سؤال عن كيفية اضافة زوجتي كمرافقة لي

وعليك السلام ورحمة الله وبركاته
علئ البركة ان شاء الله
والله يتمم لك على خير وييسر لك امرك
نفس وضعك عزيزي وعن إذنك بضيف سؤال عن الفيزا افضل تكون أف 1 او أف 2 من ناحيه الإلحاق بالبعثة.

حبيبي شوف تجربتي:
1- انت مااستفسرت عن التذاكر بس بقولك الي اعرفه: تروح لمكتب البعثات في حي الغدير بالرياض - وتاخذ معك ( بطاقة الاحوال + بطاقة العايلة "فيها اسم زوجتك" + صورة من جواز سفر زوجتك). ويعطونك امر اركاب تاخذه لمكتب الطيار بتلاقيه جنبك اول ماتطلع من مكتب البعثات وتحجز تذكره لها على حساب الحكومة.
2- اذا وصلت امريكا, تقدر ترفع اوراقها على البوابة الالكترونية عشان تطلب بعدها ضمان مالي لها.

طبعاً الحين حسب كلامك تبي تجيب لها قبول وانت ماعندكم ضمان مالي.
المفروض نفس الضمان المالي الي عندك يسمح لك انك تطلع قبول لها وهذا الي انا سويته ( راسلت المعهد ان زوجتي معي وهذا الضمان المالي حقي " وعلى فكره مذكور بالضمان المالي ان المحلقية تتكفل بمصاريفك المعيشيه ومصاريف المرافقين الذين معك" ) وبناء على هذا الضمان المالي اخذت القبول من المعهد.

وبنسبة للسفارة اتبع الطريقة هذي وبيطلع لك توضيح من الملحقية الثقافيه للسفاره بانها راح تتكفل بكل مصاريفك ومصاريف المرافقين الي معك ( وزوجتك تعتبر مرافقه لك ). وطبعاً ماراح يذكرون اسمها بهذا الملف ولا يحتاج يذكرونه وبتقبله السفاره نفس الي صار مع زوجتي.
البوابة الالكترونية - الخدمات الشخصية - طلب تعريف .
نوع التعريف ( اختار ) تجديد تأشيرة
طريقة الاستلام اختار البريد الالكتروني
مكان إصدار الفيزا: تختار السفارة الي راح تراجعها
الجهه الطالبه للتعريف embassy of USA
السبب: طلب فيزا للزوجة.

طبعاً افضل انك تقدم ع فيزا اف 1 عشان تقدر تدرس فل تايم وتقدر تضمها للبعثه فيما بعد بدون تغير الفيزا ومراجعة السفارة مره اخرى.

بالتوفيق.. واتمنى افدتك واتمنى اذا عندك اي استفسار تواصل معي بالخاص..

موفق

- - - مشاركة محدثة - - -

توضيح بس : الضمان المالي الي راسلت به المعهد بالمره الاولى مافيه اسم زوجتي بس اسمي وانه الملحقية تتكفل بكل مصاريفي ومصاريف المرافقين الي معي. وهذا الكلام قبل اجيب زوجتي معي امريكا واقدم على الفيزا الامريكية.

موفقين

نفس السؤال؟ ماعرفت اضيف زوجتي في هالبوابه المعقده!
دخلت على المرافقون لقيت خيارين بس مولود جديد او غير سعودي!!!!!

طيب وين زوجتي؟ اللي يعرف يفيدنا الله يجزاكم خير

- - - مشاركة محدثة - - -

نفس السؤال؟ ماعرفت اضيف زوجتي في هالبوابه المعقده!
دخلت على المرافقون لقيت خيارين بس مولود جديد او غير سعودي!!!!!

طيب وين زوجتي؟ اللي يعرف يفيدنا الله يجزاكم خير

الاخ الكريم
السلام عليكم

يجب ان تغير حالتك من اعزب إلى متزوج
بعد ذلك يظهر لك خيار اضافة الزوجة

اجل عزوبي وبتضيف زوجه

بالتوفيق

اجل يحطون لك بالبوابة اضافة ولد وانت عزوبي!!! منين جاء؟ البوابه مضروبة

هههههههههههه من قلب كيف اضافة ولد وانت عزوبي

على كل حال اتاكد من البوابة وخلي حالتك متزوج وتضبط معاك