دراسة الأطفال المرافقين فترة البعثة

نفس السؤال إش الأوراق المطلوبة لنقل المرافقين اللي يدرسوا هل أترجم شهادتها

بالله اللي عنده فكره يقولنا

مرحبا أختي
راح أجاوبك على قدر معرفتي بالموضوع لأن ابني بدأ معاهم المدرسة من البداية وليس كحالة ابنتك .
الطلاب اللي ما يتكلموا انقليزي يقدروا يروحوا للمدارس العامة بدون مشاكل ، وهناك راح يعملوا لهم اختبار لتحديد مستوى اللغة عندهم ، إذا كانت مهاراتهم اللغوية جيدة خصوصا مهارة الاستماع راح يحطوهم مع الفصول الاعتيادية . إذا عندهم مشاكل لغوية (طبيعي مع أولادنا في البداية) راح يعطوهم كورسات لغوية لمدة محددة وفي نفس الوقت يدرسوا المواد الأساسية في المدرسة .
لا تخافي عليهم لأنهم راح يكتسبوا اللغة بشكل سريع (والله ولدي ٥ سنوات ولغته أحسن مني)
أما البنوتة الصغيرة فما تقدر تدخل مرحلة ما قبل المدرسة إذا كان عمرها أقل من ٣ سنوات ، ولازم تروح لمرحلة Toddler في الـ Daycare . إذا وصلت ٣ سنوات ممكن تروح مع أختها إذا كان المدرسة فيها تعليم للأطفال من ٣-٥ سنوات .
حاولي تترجمي شهادات البنت الكبيرة من السعودية عشان ترتاحي هنا ، ولا تنسي تأخذي كروت التطعيم اللي عملوها من بداية حياتهم لأنها تحتاج إلى تعديل هنا في المستشفى قبل إرسالهم إلى المدرسة .
بالتوفيق للجميع

الله يعطيك الف عافية ويحفظ لك اولادك يارب
مشكوووووووورة

انا كمان نفس الشيء ولدي الصف الثاني تحفيظ قران وطموحي يكمل حفظ القران لدرجه افكر اخليه عند امي ونفس الوقت قلبي مايطاوعني وحابه اكون في ايرلندا هل فيها مدارس عربيه واماكن ليكمل حفظه وهل لما يرجع يتأخر عن زملائه مررره شايله همه اكثر من اخوه وعمره

مرحبا ,, أنا حابة اسأل عن المدارس السعودية للمرحلة الابتدائية ( مناهج سعودية ) في كندا كيييييف ,, في اي المدن ؟؟ و ايش شروطهم و طلباتهم ؟؟ كيف الاختبارات و الدراسة عموما ,, كل شي يتعلق بالطلاب في المراحل الابتدائية ,,
سمعت ان الطالب ممكن يلتحق بمدرسة كندية و سعودية ,, صحيح ؟؟
و سمعت أن المدارس الكندية سهل اني الحق الطالب بيها ( ما أشيل همها )

~ وفقكم الله في الدنيا و الأخرة و ييسر أمركم ~

السلام عليكم
انا بقولكم اللي عندي يمكن يفيدكم
انا عندي بنت الله يحفظها عمرها 3 سنوات وحاليا هي بال Preschool بمدرسة Dayton Islamic School شهريا ب 525$
واحنا تحديدا بولاية اوهايو بس اتوقع اكيد فيه بولايات ثانيهز ولدي ابنه ايضا الله يحفظها عمرها سنه عند بيبي ستتر شهريا ب 600$ نظرا لغلاء الحضانات التي تصل فوق 800$
انا نصحكم تسوون بحث عن طريق قوقل ماب بالولايه اللي بتروحون لها وايضا مهم جدا ترجمة الشهادات وسجل التطعيمات وتصديقها حتى يتم تسهيل الاجراءات هنا..
اسأل الله ان ييسر لنا ولكم ويبلغنا مبتغانا انه سميع مجيب,,,,