استفسار [ الطب ] الدول المتاحة للابتعاث .. نظام الطب في هذه الدول ..

امريكا وكندا موقف الطب لهم تطمن

في عندك ايرلندا والمانيا والمجرد وهولندا وبولندا اذا ماني غلطانه

ذول تقدر تدرس فيهم ونفس النظام عدنا بس على اختلاف اللغات


بس نصيحه من اخت لك متخرجه السنه لاتشيل هم مابعد الثنويه

خلك فيها وفي اختبار التحصيلي الي جايك

وبعد ماتخلص وان شاء الله بدرجات ترفع الراس

قدم على كل الجامعات وشوف انسب جامعه تقبلك ودي اوراقك لها

فتح الابتعاث قدم له وطلبوا اوراقك اسحب من الجامعه وروح لهم لان ماتضمن ماتقدم وبعدها الابتعاث يتوقف شي

فخلك الحين في دراستك وشد حيلك وحافظ على نسبتك والقدرات اتوقع باقي لكم الشباب فرصه اختبر الترم الثاني لو تجيب بالتسعينات شي مره حلو

والتحصيلي كمان جيب بالتسعينات

عشان بهاي الدرجات تضمن كل الجامعات تقبلك وبكل محل وماتحاتي

وبعدها الابتعاث اذا مكتوب لك بتاخذه

يعني فيه مرحلة سادسة والا مافيه !!!

أختي صدى الغربة ..

أشكرك جزيل الشكر على إجابتك الوافية تقريبًا ..

بس أنا أبغا أعرف الوضع وأشوف الصورة كاملة عشان أحضر نفسي أولاً .. وعشان أوضح المسار اللي بأمشيه لي شخصيًا ولأبوي وأمي ..

لأن رايهم مهم جدًّا ..

~ أنا ما أدري هل تخصصك طب أو عندك مجرد معلومات عامة ..

بس أنا قرأت إن أكثر البوردات المحترمة هي البورد الكندي .. والبورد السعودي طبعًا كوني في السعودية << احلف ^_^ ..

وايرلندا وألمانيا وبولندا ما أدري عن مدى الاعتراف بشهادتهم واعتبارها ..

وما أدري أصلا هي دراستهم بالانجليزي ..

أششششششششششكركـ أختي على ردك ..

وأتمنى أجد إجابة مقنعة ومشبعة لي ^_^ ..

أهلا أخوي ..
ما شاء الله درجاتك حلوة ..
ان شاء الله بساعدك بأي معلومة تبيها .. إذا أعرفها ما بقصر معاك ..

أول شي .. أنا مع أختي صدى الغربة ..
حتى لو حبيت البعثة ما تدري الوزارة شتقرر بعدين ..
قدم على الجامعات وأضمن مقعدك هنا .. وإذا فتحوا الابتعاث قدمك أوراقك عليها ..
بس أهم شي جامعات هنا .. ترا ما تتوقع شستوي الوزارة .. كل يوم لها قرار بشأن الابتعاث ..
قرارهم الاخير .. أنه بيكون مرحلة سادسة وفيه للثانوي العامة وتقديم للتخصصات الطبية ..

بشأن الدول ..
إذا كنت تبي طب بشري او طب اسنان ..
فيفتحون لك خمس اختيارت .. المانيا - هولندا- ايرلندا - بولندا - المجر
اذا كنت تبي غيرهم يفتحون لك أكثر من دولة ..
أمريكا وكندا في الطب البشري والاسنان ما يفتحون لك .. لأن نظامهم وما شاء الله عليك عارفنه وكاتبنه
لازم تدرس 4 سنوات علوم طبية وبعدين تحول للطب . ولا تنسى المنافسات مع طلاب الدول في دخول الطب ..
بتضيع عليك سنين وممكن ما تستفيد ..

بالنسبة الى المانيا ..
الطب البشري والاسنان .. تدرسك باللغة الالمانية ..
ودراسة الطب فيها من احسن الدول في العالم والأقوى ..
وإذا أخدت الشهادة .. بالسعودية يعترفون فيها على أنها شهادة ماجستير مش بكالريوس
يعني يحسبونك اخصائي على طول ..
مدة الدراسة فيها 8-10 سنوات أظن .. وأن شاء الله طلاب المانيا يفيدونك بمعلومات أكثر

هولندا ..
دراسة الطب البشري بالانجليزي وطب الاسنان بالهولندي ( الدتش )
دراستها جدا جدا قوية ومستواها في التعليم في الطب من احسن الدول العالم ..
تتخرج بدرجة ماجستير .. ومدة الدرراسة 7-8 سنوات ..
[ بس سمعت ان السعودية تعترف فيها على انها بكالريوس لكن في الحقيقة هي ماجستير ] بس مو متأكدة من المعلومة دي
أي معلومات أكثر ..ان شاء الله طلاب هولندا تفيدك أكثر ..

ايرلندا
طب البشري تدرس بالانجليزي .. واهل البلد كمان لغتهم الاصلية انجليزي ..
من أشهر الدول في الطب .. وجامعاتها قوية وعريقة ..
أما طب الاسنان .. لحد الآن ما شفنا أي طالب مبتعث على حساب الدولة يدرس طب اسنان في ايرلندا
الدراسة فيها 6-7 سنوات .. بدرجة بكالريوس ..

بولندا ..
كمان من اقوى الدول في الطب
وتدرس باللغة الانجليزية .. ووكمان بتدرس اللغة البولندية .. عشان تتعامل مع الشعب
وكمان في التطبيق في المستشفيات تعرف كيف تتعامل معهم
الدراسة فيها للطب البشري 6-7 ، والاسنان 5-6
بدرجة بكالريوس ..

المجر ..[ هنقاريا ]
دولة قوية جداً في الطب ..
الدراسة فيها بالانجليزي .. وبتدرس كمان هنقاري حتى تتعامل مع الشعب ..
الدراسة فيها جدا جميلة ونظامها حلو ..
عدد السنوات 6-8 ..

طبعا لما أقول لك عدد الدراسة في أي دولة من االلي ذكرتهم من عدد - عدد
مش معناتها انك تقدر تختصر عدد السنوات .. لا..
هذا العدد التقريبي لانهاء دراسة الطب ..

طبعاً ..
كل الدول اللي ذكرتهم ما يعترفون بالثانوية السعودية
مو بس السعودية .. الخليجية كلها ..
وكلهم ..
لازم تدرس سنة تحضيرية ..
طبعا عدد السنوات اللي دكرتها مشمولة باللغة + السنة التحضيرية + الطب ..

أتمنى أكون افدتك .. اي معلومات عن اي دولة تفضل

مشكورة على الردود

العفو وانا مطلعه على الطب كون عايلتي كلها داخلته فعارفه الوضع زين

والبورد هذا التخصص الزماله بعدين انك تاخذه من كندا

ومسموح لطلاب الزماله يروحوا كندا ومثل ماقلت انت حاليا البورد الكندي يمكن يعتبر الافضل

بس كبكالريوس خذها مني مافرقت درست بالسعوديه ولا درست با كندا المهم بالدكتور استشاري جاي من وين

ماحد يسئل البكالريوس حقه من وين لان البكالريوس كله واحد واساسيات بس بالاخير كاخصائي المهم المجال

الي تخصصت فيه من وين تخصصت فيه


وبالنسبه للدول اتوقع فادوك قبلي والمانيا ممكن تعتبر اقواهم لولا اللغه حقتها وشعبها شوي

بس شوف الحين البكالريوس سنتين مركزين فيها لما تتخرج تعال اسئل اكثر وشوف طلابهم كيف


واي شي ماوضحته بكلامي ممكن اني افيدك فيه

اخي الكريم
اوافق تماما مع الاخت صدى الغربة و jiji
وفرت جميع المعلومات التي يجب ان تعرفها عن دراسة الطب
و نصحية من اخت دكتورة ان قررت تدرس البكالوريس فخذه من هنا و اضمن مقعدك هنا ولاتتعب اهلك
او ان كنت مصرا فخذه في احدى الدول العربية كمصر على الاقل لكي تكون قريبا من اهلك
لأن بعد دراسة البكالوريس و ترجع للسعودية سوف تحتاج لمعادلة شهادتك ايضا
و بعدها اذهب للخارج للزمالة او الزمالة السعودية
بالتوفيق

لا شكر على واجب ما سويت الا والواجب والله .. وشكرا على A+

بولندا حلوة مرررة وهولندا ما عليها كلام ..
الثنتين متشابهين في أمور كثيرة ..

هل قدرت تجيب لك قبول في هولندا ؟!
اذا قدرت شي ممتاااز جداً ..

مقعد الطب مضمون في حالة وحدة .. لما تعدي اللغة والسنة التحضيرية بالشروط اللي يشرطوها ..
بكذا تضمن الطب ..
وكل بلد اليه شروط ..
مثلاً في هولندا ..
لازم تعدي اللغة وتختبر في الايلتس وتجيب 5 ..
وفيه شروط كمان للمواد العلمية .. لازم تجيب فيها معدل مرتفع ..

اللي كنت ابي اقوله .. إذا تبي تضمن مقعدك في الطب ..
استعد لشروطها ..

أي معلومات أكثر أنا موجودة ..

jiji ..

ألف ألف ألف شكر ..

يعني أشبعتي رغباتي ..

حسب معلوماتك .. ناسبتني إيرلندا ..

وألمانيا مشكلتها اللغة ..

<< جالس أتنقى ..

كلامك على عيني وراسي في موضوع إن الوزارة ممكن تقرر أي شي أو إني ما أنقبل في البعثة ..

أنا مستعد أدفع أول ترم أو أول سنة على حسابي ..

لأن حسب ما سمعت إن ناس كثير يروحو هناك ويدرسو ترم أو سنة ويقدمو على البعثة وينقبلو .. والظاهر يتم تعويضهم أو لا ما أدري ..

شو رأيك ؟؟..