LinkBack URL
About LinkBacks
الله يعينك ويسهل عليك ,,, ومشكور على التنبيه,,,
7 " 
وهنا الصدمة...لايمكنني الدراسة كمرافق!
وهنا الصدمة...لايمكنني الدراسة كمرافق!
تنبيه: هذا الموضوع قديم. تم طرحه قبل 6293 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- الله يعينك مالك الا الصبر .7 "
- معقولة المرافق يدرس لغة فقط !!!7 "
حسبي الله ونعم الوكيل كل يوم نصبح ولا نمسي على تعقيد جديد ونظام اهبل من الثاني
قالوا المرافق بنفس جامعة المبتعثة وتقبلنا الوضع ؟ الحين المرافق يدرس لغة فقط
مرافقينا تاركين دراستهم عشان البعثة وبالنهاية نطبق معهم أصول النذالة حنا ندرس وهم بالبيت لا شغلة ولا مشغلة وإذا كان هذا الكلام مطبق بكل الدول بقول للبعثـــــــــــــــة وداعـــــــــــــــاً وداعــــــــــــــاً 000
- الله يعين7 "
تصدق أنا خايفة من هذا الموضوع و ياما سمعت من موظفين الوزارة لكن ما أصدق غير اللوائح المكتوبة و اللي للأسف غير واضحة في موقع الوزارة
بس كويس إنه طلع يدرس لغة أنا على بالي لازم يدرس لغة و ثلاثين ساعة على حسابة بعدين ينضم للبعثة. - طيب هذا معروف وانت تعتبر حاله نادره ..... لانه اي مرافق اول ما يوصل راح يدرس لغه مع المبتعث لمدة 9 اشهر وقراره راح يصدر خلال شهرين او ثلاث مو مشكله لانه جالس يدرس لغه خلال هذي الفتره فما اضن انها راح تفرق معاه نزل قراره بدري او ان شاءالله بعد سنه كمان لكن انت سبقت الاحداث وطبق عليك النظام لانك من الاساس رحت على حسابك وقطعت مشوار اما بالنسبه للمرافقين الجدد الي بيجي جديد هوه وزوجته زي حالتي طبعا فهذا شي انا عارفه وسئلت عنه وقالولي اول ما تصول للملحقيه راح ينزلك ضمان مالي لدراسة اللغه وعادي تدرس مع زوجتك واذا تبي تكمل دراسه وتلحق تجيب قبول من جامعه وترسله وراح ينزلك الحاق وتصير مبتعث زيك زي زوجتك وموضوع الاحاق صار اسهل من اول يعني خلال فترة اللغه يجيك الحاق بالبعثه ... وهذا ما يعتبر مشكله بالنسبه للمرافقين الي راح يجون طازه مع زوجاتهم ...... وانت مشكلتك بسيطه يعني انت الحين كنت مفحط وراهم وممرمطينك ويوم قالولك شهرين برضك زعلان احمد ربك انهم وافقوا بس احسن ما جحدوك مره وحده ... لكن على العموم الله يوفقك ونسمع خبر الحاقك قريب ان شاءالله مع علمي انه الالحاق صار ما يخذ وقت اذا تقدر ادرس على حسابك وممكن يعوضوك واسئل قبل ما تدفع شي ... ماتضمنهم يمكن يجردون فيك برضه7 "
- 7 "لا حول ولا قوة إلا بالله العلي العظيم
الله يفرج كربك أخوي أوزي
الصراحة كنت احسب انه اللي جاك التحاق بالبعثة لك انت
لأنك مستحق ومستوفي الشروط
الحين عليك انك تقعد في حلقهم
وخليك وراهم واطلب التحاق
بشكل مستقل عن زوجتك
ولا تقعد زوج الست لأنه من حقك الإلتحاق بالبعثة
- اشكركم اخواني واخواتي جميعا على المشاركة....7 "
الله يعين ويسهل انشاء الله
سلام :89:
January 31st, 2007, 08:23 PM
السلام عليكم شباب وبنات....حبيت اشاركم القصة (التراجيديا) اللي حصلت لي هالاسبوع مع الملحقية في استراليا...او بالاصح مع الوزارة بواسطة الملحقية.....
طبعا انا كنت في استراليا مع مرتي صار لنا سنة واثنينا ندرس على حسابي...(قبل لاتطلع بعثات خادم الحرمين لاستراليا)....وبعد ماطلعت البعثات....قدمت المدام وانقبلت وبعدها مثل ماتعرفو تعطل ظهور الاسماء النهائية لمدة أشهر وسبب الارباك...انا ماطلعت لي لان ماتنطبق على الشروط....المهم....بعد مرور سنة على جلستنا في هالبلد الطيب (استراليا طبعا:123: )...نزلنا قبل شهرين اجازة السعودية...واستغليتها ورحت م نالشرقية للرياض وجلست اسبوعين عشان اطلع قرار الابتعاث حق زوجتي وتلتحق بالبعثة....لانه شكلها الاسماء النهائية لبعثات خادم الحرمين مطولة(هالكلام قبل لاتطلع الاسماء يعني قبل اسابيع)..وبعد جهد جهيد...ودخلتي على وزير التعليم العالي....تم اصدار قرار الابتعاث....ورجعنا استراليا...والحمدلله هي مبتعثة وانا مرافق لها يعني حسب كلام الوزارة يحق لي الدراسة.....
بعد الوصول...ارسلت اوراقنا للملحقية عشان يبدأ الصرف...وكلمتهم اتابع الشغلة...وصلت الاوراق....وهنا الصدمة.....
قالت لي ايناس (موظفة الملحقية)..زوجتك تقدر تدرس وبندفع لها رسوم الجامعةلانها مبتعثة طبعا بس انت لا...مانقدر ندفع لك رسوم الجامعة!
هااااااااااااااااااااا!!!!! :108: شلون لا يا ايناس...مو انا مرافق المبتعثة؟ مو المرافق يحق له الدراسة؟...(يعني على قولة المصريين....جوز الست)...
قالت لي لااااااااااااااا.....ماتقدر تدرس...!!....وشلون ما اقدر ادرس يا ايناس....لايكون تمزحي بس!!!
قالت لا والله ماتقدر تدرس.....قلت لها..وشلون مليون موظف وانا في الوزارة يقولي تقدر تدرس..وروح ارسل اوراقك للملحقية هناك لما توصل....حتى سالتهم...مااحتاج قرار ابتعاث قالو لااااااا..انت مرافق والمرافق يقدر يدرس .
الا تقولي ايناس.....ايوة تقدر تدرس انجليزي بس!!!...انجليزي فقط لاغير!!!
قلت لها ...انا مخلص الانجليزي من زماااان...لا ومخلص 9 ساعات من الماجستير بعد...
قالت لي لا...المرافق يدرس انجليزي بس.....اما عشان تدرس الماجستير لازم نرسل اوراقك الوزارة ..واذا وافقو ..يصدرو لك قرار ابتعاث وبعدها تقدر تدرس!
طيب وش اسوي انا الحين....وش هالورطة هذي.....انا عصبت عليها ..شهالكلام يا اختي...الوزارة ماكان هذا كلامها....ماقالو لغة فقط..والحين تقولي لغة فقط...
تقولي خلاص نرسل اوراقك الوزارة وانشاء الله بعد شهرين يصدر لك قرار الابتعاث وتقدر تدرس تكمل الماجستير......شهرين !؟!؟!؟!؟
وش اللي شهرين يا بنت الحلال.....الترم بدأ اليوم وانتي تقولي شهرين....يعني اذا ماتندفع رسوم الدراسة بيضيع على الترم وبجلس 3 شهور في البيت اقشر بصل!
قالت لي هذا النظام ما قدر اسوي لك شي!!!!!
يالله!!...عطيني مدير الشئون المالية....ويقولي نفس الكلام...اقوله بيضيع على الترم..يقولي عادي ..يضيع هذا ادخل اللي بعده!!!!! (شوف الاستهتار بقيمة الوقت)....واكلم رئيس الملحقية...ويقولي نفس الكلام...هذا النظام (العقيم والمتخلف)..ماتقدر تدرس الا لغة...لا ويقترح علي..خلاص ادرس لغة 3 شهور في هالاثناء!!!
وش تقول يادكتور..مخلص اللغة من فترة طويلة ومخلص 9 ساعات م نالماجستير تبغى ترجعني لغة!!!
يقولي هذا النظام ما اقدر افيدك بشي...
اه وش اقول بس..ياوزارة التخلف العالي.....
والله العظيم لو ادري اني ما اقدر ادرس ولازم يصدر لي قرار ابتعاث منفصل كان غير مارجع استراليا غير ما اطلع هالقرار من مكتب الوزير مثل ماطلعته حق زوجتي....
تقول كانها خدعة او فخ!!!
ما اقول الا لاحول ولا قوة الا بالله....
احترت وش اسوي...ان جلست انتظر هالوزارة بيضيع ترم وبجلس في البيت (بس اكيد بتعلم كل انواع الطبخ ههههههههههههه)...والله شر البلية مايضحك..من.....وان واصلت لازم ادفع الرسوم وهذا يكلف للترم 30 الف ريال.
اللي بسويه انشاء الله..اني باخذ رقم المعاملة اللي بترسل م نالملحقية للوزارة وبخلي اخوي يتابعها هناك..لعل وعسى يصدر هالقرار في غضون اسابيع وهي الفترة الباقية من ال deadline حق دفع الرسوم الدراسية...وش رابكم اخليه يتابع مع مين في الوزارة؟ بصراحة من تجرتبي معاهم ..افضل طريقة هي الوزير مباشرة ولا شرايكم؟
انا بصراحة ماألوم الملحقية بشي..الملحقية في استراليا وللامانة اكثر من ممتازة..ومتعاونين جدا...يعني كل مرة اكلم ماحد يرد ..احد مسج.ويرجع رئيس الملحقية يكلمني بنفسه....
بس هم في الواقع مابيده مشي....ملحقية وسيط فقط ولاتهش ولاتنش....
الوم هالوزارة اللي كل الفساد منها....
رئيس الملحقية يقولي انا بنتي لما جيت هنا ماقدرت تدرس الا بقرار ابتعاث من الوزارة...
(طبعا اكيد طلعه في وقت قياسي)
انتبهو يا اخوان ويا اخوات..ولايصيبكم مثل ماصابني...
المرافق مايقدر يدرس غير لغة بس...اما اذا بيدرس ال degree فلازم قرار ابتعاث من الوزارة!
نسالكم الدعاء بتسهيل الامور...والواحد ماله الا يفوض امره لله..وعسى ان تكرهو شيئا وه وخير لكم....وكل اللي اتمناه انه هالوزارة ماتاخذ اكثر من 3 اسابيع ويطلع القرار ونفتك...
وانا لله وانا اليه راجعون