الأعضاء الإشتراك و التسجيل

الملتقيات
ADs

محتار بين أمريكا وكندا

محتار بين أمريكا وكندا


NOTICE

تنبيه: هذا الموضوع قديم. تم طرحه قبل 5289 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية قينان
    قينان

    مبتعث مستجد Freshman Member

    قينان الولايات المتحدة الأمريكية

    قينان , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى MBA , بجامعة LOUISIANA TECH UNIVERSITY
    • LOUISIANA TECH UNIVERSITY
    • MBA
    • ذكر
    • RUSTON, LOUISIANA
    • السعودية
    • Oct 2009
    المزيدl

    October 5th, 2009, 06:34 PM

    مرحبا شباب ، أطلب استشارتكم محتار بين كندا وأمريكا ، كلنا نسمع عن المشاكل اللي يتعرض لها طلاب السعودية طبعا مو كلهم ، وقرأت ان كندا أفضل من ناحية عدم العنصرية ، وطلبي الثاني أرغب بدراسة ماستر تسويق فلعلكم تدلوني على أفضل الجامعات بالدولتين ولكم الشكر .
  2. بصراحه انا اللي سمعته انو كندا افضل من ناحية عدم العنصرية والامان برضو
    بس عيبها انو دراسات الماستر فيها صعووبة
    والدراسه بامريكا اسهل ,,
    لان اغلب الجامعات الكندية حكومية ,, وشهاداتهم قوية
    اما جامعات امريكا اسهههل , واكثرها اهليه ,, فما تلاقي صعوبة ان شاءالله

    هذي معلوماتي اللي اقدر افيدك فيها ,,
    وبالنسبة لتخصصك ,, انت شوف برامج الماستر على مواقع الجامعات ,,

    موفق ..
    7 "
  3. والله مو على كل حال اخوي قينان

    يعني عندك في ولا ماساتشوستس 501 جهة تعليمية مابين جامعه ومعهد إلخ

    يعني كل أبوهااااااااااااا طلاب مافيها البلاك مان والعنصريه والجرائم وهي آآمن ولاية امريكيه للدارسه

    غير عن كذا لها عيب انها غاليه والله

    كندا افضل كراحه بال ورخص شوي واجراءات اسرع

    بس بيني وبينك كرأي شخصي لو إني منك أروح أمريكا بدون كلام لأنها أقوى من كندا وباقي الدول في تخصص الإقتصاد / المال / التسويق

    وعلى فكره كلام أخوي Gucii على وجه صح100%

    حظ موفق وان شاء الله نشوفك رافع الراس
    7 "
  4. عندك ولا يـة اوهــآيو ..منــآسبة جدآ وليست غـآالية .. وطبعـآ جوابي على استفتآئك عن الافضل امريكـآ او كندآ ..
    طبعـآ بلا منـآزع امريكـآ هي الافضل في العـــــآلم والشهـآدة من امريكـآ غير عن كل الدول ..
    7 "
  5. معليش ,, بس مافيه اي وجه مقارنه بين امريكا وباقي الدول

    ممكن تقارن كندا باستراليا
    او نيوزيلندا في بريطانيا.

    امريكا غيررررررر ,, حتى ربعك هنا لما تقول لهم انو شهادتك من امريكا ترفع اسهمك عندهم.

    الشغله الثانيه اللي يتكلمون عن العنصريه ؟؟؟
    من يقول ان امريكا عنصريه ؟؟؟؟؟؟؟؟؟؟
    بكل مكان فيه عنصريه هذي نقطه غير قابله للنقاش.
    بس لو تلاحظ
    الكندي يحمل الجنسيه الكنديه
    والاسترالي يحمل الجنسيه الاستراليه
    والسعودي يحمل الجنسيه السعوديه
    والبريطاني يحمل الجنسيه الانجليزيه.
    وكذلك الحال بالنسبه للنيوزلندي والاسباني والنمساوي والفرنسي و و و و و.

    الامريكي الدوله الوحيده بالعالم اللي شعبها ماينتمى للجنسيه الامريكيه (حتى وان حملها)
    يعني 300 مليون نسمه ,, مافيهم شخص واحد جنسيته امريكي اصليه.
    وهالشي يخلي الشعب فرندلي اكثر من غيرهم.

    سؤاال ,, انت قد شفت قروب شباب سعوديين ,, ماخذين لهم استراحه ولا شقه ومعهم هندي قاط ؟؟
    او حتى اي جنسيه عربيه؟؟
    ناااااااااااااااااااااااااااااااااادر ما تلقى ,, لان السعودي يبي سعودي مثله.

    كذلك الحال بالنسبه للكندي ,, يبي كندي مثله.
    مايمنع انو فيه صداقات سعوديه كنديه ,, لكن قليله ونااادره جدااا (وترجع لأسلوب الشخص)
    بعكس حال امريكا واللي يعرضون عليك صداقتهم ,, لان مالهم اصل ومايشوفون اي تميز عرقي من الناحية هذي.
    اترك موضوع السود والمكسيكين والاعراق الاخرى. شر لابد منه
    مثل عندنا بالسعوديه ما تفرق. العنصريه هذي موجوده وبشكل كبيــــــر وكلنا نعرف هالشي.

    لكن انا اسف مافيه اي مجال مقارنه مابين امريكا وكندا ,, انا اتنرفز لما يقولون كندا اقل عنصريه من امريكا وابي اوضح انو الكندي يعطي نظره سفليه لأي جنسيه اخرى غير الكنديه. (الا ما ندر)

    ونقطه ثانيه ,, اقوى الجامعات من ناحية التخصصات الاداريه الامريكيه ,, ومافيه اي مجااال للشك.

    وعسى التوفيق فالك اخــوي.
    7 "
  6. انا ان شاء الله رايحه كندا .. بس لو ودي رحت امريكا ..
    كندا يمكن قويه بتخصص الطب واشياء معينه .. لكن القبول فيها صعب جدأ لان جامعاتها حكوميه مو اهليه مثل باقي الدول
    و امريكا معروف ان شعبها حبيب مرررره لكن على حسب الولايه برضو ... و انا تخوفني فكرة الفيزا انهم عادي يصدمونك مايجددونها..
    و شهادة امريكا اقوى اتوقع بعد ..

    بما انك على كيفك بتختار و مو مرتبط بأحد .. أحس امريكا افضل .. والله يكتب لك الخيره
    بالتوفيق
    7 "
  7. تسلمون على الكلام الحلو واحد واحد لبى قلوبكم طيب قررنا أمريكا اخوي الخيميائي وش تنصحني به اي ولاية والجامعة طبعا لاتنسى وراح ادرس ماستر تسويق بإذن الله ويفضل بدون توفل وجيمات واذا عندك تفاصيل تحب تقولها تفضل انت وغيرك ولكم شكري وتحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.