كيف اقنع والدي بالابتعاث ؟؟؟؟؟؟؟

وله يالغاليه انت استخرتي؟؟؟؟؟

بعدين لو عندك مرافق وموافـــــــــــــــــــــــــــــــــــــــق خلاص مايبغاله محاوله ومنتظره فقط اقناع الوالد والاهل

كل شي محلول بأذن الله والاقناع خليه علي<<<احم احم
لو جاوبتي رح اعطيك حل ويارب يفيد

اولا اكيد ابوك وقع على ورقه الموافقه لما قدمتي اوراقك فهاي خطوه تحسب له
فحاولي اجلسي بينك وبينه وكلميه واقنعيه او خلي احد كبير ومتفهم يقنعه
انا ابوي في البدايه رفض لاني طلع لي بالفيصل وقلت بسحب ملفي منه وقعد يهدر يابنتي هنا اقرب لنا واحسن وهناك لو تروحي مو راضي عليك سكتت وماقلت شي
بعدها اختي الكبيره وامي كلموه اختي قالت له هناك الدراسه افضل لها وامي قنعته ان هذي طموحاتها ومن صغرها تبي
وجا لي يوم ثاني ها ماتبي الفيصل قلت له لا وقام وداني اسحب ملفي ببساطه والحين بيسافر اهو معي عشان يطمن على اوضاعي
في البدايه
فخلي ابوك نفس الشي اقنعيه ان هو يروح ويسافر ويشوف الوضع ايرلندا بلد مره حلو ومحترمين فاتوقع يطمن عليك فيه

انتي بس اقنعيه روح معي في البدايه وشوف بنفسك ماعجبك اسحب وارجع معك
اذا وصلتي ماراح يخليك تسحبي

يكفيكي هذا الرد من الأخت الكريم

وما نقول إلا الله يوفقك في كل النواحي

اللهم وفقنا جميعاً لما تحب وترضى

صلي صلاة الأستخاره اولاً وعسى الله يكتب لك الخير

اولا اختي اول شي عليك انك تسوينه استخاره...
وعليكي بالاستغفار والله بالاستغفار مسآئل كثيره بتنحل معكـ..
صدقيني ماراح تخسرين شي استخيري وكثير من الاستغفار..والدعاء فهي الوسيله المثلى بتوفيق لله لك وتيسر امورك

ثاني : شوفي أي وحده من صديقاتك واثقه منهـآ .اهلك اهم شي يعرفونها..
بعدين كلمي صديقتك هذه تقنع امك او أي احد من اخواتك وتقولهم انآ مقدمه ع برنامج خادم الحرمين الشريفيــن..
وخلي بيتكم تسافرمعي في تكمل دراستها وتبين لهم الجانب الايجابي للدراسه في الخارج.
اكيد امك لا اقتنعت تقدر تقنع ابوكِ بس اهم شي يكون معك مرافق ..

والله انآ سويت زي كذا امي ابدا ماكانت مقتنعه اني اسآفر للخارج حتى جواز سفر مو راضيه تطلعه لـي..
افتكر كنآ نتمشى بالبر.. كلمت صديقتي وقالت خلاص اعطييني اكلم امك..وكلمتهـآ والحمد لله أقتنعت
امي قالت لي من بكره طلعي الجواز ههههههههه

الله يكتب لك كل خير. اهم شي لاتفكرين تسحبين ملفك من الجامعة الي انتي مقدمه عليهـا

موفقه يآرب

حاولي تقنعي ابوكي
واذا ربي كاتبها لك راح تجيكي البعثة حتى لو ابوكي مو موافق

وانتي حالك احسن مني ماشاء الله
انا ابويه مو داري عننا اصلا ومالي علاقة فيه ابدا" يعني مو مسؤول عني ولا بأي شي امي هي المسؤولة بس المشكلة انه هو ولي امري ومااقدر اسافر الابموافقته وهو طبعا ماراح يوافق مو عشان شي عشان مايبغاني احقق الي اتمناه واوصل
بس انا وكلت امري لله وسجلت وان شاء الله ربي يكتبها لي

انا اقولك ادرسي بكالوريس هنا وماجستير برا

مااشجع انك تروحين عمرك صغير وفي العمر بتتغير اشياء كثيره بحياتك وبينضجك فكرك

مرحباااااااا
هذي أول مشاركة لي لاني تعاطفة مع حالتك
لا تزعلين ماشالله كملت التسجيل والتدقيق وتنتظرن النتيجة وتقول مو راضين ؟؟؟يعني شوفي في شيى إيجابي بالموضوع يعني
لو رافضين الموضوع 100% كان قالو لا تسجلين ولا تدققين أورقك مافي روحه...!

شوفش ياختي حولي تقنعي واحد من أخوانك أنه يروح مرافق لك وبيني له أن الشهادة من بر أقوى وتكتسب لغة
يعني حولي تقنعي أخوك أقنعه سهل مو مثل الوالد وإذا أقتنع هو الي راح يقنع أبوك ويقوله أن راح أروح معها وأنتبه لها

لاني أحس أن بعض الاباء مايقتنعون الا إذا كلامهم رجل مثلهم
أو قولي لهم ياجماعة وخاصة أمك خلوني اكمل كل الأجراءت لين أخرى شي ماتدرون يمكان ربي يرزقني بولد الحلال وأروح
يعني لا توقفون بطريقي من أول شي ..
ولاتزعلين مفروض بديتي تقنعينهم بدراسة بر من زمان بعني صعب بين يوم وليلة تبينهم يوفقون
مثلا أنا دائما أقولهم من قبل لا أتخرج ترني بدراس بر وتعودو على هل كلام وبعد ما تخرجت قدمت ومشى موضوعي تمام
وتبن الحق كثر الدق على الحام يفكه ....


بالتوفيق