيادة سنوية

اتمنى اكون افدتك

واي خدمة حاضرين

مررررررررره شكرا للاخوان عازف وalmokhtar33 ريحتوني كثيير انشالله ربي يكتب الي فية الخير لينا ولكم ونرجع باعلى الشهادات ............

ايش شروط اللى يقدم على اجازه دراسيه
وهل يعطونه والا في احتمال لا
وادا اعطوه هل يصرف له راتب مرافق

همسة ... اللهم آمين , ومن توكل على الله فهو حسبه

أخت هدهوده .. الاجازه الدراسية تعطى لمن تعدت خدمته 3 سنوات .. ومسألة إعطاءهـ من عدمه ترجع للوزاره نفسهآ في تفهمها للأمر , وتوفية شروطهم و[ أعتقد ] تختلف الشروط من وزارة لأخرى .. بالإمكان معرفة الشروط من قسم التدريب والإبتعاث من نفس الوزارة .. لكن أهم شرط يجي في بالي الحين أن يكون القبول الجامعي موجود بيدك ..

وبالطبع إذا اخذ إجازهـ دراسية الملحقية لا تصرف راتب للمرافق , لأنها تشترط اجازة استثنائية أو إستقالة من العمل [ فقط ] ..

بالتوفيق

اختي اللي اعرفو ان المعلم يااخذ اجازة مرافق وبامكانه اتمام تعليمه بالالتحاق من هناك ان اراد اتمام الماستر وتحسب له العلاوات وسنوات الخدمه