عرض للطباعة
أرجو ممن لديه خبرة المساعدة
أرغب في نموذج خطاب تزكية recomedation letter
علما بأن لدي خطابات من الجامعة لكن شكلي حابلها و اشرب مويتها لأنها بالعربي و قبل رمضان راجعت دكاترة الجامعة الكسالى(عذرا بس حقيقة) عشان يكتبو لي خطابات جديدة قالوا لي جيبي صيغة من أصدقائك و إحنا نوقعها ..الدكتورات الي لقيتهم طبعا لأن معظم الي درسوني في قسم الطالبات تركوا الجامعة.
ساره
اول شي في موضوع كتبته الاخت مسافره و في نماذج للخطابات ممكن تطلعي عليه مبدئيا و ان شاء الله تناسبك
ثاني شي انا عندي recomedation letter و بالانجليزي من الدكاتره الي درسوني بس امهليني لليل مثلا و لا بكره عشان احطها لك
بس تعرفي احس الفرض من recomedation letter انو يبين للجامعه الي رح تقدمي عليها مستواك و انو فعلا هذا الدكتور درسك هذي الماده و كنتي مثال للطالبه المتفوقه
المفروض اي دكتور و لا أستاذ جامعي يكون محضر صيغه جاهزه و بمجرد ما اي طالب يطلبها يحط اسمه و يطبعها
عارفه انا عندي 3 خطابات
واحد منهم من رئيس القسم هذا الخطاب جلست شهرين على بال ما اخذته و لما اخذته ما كان يليق بمكانته صراحه كان في اخطاء املائيه و في الجرامر و تركيب الجمل و رجعت رجعته ثاني مره و حاول يعدله بس ما علينا
لكن الخطابين الثانيه من دكاتره درسوني لا ازكيهم على الله لكن فعلا ناس محترمه و مثقفه
ارسلت للدكتور على ايميله و طلبت الخطاب رد علي و قال لي خلال يومين ارسلك الخطاب على جامعتك (مقر الطالبات)
و يا سلام على الخطاب شي يفتح النفس
و كتب فيه انه درسني الماده الفلانيه و اخذت فيها تقدير ممتاز و الحمدلله مره مبسوطه من هذا الخطاب
الله يجزاه خير فعلا مثال للأستاذ الجامعي المحترم
انا حتى الدكتور حاطط ايميله في حال مثلا الجامعه حبت تراسله و لا تسأله مثلا مثلا
عموما ما اطول في الكلام بس حبيت اقول وجهة نظري
ان شاء الله اجيب لك خطاباتي في أقرب فرصه ..
مشكوورة هايدي على الرد ..أنا يمكن آخذ نفس صيغ أخويا لكن حابة أطرح الموضوع عشان الكل يستفيد
حابة أشوف خطاباتك لأني أبغى المزيد عشان أقارن و أختار الأنسب لإن الSOP ما كتبته إلابعد ما قرأت أكثر من ثلاثين خطاب بتمعن و عملت عصف ذهني الين ما كتبت الصيغة المناسبة ..و بخصوص الدكاترة مو كلهم زي بعض ..بالنسبة لي ما بقي من الدكتورات اللي درسوني غير واحدة اتخيلي و لما راجعت سكرتيرة رئيسة القسم عشان تساعدني في الاتصال بالدكاترة في قسم الرجال بدل ما اتعب أخويا قالت لي الموضوع حيطول ..يعني ما تضمني متى يرد السكرتير و متى يكلم الدكتور..الخ فححاول اعتمد على نفسي و أنا و إن شاء الله دكاترتي ما يخيبوني لإنهم فعلا أخلاق .
طيب عدنا مره أخرى :)
شوفي يا ساره انا رح احط خطاب واحد
الخطاب الثاني تقريبا نفس النمط او بتعبير آخر كلام عادي ( هذه الطالبه احدى طالباتي اللاتي درستهم في عام كذا و كانت من الطالبات المتفوقات ، و اتمنى تقبلوها في برنامجكم و كل التوفيق لها ... من هذا الكلام يعني )
و الخطاب الثالث طويل و ما حطيته لأنه كله معلومات عني وما رح يستفيد منه احد
و شرح للماده الي درستها و كده يعني الدكتور جزاه الله خير اتوصى في هذا الخطاب
و درست معاه Systems Design and Analysis
فشفت انه خطاب غير عام
ان شاء الله تستفيدي من هذا الخطاب الي رح تلاقيه في المرفقات
تمنياتي للجميع بالتوفيق..
مشكووووووووووووووووووووووووووورة و ما قصرتي هايدي
عز الطلب..
كفيتي ووفيتي.
ساره ,, هايدي .. مرحبا وشكرا على الافادة هايدي بس حبيت اسأل التزكيه تكون بالانجليزي او بالعربي واترجمها واصدقها....؟ لأني اخذتها من الكليه باللغه العربيه من زمان كنت ناويه اقدم فيها على جامعه عربيه ... ونفس السؤال بالنسبه للسجل الكليه اعطتني سجل اكاديمي بالعربي اترجمه او اطلب منهم بالانجليزي رغم اني احس الكليات يطولوا بالرد واحيانا يماطلوا . ارجو افادتيي ولكم مني جزيل الشكر...
ما شاء الله ساره و ساره :)
طيب ساره جده
العفو يا قلبي و ان شاء الله الاستفاده تكون حاصله
سارة الرياض
و الله يا ساره انا كله الخطاب و السجل بالانجليزي ترجمته من الجامعه
و ترى في موقع الوزاره كاتبين السجل الاكاديمي بالانجليزي
يعني احس لازم تترجم اجل كيف رح يتم مراسلة الجامعات ..
اما مكان الترجمه فما عندي خلفيه عن الكليه و نظامها
انا في جامعتي كله ترجمته
مدري كيف يمكن في مكاتب و كده اتمنى احد ثاني عنده خبره يفيدك عن الترجمه في المكاتب كيف ...
و بالنسبه للتصديق فشوفي انا صدقتها من الجامعه و بس
لكن اشوف الاعضاء يقولو لازم تصدقيها من وزارة الخارجيه لكن ما ادري عن هذي الشي
لولقيت وقت و امكانيه يمكن اصدقها من الخارجيه
لأنو شاكه في هذا الموضوع ما شفت الوزاره طلبته
و البعض يقول لا ما يحتاج
على فكره في عضوه اليوم ( ربيع عمري) كان موعدهاو قالت ما ختمتها من الخارجيه
لأن شهادتها كانت مترجمه بالانجليزي من الكليه و مختومه خلاص
فهذاالشي طمني ..
عموما الاحتياط واجب
هذا بالنسبه للتصديق ..
بالنسبه للترجمه شوفي كيف نظام الكليه يمكن تكون متعاونه
عارفه انا في جامعة أم القرى رحت و قلت لهم ابغى السجل بالانجليزي
دخلو رقمي الجامعي و على طول طبعو السجل مترجم
يعني مدري يمكن الكليه نفس النظام و لو مستعجله شوفي مكاتب الترجمه ..
و لقيت هذا الموضوع عن مكاتب ترجمه في الرياض بس ما فيه مشاركات اليوم نزل الموضوع
http://www.mbt3th.us/vb/showthread.php?p=150620#post150620
اتمنى اكون افدتك ...
جزاك الله الف خير هاايدي..............