تكفون تكفون ابغى رايكم يأهل الخبرة ......

اول شي لازم يقدم إجازة إستثنائية بدون راتب ع الاقل لمدة سنة ... لان الملحقية هناك لمن يفتح ملف معاك يطلبون إجازة إستثنائية بدون راتب وعلى اساسها يبدون يصرفون له المكافأة الشهرية .. لو ما أبرز لهم الاجازة الاستثنائية اللي بدون راتب مستحيل يصرفون ريال واحد عليه ..

ثاني شي .. هم راح يتكفلون بدراسته دام معاه الاجازة الاستثنائية .. لكن هناك نوعين من الدراسة
1- دوام كامل .. كمبتعث .. ويحتاج أنه يطلع شهادة بنكية من أي بنك بمبلغ يكون أكثر من 50 ألف ريال .. حتى لو سحب المبلغ بعد يومين محد راح يكلمه فيه المهم شي يثبت انه قادر على الدفع لأي ضرف لا سمح الله .. ويطلع فيها فيزا F1 من السفارة وقت المقابلة
2- دوم جزئي .. كمرافق .. وه1ي ما يحتاجلها اي شي بس يوريهم الاجازة الاستثنائية وشهاداته والملحقية توفر له قبول في نفس معهدك ويطلع فيها فيزا F2 من السفارة وقت المقابلة برضو


اتمنى اكون افدتك

مشكور اخوي واللة يوفقك ويسهل امورك

هو بيطلع فيزةf1 وعلى فكرة الاجازة الدراسية كمان بدون راتب بس تفرق انها تحسب خدمة لة ويكون تخصصة تربوي في الماستر

ابغى اعرف الملحقية تطلب نوع محدد من الاجازات؟؟ اتمنى اخوى تفيدني

اعتقد والله اعلم لو أنه معلم ما راح يوافقون له بإجازة دراسية لانه في كذا معلم من عندنا من المدرسة طلعوا إدارة التربية ما وافقت الا على الاستثنائية


بينما لو قدر يوفر الاجازة الدراسية ممتاز أعتقد انه من صالحه .. بس برضوو خليه يسأل الإدارة في هالشي ..

مشكووووووووووور اخوي يعطيك الف عافية

السلام عليكم
بالنسبه لوضع امريكا ماعندي خلفيه بس النظام على ما اعتقد واحد انا معلم وفي كندا مرافق مع زوجتي
يقدم على اجازه استثنائيه وبعد ما يحصل قبول جامعي يراسل الوزاره ويغيرون له اجازته من اجازه استثنائيه الى اجازه دراسيه بس على فكره حتى الاجازه الاستثنايه اللي ياخذها الحين تكون اجازه استثنائيه بدون راتب بس العلاوه السنويه تمشي يعني الزياده ماشيه يعني ان شالله بعد ما ترجعون على خير ان شالله راتبه وراتب اللي يداوم واحد
الملحقيه تتكفل بكل شي للمرافق دراسته اللغه ومكافئه بس لازم يجيب قرار الاجازه الاستثنايه معاه
اتمنى افدتك واي استفسار انا حاضر ولا تنسونا من خالص دعائك