الأعضاء الإشتراك و التسجيل

الملتقيات
ADs

ياناس سؤال تعبت وانا اسال ولامن مجيب.. جاوبو والا كنسلت البعثة

ياناس سؤال تعبت وانا اسال ولامن مجيب.. جاوبو والا كنسلت البعثة


NOTICE

تنبيه: هذا الموضوع قديم. تم طرحه قبل 6230 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية سلام
    سلام

    مبتعث مستجد Freshman Member

    سلام غير معرف

    سلام , تخصصى خريجة , بجامعة الله أعلم
    • الله أعلم
    • خريجة
    • غير معرف
    • الله أعلم, الله أعلم
    • غير معرف
    • Sep 2006
    المزيدl

    March 10th, 2007, 03:32 AM

    عندي مشكلة عويصة يمكن بسببها تروح عليا البعثة لاقدر الله
    اوراقي المترجمة من مكتب<< حسبي الله عليهم.. طلعت فيها اخطاء كثيرة وفادحة..
    وانا ارسلت الاوراق من زمان ومانتبهت للاخطاء الا اول ايام الملتقى<< يوم الثلاثاء
    وحاولت هناك اسال نبيل الراجح لكن ماقدرت اوصل له ارسلت له اكثر من خطاب ومارد عليا
    طبعا مسكين يرد على مين ولا مين وزي مانتم عارفين الاتصال بالوزارة صعبببب
    ايش الحل؟؟؟؟ هل فيه فرصة اني اصحح الاخطاء وارجع ارسلها؟؟
    والشي التاني الي مخوفني اني طلبت تحويل لكندا وماجاني شي لسه على امريكا ومرافقي يرفض امريكا << شفتو الحظ؟؟
    عشان كدا حاسة انهم كنسلوني من عندهم يمكن عشان الاخطاء . ياربييي ايش اسوي والله خايفة ومقهورة وبيجيني اكتئاب ساعدوني الله يوفقكم
  2. أجعل أيمانك بالله كبير

    الاخطاء التي حصلت لك أعتقد أنها بسيطة وسهل أصلاحها

    أما مسالة تحويلك فاتوقع أنها أبسط لأن الوزارة تفرح أذا رغب أحد التحويل من أمريكا وليس

    التحويل لأمريكا.

    تفائلي بالخير تجديه أخت سلام

    نتمنى لك التوفيق
    7 "
  3. اختي انتي هنا تسالين طلاب ماتسالين موظفين في الوزارة.
    وهاذي امور ماحد يقدر يفتي لك فيها.
    دقي على الوزاره واشرحي لهم الوضع وهم بيوجهونك اما يقولون ارسلي الشهادات المترجمه مره ثانيه او يقولون مافي داعي طبعا بعد مايعرفون الاخطاء وين تكون لانه اذا صار الخطأ في الاسم غير الي في الجواز او في الدرجات او في تاريخ الشهادة اكيد بتكون الترجمه غير مقبوله وتضطرين الى ترجمتها من جديد. في حالة مالقيتي تجاوب مع الموظف او ماحد رد عليك عاد الله يعين ترسلين واحد من اخوانك او اقاربك يروح للوزاره ويعلمهم بالسالفه ويسلم اوراقك . وبكذا ان شاء الله تنحل مشكلتك .
    لاتقلقين أمر زي هذا مستحيل يكون بسببه حرمان من البعثه , بما انك مرشحه ترشيح نهائي نقول ان شاء الله الابتعاث من نصيبك هو ممكن يكون في اجراءت ابتعاثك تاخير شوي بس لاتشيلين هم سوي الي قلت لك عليه وان شاء الله تحصلين نتيجه .. بالتوفيق
    7 "
  4. السلام عليكم,,
    أخت
    صلي على النبي ولاتقلقي
    ترى الغلط ممكن انه مايأثر
    وموضوع التحويل,,
    ما اقدر افتي لك فيه ولا موضوع الغاء البعثة لأنه كل شي ممكن من الوزارة
    لكن
    اصبري وإن شاء الله يجيكي القبول بدون مشاكل


    ممكن توضحي لي نوع الأخطاء بالضبط؟
    يعني في الإسم مثلاص مو مطابق للي في الجواز؟
    أو ايش؟؟؟

    7 "
  5. مصيبتي ان الخطأ (1) في الاسم مو مطابق للجواز
    (2) التقادير كاتبها رموز غريبة يعني ممتاز حاطها E بدال A قصده Excellent
    جيد جدا VGبدال B طبعا القصد Very Good
    مع ان الرموز المعروفة في كل مكان هي A B C D...
    (3) الختم من مكتب الترجمة حسبي الله عليهم ومو مختومة من الكلية لانها بعيدة عني وما اقدر اروح اختمها هناك وسمعت انها ماتنقبل بختم المكتب بس
    (4) طلبت تحويل لكندا والي طلبو جاتهم رسالة بالتحويل وانا لا ومرافقي يرفض امريكا تماما
    (5) ما اقدر اروح الرياض في اي وقت لانه ماعندي احد يوديني
    ارسلت خطاب للدكتور الراجح اثناء وجودي في الملتقى لكن مارد عليا وارسلت فاكس للدكتور المعجل ولاحياة لمن تنادي
    انا يئست وتعبت نفسيا لانه لو راحت البعثة مدري ايش يصير لي
    7 "
  6. إخـتـي سـلام !!!

    إنتي لكي أكثر من شهر مترجمة أوراقك ومرسلتها .. وما انتبهتي للأخطاء الا يوم الملتقى !؟؟!؟؟!؟؟! ... يا بنت الحلال هذا إهمال منك ... مكتب الترجمة مو من مسؤولياته إنه يدقق في الترجمة . هذا مسؤوليتك .. المفروض ما تطلعين من المكتب الين تتأكدين من أوراقك كلها !!!!!!!

    وبالنسبة للأخطاء ::

    1/ الاسم .. إذا كنتي مرسلة صورة من جواز السفر مع أوراقك فالراجح إنهم راح يعتمدون عليه في قضية الإسم .. فنقول إن شاء الله ما عندك مشكلة

    2 / بالنسبة لرموز التقادير .. فنقول إنها أخطاء مطبعية .. وماراح يدققوا عليها كثير

    3 / الختم سبق وقلتلك ان مركز القبول ما عندهم مشكلة من هالناحية .

    4 / هذي مسألة شخصية وما اقدر اتدخل فيها بينك وبين المحرم .. لكن بالنسبة للتحويل .. إطلبي الدكتور عيسى العيسى .. إذا إتصلتي على وزارة التعليم العالي ... وإن شاء الله يساعدك .

    5 / ........................ !!!!!

    أو إتصلي على مركز القبول :

    هاتف 4415555 تحويلة 683/682
    فاكس 4412603


    والله يسر أمرك ..وإن شاء الله ما عندك اي مشكلة

    بالــتــوفـــيـــق @@@@@@@@@
    7 "
  7. اختي الله يكون في عونك وقبل كل شئ انا اضم صوتي الى الاخ محمد بحصوص مراجعتك الوزارة وعلى الاخص الدكتور نبيل الراجح بس انا سمعت في الملتقى الي طلع اسمه وحضر الملتقى حيطلع اليعثة حيطلعها حتى لو ماجالة قبول في اى دولة لاي سبب يحول الى دولة اخرى اما بالنسبة لتحويلك الى كندا اعتقد ان بعض الاخوان استلموا رسائل تفيد التحويل وانا هنالك عدد كبير حول ولم يستلم رسائل وقد سألت احى الاخوات انها محولة الى كندة وانها حضرت الى ملتقى امريكا حسب الموعد فأجاب الدكتور الراجح ان كندة ليست مستهدفة في البرنامج ولكن بالنسبة لتحويلها مافي مشكلة حسب قولة
    اما موضوع الترجمة اذا انت اعطيتي المكتب الاسم حسب الجواز وهو غيرة وعمل كشف الدرجات على كيفة فلا تتركي الموضوع معة يعدي بسلام اقل شئ اشتكية في الغرفة التجارية علشان يتحاسب
    ملاحظة :هل المكتب معتمد ولا لا اذا كان معتمد فلا داعي لاي تصديق او اختام غير المكتب لاني انا اتصلت بنفسي واستفسرت عن موضوع تصديق الشهادات فقال لي الموظف بالحرف الواحد يكفي ختم مكتب ترجمة معتمد
    ارجوا اني اكون افد والسلام ختام
    7 "
  8. انا متاااااكده انك مترجمه عند المحترف

    كله اغلاط باغلاط انا رااااجعتهم وترجمتها بنفسي

    على العموم اتركيك من اليأس وحااااولي منا والا مناك توصلين لمركز القبول وبالذات للشخص الي معه ارواااقك اتصلي فيهم واشرحي الوضع

    وارجعي ارسليها ايضا انتي مترجمه صحيحه مع خطاب يوضح لهم وش الي صار معك

    وتوكلي على الله
    7 "
  9. ممدوح صح كلامك لي اكثر من شهر مرسلتها لكن ماكان عندي وقاخت اراجعها لاني استلمتها يوم السبت والمفروض الاثنين الي قبله كان موعدي خفت اني اتاخر زيادة فارسلتها على طول لكن لحسن حظي ان اللقافة اشتغلت وصورت التراجم في البيت ووحدة من الاخواات قالت لي في موضوعي السابق ان اختم الاوراق من الكلية وارسلها للاحتياط وسويت زي ماقالت الاخت ارسلت اوراقي لاهلي عشان يودوها للكلية وهناك الدكتورة هي الي نبهتهم للاخطاء وقالت ما اقدر اختم الشهادة وفيها اخطاء وصححتها
    اهلي ارسلوا الاوراق ووصلت يوم الاثنين الصبح اخدتها ورحت الرياض وهناك فتحتها وشفت المصيبة الكبرى ايش اقدر اسوي وقتها؟؟ ارسلت فاكس من الفندق في نفس الوقت للدكتور المعجل اشرح له الوضع لكن مارد
    وبعدين بصراحة انا ماتوقعت ان مكتب ترجمه معتمد زي مايقول المفروض انه متعود على ترجمة الوثائق والشهادات يغلط بهادي الطريقة حتى في الاسم
    واحنا ناوين نرجع له يصحح الاخطاء
    بالنسبة لرقم الوزارة والتحويلات دقيت الين انفلق جوالي ومحد يرد حتى تحويلة نبيل الراجح محد يرد ومكتب الدكتور المعجل قالوا في اجتماع وبكرة ان شاء الله برجع اتصل واذا حالفني الحظ يرد عليا احد وشكرا لك اخي على اهتمامك
    اخ ابو لمار المكتب معتمد على حسب كلامه وبنرجع له او نشتكيه ان شاء الله وشكرا لك على رفع معنوياتي
    اخت روض نجد مو مكتب المحترف لكن الظاهر كثير مكاتب ترجمتها اي كلام الله المستعان ياليتهم يترجمو بلاش ولا باسعار معقولة الا اسعارهم نار لكن مالنا الا نتحمل لعيون البعثة الي الله العالم تجي ولالا
    انا بسوي الي قلتي عليه وربنا يسهل
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.