رحلتي للرياض

November 3rd, 2009, 12:00 PM

السلام عليكم ورحمة الله وبركاته

وبعد

القصة من طقطق الى السلام عليكم

كلمت خالي وقلتله ابي اطلع الرياض قلي طيب لانه خالي شغال في المطار بس على الخطوط السعودية وقلي اطلع على ناس اوفر قلتله اوك هو حجز لي وخلصلي اموري المهم انا من الناااااااااس الي اخااااف من الطيارة خووف مو طبيعي خااصة في الاقلاع والهبوط وجالس استغفر واتشهد مع العلم مو اول مرة اطلع طيارة بس الخوف يجيني وااحد من الشباب حكيته بالقصة قلي تبي تروح بعثة ها انت الرياض شوي وتبكي فما بالك 12 ساعة واكثر وانت بالطيارة واذا قابلت مطبات وله عواصف وش بصير لك
المهم وصلت الرياض واخذت تاكسي قلتله حي الغدير وزارة التعليم العالي قلي 50 ريال قلتله طيب وصلت الوزارة وكالة البعثات وصليت معهم الظهر وقدمت الاعتراض موجه الى د. ماجد الحربي وارفقت جميع الاوراق وكل شي واعطوني رقم المعاملة وقالولي بعد 48 ساعة اذا انقبلت المعاملة تجيب رساله على الايميل او الجوال بالرقم واعطاني الرقم في ورقه على اساس اراجع المعاملة مكتوب بعد اسبوعين او اكثر ابدا اراجع المعاملة ومافي وقت معين لمراجعة المسؤلين لها قلت الشكوى لله

وخرجت من عندهم على الساعة 1ونص وروحت على الرياض جاليري والله مرة فظيع واتغديت فيه وصليت العصر فيه وذهبت الى برج المملكة مررة ناااايس وبعدين ذهبت الى المطار على الساعة 5 وقصيت البوردنق والاقلاع كان على الساعة 7 و20 الى جدة

لحظه تعجبت
استغربت بان الرياض مدينة سعودية لانه ماشاء الله شوارعها نظيفة لا تحويلات ولا حفر ولا شي
وانا عن نفسي جدا ارتحت بالرياض واتمنيت اني اكون ساكن فيها

والله يوفقنا ويوفقكم

• نشر عبر تويتر
• نشر عبر فيسبوك
• نشر عبر جوجل