تحذير لطلاب البكالريوس المرحله السادسه

السلام عليكم ورحمه الله وبركاااته

كثرت بالفتره الاخيره اسئله اخوانا اعضاء المرحله السادسه

واحنا ماشاء الله علينا مبتعثي المرحله الخامسه جالسين نحاول نساعد بقد مانقدر

وكل مادخل موضوع استفسار اشوف المرحله الخامسه يجوا ويردوا ومايقصروا

لكن المرحله الخامسه مرحله مضت وانتهت بكل شي صار فيها مو شرط الي انطبق علينا ينطبق عليكم

وهنا بوجه كلامي لطلاب البكالريوس خاصه استفسارات كثيره عن الشهاده الاصل وانك تسحبها

والردود اغلبها اسحب وقدمها الوزاره واضمن مقعدك

هذا الرد خطا

بالمرحله الخامسه هذا الي صار واعلنوا بالجرايد عنه اي احد يسلم شهادته بيضمن مقعد البعثه

مرحلتكم مانعلن عن هذا فلا تبنوا على المرحله الخامسه هذا مستقبل وبالذات البكالريوس ماعندكم شهاده

ولا شي يعني الماستر على الاقل عندهم شي بيدهم انتوا ولا شي فلا تخاطروا

اذا حصلتوا قبول بجامعات بتخصص تبوه ودوا ملفاتكم ( وانتبهوا لشرط السحب متى يحق لك تسحب)

وقدموا على البعث من النت طلبت الوزاره شهادات اصل ومابترجعها فاول شي تسووه تراسلوا الوزاره

تسئلوا مضمونه بعثتنا ولا لا اذا قالت ايه مضمونه وعندكم شي رسمي من الوزاره وقتها لو سحبتوا

بس شي مو مضمون وتخاطر عشانه وبالذات الي نسبهم يدوب معديه الشروط

احتمال كبير سنتكم يكون فيها مفاضله واقول هالكلام لان اول ماعلنوا ان بيكون في مرحله سادسه حددوا

المقاعد اتوقع اذا مو غلطانه خمس الاف مقعد

في حين سنتنا ماكان في شي محدد كل الي اتقدم ومستوفي الشروط اخذ بعثه وانقبل فوق 8000 مبتعث

انتوا محدد واكيد الي بيقدموا عددهم كبير فبيكون في منافسه كبيره

بدون ضمان من الوزاره ببعثتك لاتدخل هالمنافسه الا اذا درجاتك تسمح لك بالمنافسه

ماودي اخوفكم بها الكلام بس كوني طالبه بكالريوس واعرف ان هذا مستقبل مو لعبه لازم انتوا تنتبهوا

واكيد مو جالسين تسئلوا الا ان الموضوع مخوفكم

واخوانكم من المرحله الخامسه على نيتهم جايين يردوا حسب خبرتهم من مرحلتهم بس مثل ماقلت انتهت

المرحله الخامسه الحين مرحله جديده الامور الحساسه فيها وتئثر على مستقبلك لا تاخذ العلم الاكيد الا من

الوزاره


شي اخير بس كمان حابه اقوله لكل طلاب المرحله السادسه هذا من الي صار لنا بالمرحله الخامسه وصار بكل المرحلات الي قبل
منتدى مبتعث بالايام الجايه راح يمتلي اشاعات وبالذات بعد التدقيق وانتظار النتايج
كل يوم احد بيجي يقول عندي خبر عن النتايج وجايبه من مسئول ومصدر موثوق او بيجيكم احد بيقول انا شغال بالوزاره ومفروض تسووا كذا او او
سكروا اذاينكم ولاتسمعوا لاحد غير الوزاره الامور الرسميه كلها بتنرسل على جوالاتكم او على موقع الوزاره
اي شي ثاني ماعليكم منه
ماعدا لو كانت نصيحه من احد من مرحله سابقه او من المشرفين ايه صدقوا بس الي معكم بالمرحله او احد يدوب توه مشترك لاتخلوهم يلعبوا باعصابكم
وحتى المراحل السابقه والمشرفين خذوا منهم الخطوات الثانيه غير الاساسيه مثلا تبوا تخلصوا اموركم بعد القبول جيبوا لحالكم قبولات وفيزوا وسافروا اول الناس الوزاره توافق على كذا بس لفتره معينه
اذا قامت الوزاره جابت قبولات مابتقبل قبولاتكم ويعني مابي اشغل بالكم بها الموضوع بدري عليه
بس مثال على ايش تاخذوا من منتدى وايش ماتاخذوا


والله الموفق للجميع يارب



ملاحظه طلاب من مرحلتكم راسلوا الوزاره وقالت المرشحين بينقبلوا بس لسه مافي تصريح رسمي

بس كونهم قالوا ماتقدموا بجامعات فهذي ضمانه لكم

وشكله سالفه المقاعد بس تخويف سابقا وبتصير مرحلتكم مثلنا

فخلاص الي طلع له تدقيق يطمن ولايشغل باله بموضوعي

مابي احذف الكلام الي فوق عشان تاخذوه مثل بباقي اموركم بالبعثه لاتاخذوا كل شي من المراحل السابقه
كل شي خذوه من الوزاره وخلوا مصادركم رسميه

لو لاقدر الله تعثرتوا بشي او سويتوا شي بالغلط عندكم الوزاره تحاججوها هذا كلامكم

بس اذا تابعت واحد بمنتدى مايقدر يفيدك بشي