المرافق الأخ اللي حيوصل اخته وراجع

ايوه لازم خطاب يثبت انه متفرغ ولا ماراح تقدري تفتحي ملف محرم ولا بينزل له راتب محرم.
يعني اما استقالة او اجازة بدون راتب او صورة بطاقة الاحوال المهنة (متسبب)

مو المشكلة محقدر اقول للوزارة كده لووول

طيب قوليلي من فين ينجاب هذا الخطاب؟؟؟؟؟؟؟
لأنو بشيك على المتطلبات مالقيت هذا الشي الا للزوج انو لازم اجازة او استقاله...
بالله لو عندك المتطلبات المرافق الأخ حطيلي هيا هنا
و شكرا

ايش يعني متسبب؟؟؟ ما فهمت

متسبب = عاطل
هالكلمة تلقينها في خانة نوع الوظيفة في بطاقة العايلة او الاحوال

اذا هو ببطاقته مكتوب طالب مثلا وهو متخرج وعاطل ممكن يروح يغير البطاقة لـ متسبب

نسيت اقول متطلبات فتح ملف محرم موجودة بالتفصيل في موقع الملحقية
www.sacm.org

بس هي غالباً تعبئة النموذج وترفقي معاه صورة الجواز وصورة الـ i-94 اللي هو كرت الدخول .. وصورة اثبات انه مو على راس عمل وهي اللي قلت لك اجازة او استقالة او تقاعد او صورة بطاقة العايلة مكتوب فيها المهنة متسبب ..كل هذي تنفع


موفقة

اول شي شكرا على تجاوبكم معايا
طيب سألت اخوية عندو طبعا بطاقه احوال مو بطاقة عائلة قال مو مكتوب فيها مهنة...ولا في اي اثبات انو هوا طالب ولا شي زي كده
وفي الملحقية لقيت اللي تقولي عنو اللي هوا الاجازة او الاستقاله...طيب هوا ماهو موظف...ايش العمل؟؟
اكيد محيطلبو شي في دي الحالة الا لو قرر يدرس صح؟؟

سلام
بس حبيت اسأل سؤال... انا بابا برضو رايح معايا و راجع السعودية تاني.
وهو موظف للآن .. فهل لازم يستقيل من شغلو بس عشان كم اسبوع يجلسها معايا؟؟؟

أكيد فيه طريقة تانية...
المشكلة اختي في كندا ماهي فاكرة اذا الملحقية طلبو خطاب التقاعد حق بابا ولا لأ....!!
عشان كده يا بنااااااااااااااات فينكم!!! اللي مرافقها اخوها او ابوها ايش حصل معاكم؟؟؟؟؟؟

بنات انا كنت في امريكا مرافقي هو بابا .. طلبوا مني اثبات انه لا يعمل يعني ورقة اثبات انه متقاعد او مستقيل .. والوالد متقاعد وكانت معاي وقتها صورة من بطاقة العايلة مكتوب فيها المهنة متسبب وقبلوها عادي .. اما غير كذا ماراح يفتحون له ملف

بس انتي مو شرط تفتحين له ملف اذا ماعندك اثبات .. ترا مو الزامي

اذا غرضك من فتح الملف هو الحصول على راتبه ..ترا الراتب حتى لو نزل كلها كم شهر وبينقطع لما تنتهي مدة الفيزا السياحية بعد 6 شهور