الأعضاء الإشتراك و التسجيل

الملتقيات
ADs

كل ماقلت استهانت حَّل بالخافق ذبول >> أحتاجكم أكثر من أي أحد

كل ماقلت استهانت حَّل بالخافق ذبول >> أحتاجكم أكثر من أي أحد


NOTICE

تنبيه: هذا الموضوع قديم. تم طرحه قبل 5124 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية محتاجة أبتعث
    محتاجة أبتعث

    مبتعث مستجد Freshman Member

    محتاجة أبتعث الولايات المتحدة الأمريكية

    محتاجة أبتعث , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى .... , بجامعة i don't know
    • i don't know
    • ....
    • أنثى
    • بورتلاند, my room
    • السعودية
    • May 2009
    المزيدl

    March 20th, 2010, 12:22 AM

    أولاً : السلام عليكم ورحمة الله وبركاته
    صبحكم الله بالخير أيتها الجماعة الصبورة
    ثانياً : هالموضوع في بالي وكل ماجيت مبتعث أسجل دخول وأرجع أطلع
    أقول ماله داعي خلاص الله العليم ويامحتاجة لاتزيدي على الناس هموم بس
    محد غيركم أقدر أتكلم معاه في الإبتعاث
    ثالثاً : ندخل في صلب الموضوع


    مرشحة للإبتعاث إلى هولندا ، ماجستير تأمين ، وكل أموري ماشية من البداية مع بعض
    العتب لإختياري هولندا لكن إستخرت وكانت أفضل من الخيار الثاني : أمريكا
    والمحرم أخوي إللي حصلت ظروفة بسرعة البرق وشي ماكان على البال ،
    أخوي مَلَّك ( عقد قرانه ) والدوام أجبروه ياخذ إجازته أو بياخذوها منه لأنه صار يأجلها كثير
    وأجلها عشاني لما يسافر معي ، أخذ منها 10 أيام وماراح يوافق الدوام يعطيه إجازة وقتها قريب
    عشان السفر معاي ، المشكلة أبوي قالها لي : أنا مستحيل أروح معك من البداية ماأقدر أساعدك بشي بس أخوك راح يكون أفضل مني على الأقل أول شهر
    اللي حاصل الكل ألحين يبيني ألغي البعثة وكأن شيء لم يكن ، وكأن الصبر في هالشهور كلها عادي ، وكأن رفضي لعرض عمل براتب لبنت مثلي ممتاز شي عادي ، وكأن دموعي من الفرحة لما طلع رقمي بالجريدة عادي ، وكأن 6 / 9 يوم التدقيق وأصفق من الفرحة عادي ، وكأن موضوع إنو يتكنسل حلمين قديمين وهذا الثالث ألحين شي عادي ...
    القديم ماكانت ظروف ، طيب وأنا متى أحقق رغباتي ، كيف أشيلها من بالي وأنا متحسره عليها ؟
    أنام مغبونة ما أبي أفتح عيوني لأني من داخلي منفجرة دموع وماأحب أشوف نفسي بهالوضع


    اللي راح يصير ألحين بروح الرياض خلال هالإسبوع أو الجاي للوزارة وأشوف وش الحل
    لأن قبولي ماوصل وخرونقن أرسلوا لي إسمي ماهو موجود عندهم وماسترخت قالوا بعد بضعة
    أيام يكون الرد وأنتظر ، والملحقية أعطوني ايميل المنسق للجامعات رماحي تيجان وأرسلت وأنتظر
    واتصلت على السفارة يمكن إسمي وصلهم ردت وحده شامية شوي وتعطيني كف تقولي: منشان الله فهميني شو دخل السفارة ؟ لما حاولت أرد بهدوء قالت لي طيب انتي شو اسمك !!! شوي وتقولي إسمك مَّنو هون
    ظليت أضرب أخماس بأسداس ألحين ترسل اسمي الى الوزارة ويقولون للموسى كنسل ترشيحها
    عقاباً لها أزعجت السورية بسؤالها وخربت لها مزاجها

    أسألتي لكم بعد هالكم الهائل

    1 / هل أقدر أأجل البعثة أكثر من 4 شهور ؟
    2 / وش الأوراق اللي أخذها معاي للوزارة ؟
    3 / نصيحتكم لي في هالظروف ، أكنسلها وأبدأ أشتغل أو أصمم عليها ؟



    منشان الله ريحوا لي بالي مالي غيركم بعد الله والله يوفقكم ردوا عليّ
  2. الله يفرج همــك يــآربٍ

    عيونــيٍ رـآسلتــي الوزـآره وإطلبي منهم تأجيــل قد مـآتقدري ...

    يفرجهـآ ربك إن شاء الله ..

    لكن ـأبدـآ ـأبدـآ لاتتهـآونــيٍ ـأو تضعفــيٍ

    تمسكــي في بعثتكٍ لـآخر فرصــه ..

    ومـآيعلم بالغيب الا الله ٍ

    موفقـــهٍ
    7 "
  3. حسيت بمعاناتك لاني اعيش نفس فصولها وان اختلفت بعض التفاصيل


    اختي استخيري اول شي واكثري من قول اللهم ارضني بما قسمت لي واقسم لي مايرضيني

    عجيب هالدعاااء وانا مجربته

    وارسلي ايميل للوزارة تطلبين فيه التاجيل

    ارفقي فيه خطاب موجه لمدير الابتعاث اشرحي ظروفك فيه

    طبعا انتي لو ارسلتي ايميل للوزارة بيرسلون لك في المرفقات كم نموذج لمعامله تعبينه وترسلينه مع الخطاب

    وبيردون عليك برقم المعامله

    وبعدين استمري استفسري عنها حتى يأتي الخبر اليقين

    والله يفرج لنا ويكتب لنا اجمعين الخيرة المباركه يارب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.