الأعضاء الإشتراك و التسجيل

الملتقيات
ADs

أخي موظف بالقطاع الصحي و يرغب بالانظمام للبعثه [ الله يفرج على من يفرجها عليه]

أخي موظف بالقطاع الصحي و يرغب بالانظمام للبعثه [ الله يفرج على من يفرجها عليه]


NOTICE

تنبيه: هذا الموضوع قديم. تم طرحه قبل 4593 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية يآرآ
    يآرآ

    متعاون سابق

    يآرآ الولايات المتحدة الأمريكية

    يآرآ , أنثى. متعاون سابق. من السعودية , مبتعث فى الولايات المتحدة الأمريكية , تخصصى Math - رياضيات , بجامعة UW
    • UW
    • Math - رياضيات
    • أنثى
    • Seattle, WA
    • السعودية
    • Feb 2011
    المزيدl

    September 1st, 2011, 03:04 AM

    السلام عليكم ورحمة الله و بركاته

    أخواني أنا مرشحه للإبتعاث لهذه السنه و أن شالله مقبوله

    لاكن مشكلتي تكمن عند المرافق , لأن بدون المرافق ماراح أبتعث

    أخوي موظف بالقطاع الصحي , خريج دبلوم (ممرض فني أعضاء) معدله 3 , خدمته تفوق ال 6 سنوات

    سابقا حاول الابتعاث عن طريق وزارة الصحه ولاكن حدث بعض العواق أحد المرات كانت على التوفل و الاخرى بسبب تغيير شروط المتقدمين على الابتعاث عن طريق وزارة الصحه

    المهم أني أضفته مرافق لي ولا لي غيره بعد الله

    لاكن لن يوافق على بعثتي إن لم يكن على رأس العمل !

    لأن عليه قروض لآزم يمشي له الراتب وإلا راح يسحب منه راتب سنتين بعد العوده للعمل !

    فَ ما أدري وش الحل ؟ و الخطوات الي ممكن تساعدنا فالموضوع قبل مرحلة التدقيق

    خاصه أني ماعندي واسطه ممكن تساعدني في موضوعه ="(

    "ربي يفرجها على من فرجها علي و عليه

    و يفتح له أبواب رزقه من حيث لا يحتسب

    و يناوله مراده دنيا و آخره و يجبر بخاطره "



  2. فهمت عليك يعني يمشي له راتبين مرافق ومبتعث مااتوقع اختي تصير لكن فيه 3 حلول من وجهة نظري:
    1- يقدم اجازة استثنائية ويروح معك مرافق (ويمشي له مكافأة مرافق) ولكن ماراح يقدر يبتعث الا بموافقة جهة العمل وهذا الشئ اللي انتي قلتيه في الاول.
    2- يستقيل من العمل وراح يقدر يجي معك مرافق ويلحق بالبعثة ويكمل دراسته ويمشي له مكافأة مرافق واذا ابتعث يستلم مثل مكافأتك.
    3- تشوفين مرافق غيره يحقق لك رغبتك بالابتعاث.

    واللي فهمته من كلامك ان اخوك آخر الحلول لأنه صعبة يمسك العصى من النص يبي ابتعاث ويكون على راس العمل لازم يتنازل عن واحد منهم واللي مثله معاه دبلوم حتى لو موظف حكومي وراح يكمل بكالورويوس وماستر في اي تخصص صحي من دول برا راح تكون فرصة في الوظائف والرواتب والترقيات احسن لأنه الدبلوم له كادر والبكالورويوس له كادر وهكذا وكل واحد فيهم يختلف راتبه عن الثاني والله يكون بعونك اختي.
    7 "
  3. الله يسعدك يَ طيب و يفرجها عليك من عالي سماه

    طيب الان لو قلنا يتخلى عن إكمل الدراسه و يكن على رأس العمل
    عشان يقدر يسدد القروض الي عليه من الراتب الي يمشي له , و يرافق معي و من هناك من مكافأة المرافق بخليه يآخذ دورات و شغلات تفيده

    راح يقدر ؟

    طيب الناس الي عندهم واسطات راح تمشي معهم هالامور ولا حتى الواسطه ماتمشي هالموضوع ؟

    مشكوووره يآخوي
    ولك دعواتي على مساعدتك
    7 "
  4. أيوآ صحيح بسأل برضوا

    يقدر يدرس على شهادته الثانويه ؟ !!
    فيه مجال يضمونه معي بالبعثه على شهادة الثانوي ؟!!

    مع العلم أنه متخرج من 10 سنوات تقريبا
    و نسبته سيئه جداً فالثانوي , تقريباً بأوآخر الستين 68 شي زي كذا

    أممم فيه مجال يبدأ بكلوريا برآ و يضمونه معي ؟
    7 "
  5. المشاركة الأصلية كتبت بواسطة يآرآ
    الله يسعدك يَ طيب و يفرجها عليك من عالي سماه

    طيب الان لو قلنا يتخلى عن إكمل الدراسه و يكن على رأس العمل
    عشان يقدر يسدد القروض الي عليه من الراتب الي يمشي له , و يرافق معي و من هناك من مكافأة المرافق بخليه يآخذ دورات و شغلات تفيده

    راح يقدر ؟

    طيب الناس الي عندهم واسطات راح تمشي معهم هالامور ولا حتى الواسطه ماتمشي هالموضوع ؟

    مشكوووره يآخوي
    ولك دعواتي على مساعدتك
    أختي إذا بيطلع معك إجازة إستثنائية (مع اني اعتقد ان الحصول على الموافقة على الاجازة من مرجعه يبيلها دزه واخوك اعرف بالاجراءات هناك) راح يوقف عليه الراتب ولكن بما أنه مرافق معك راح يمشي له راتب مرافق وايه يقدر يكمل دراسته لو بغى على الراتب لكن الدولة ماراح تسدد عنه رسوم الجامعة لأنه مو مبتعث فل اوبشن لا نص مبتعث, اللي له فقط راتب المرافق والتأمين والتذاكر.

    مافهمت عليك واسطة بإيش أختي؟
    7 "
  6. المشاركة الأصلية كتبت بواسطة يآرآ
    أيوآ صحيح بسأل برضوا

    يقدر يدرس على شهادته الثانويه ؟ !!
    فيه مجال يضمونه معي بالبعثه على شهادة الثانوي ؟!!

    مع العلم أنه متخرج من 10 سنوات تقريبا
    و نسبته سيئه جداً فالثانوي , تقريباً بأوآخر الستين 68 شي زي كذا

    أممم فيه مجال يبدأ بكلوريا برآ و يضمونه معي ؟
    المشكلة انه موظف حكومي (رسمي ولا على التعاقد يختلف ترى) والبعثة ماتشمله الا اذا حصل على موافقة الصحة يعني الابتعاث يكون عن طريق وزارة الصحة لموظفينها وبرنامج خادم الحرمين ماله اي علاقة بالموظفين الحكوميين والحل انه يدور له واسطة بالصحة عشان يطلع بعثة او يستقيل وينضم للبرنامج عادي يكون معك مرافق وبعدين يطلب انضمام للبعثة ويفصل بعثته عن بعثتك.

    وبالنسبة للدراسة ماانصحه يدرس من جديد يقدم بشهادة الدبلوم اللي معه ويعادلون له الساعات منها يكمل ومنها يخلص ويتخرج بسرعة الا اذا هو يبي يبدا من جديد عاد هذا شئ ثاني.
    7 "
  7. المشاركة الأصلية كتبت بواسطة saleh_1991
    أختي إذا بيطلع معك إجازة إستثنائية (مع اني اعتقد ان الحصول على الموافقة على الاجازة من مرجعه يبيلها دزه واخوك اعرف بالاجراءات هناك) راح يوقف عليه الراتب ولكن بما أنه مرافق معك راح يمشي له راتب مرافق وايه يقدر يكمل دراسته لو بغى على الراتب لكن الدولة ماراح تسدد عنه رسوم الجامعة لأنه مو مبتعث فل اوبشن لا نص مبتعث, اللي له فقط راتب المرافق والتأمين والتذاكر.

    مافهمت عليك واسطة بإيش أختي؟
    طيب هو معروف إذا بياخذ أجازه أستثنائيه ,, رآح تكون بدون رآتب < و هالخيار أستبعدناه لأن أهم شي عندنا راتبه يمشي عشان القروض تسحب السداد
    لآكن كلآمك الثانيه هل متأكد منه يَ خوي !!؟
    يعني الان لما أقدم و أخلص من كل أجراءاتي وعطوا له ورقه تفيد بأنه مرافق لي , و وداها لوزارة الصحه , هل راح يعطونه إجازة مرافق مع الراتب يمشي !!؟ < يَ رب يكون هذا الصحيح و تفترج
    و أقصد بالواسطه أنه فيه مجال لو لقينا واسطه نخليه مرافق لي و راتبه يمشي < طبعا بدون الالتحاق بالبعثه لانه ماراح يوافقون الوزاره عليه

    المشاركة الأصلية كتبت بواسطة saleh_1991
    المشكلة انه موظف حكومي (رسمي ولا على التعاقد يختلف ترى) والبعثة ماتشمله الا اذا حصل على موافقة الصحة يعني الابتعاث يكون عن طريق وزارة الصحة لموظفينها وبرنامج خادم الحرمين ماله اي علاقة بالموظفين الحكوميين والحل انه يدور له واسطة بالصحة عشان يطلع بعثة او يستقيل وينضم للبرنامج عادي يكون معك مرافق وبعدين يطلب انضمام للبعثة ويفصل بعثته عن بعثتك.

    وبالنسبة للدراسة ماانصحه يدرس من جديد يقدم بشهادة الدبلوم اللي معه ويعادلون له الساعات منها يكمل ومنها يخلص ويتخرج بسرعة الا اذا هو يبي يبدا من جديد عاد هذا شئ ثاني.
    الله يفرجها عليك و يوفقك و يسهل لك أمورك و يرزقك من حيث لا تحتسب و ينجيك و وآلديك و أحبابك عن النار

    الله يفتحها بوجهك مثل مافتحتها علي


    7 "
  8. صعبه اختي الكريمـه يجمع بين الاثنين

    انا موظف بوزارة الصحه فني وراح اكون مرافق مع الزوجـه بحول الله

    ماقدامي الا اني اخذ اجازه استثنائيه او دراسيه وكلهم راح يكونوا بدون راتب

    لكن فيه طريقـه بس يبي لها يضبط وضعه مع المدير ورئيس شؤن الموظفين

    وفيه ناس سووها ومشت وياهم هو انه يطلع في بداياته وياخذ اجازه عاديه

    لمده 3 شهور ويرافق مع زوجته او اخته ثم بعد كذا ينسونه جهة عملـه طبعا يغضون الطرف عنه

    على انه في اجازه وهو معاك بدولة الابتعاث وراتبه يمشيولامن شاف ولامن درى

    وهاذي قليل من الناس يسونه لانه فيه مخاطره كبيره

    وشرط انه يدرس على حسابه الخااص يعني الملحقيه ماراح تتكفل فيه باي شي

    ولو عرفوا بسالفته اي شخص يروح بخبر كاان هههههههه بغيت اسويها بس هونت لان فيها فصل من الخدمه على طوول

    وفيه حل آخر اذا مره مره ماقدر يسدد قروضـه ناس كثير راحوا وعليهم قروض ولاسدددودهم

    واذا رجعوا يسون لهم اعادة جدوله للاقساط ويسددد البنك بس راح ياخذون عليه فائده اكبر

    ويرفعون اسمه بالبلاك لست

    توكلوا على الله وفرصه لااخوك يكمل مشواره العلمي

    اي استفسار حااضر

    والله يوفقكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.