المرافقين وينهم في خريطة التدليع والدلال من وزاراتنا الموقره

المرافقين احمدوا ربكم بعثه وتخصص على كيفكم بس تعالوا

والوزاره ماتوفر لكم شي انتوا تسووا كل شي لحالكم

وممكن تبدي بالاجراءات من الحين بس ان كان بيصير على حسابك تدفع

لما تسافر بلد الابتعاث الملحقيه تعوضك

بس خل عندك الفواتير وبعد السفر قدمهم لهم وان شاء الله يعوضوك


وايه صح يجيبوا لكم قبول لغه معهد مع المبتعث

ويسمحوا تحضروا الملتقى

اشكرك يالغربة ...

الحمد لله على كل حال .. اكيد هي فرصة لا تعوض بالنسبة لنا نحن قوم المرافقين ..

بس باقي اسئلة ما عرفت اجابتها ..

اللي افتت فيه اختنا الغربه .. انو المعهد يدبرونه لنا .. بس شكلها مو واثقة
ويسمحون لنا بحضور الملتقى .. ( احس اننا خدامات ) بس معليش كلو فداء للعلم ..

طيب اذا بيجبون موافقة المعاهد اكيد لازم نلتزم بالجامعة التابعة للمعهد .. ولا انا غلطان ..

تراني محيووس .. عطونا نبذه واضحة عن حال المرافق .. واجراءاته .. اذا في شي

نبدأ فيه من الحين .. خلونا نشتغل ... ياهل الخبرة ... وينكم؟

^
^
اي والله موضوعك مههههههههههههم

هي مافتيت انا ترا انا من المرحله الخامسه وماقول شي الا عارفته ومن تجاربنا السنه الماضيه

انا مرافقي ماكان يبي يدرس فما جابوا له بس الي معي ومرافقينهم يبوا يدرسوا جابوا لهم هذا اخر شي المكاتب بتتواصل معكم وبتعرف انت باي مكتب فالمبتعثه تخبر المكتب انها تبغا للمرافق حقها كمان قبول

ويسمحوا لكم لان مش اجباري لكم المبتعث اجباري له لو ماحضر مايعطوا قرار ابتعاثه انتوا اختياري لكم على كيفكم تبي تحضر لو لا براحتك عشان كذا قلت مدلعينكم


مو لازم تلتزم حتى بالمعهد انا جيت معهد من الوزاره الي جابوه شهر وغيرته والجامعه سحبت عليها وبجيب من جامعه ثانيه

واصلا المعهد الي جابوه مو تابع للجامعه الي جابوا منها لي قبول

اذا في شي تشتغل عليه الحين اقول انطر تطلع النتايج بس تطلع وتتاكد انكم انقبلتوا ( انتوا باذن الله مقبولين كل المستوفيين ) بس ان اذا صار شي رسمي

جيب لك قبول من معهد على كيفك ووده الوزاره وخلص اجرائتكم بدري وسافر

حاليا منا لين مايطلعوا القبولات فر بالمنتدى اقرا عن دوله الابتعاث الي بتروحوا لها مدنها مناطقها جامعاتها معادها
عشان تقرر وين تبي تروح بزبط اي جامعه اي معهد ودور الشي المناسب لك

بس تطلع النتايج قدم عليهم وبكذا بتسافروا من اول الناس

لكن عشان قبول جامعه يمكن تحتاجوا ضمان مالي فها الضمان تجيبه من عندك وتقدم كانك بتدرس على حسابك بس بعدين توديه الوزاره وكل شي وتصير عليهم

وكمان احب اضيف على كلام الاخت غربه ان بعض المكاتب ممكن تطلب شهاده بنكيه ,,لو كان يبغا يدرس ,, وهذا المحرم ليس زوج

الزوج بشكل اتوماتيكــ يطلعلوا اي توني مرافق بفيزة مرافق ,, ويقدر يدرس دوام جزئي بس مايقدر يلتحق بالجامعه ومن هذا الكلام

ولاكن الزوج والاخ لو حبوا يدرسوا فهم يقدروا يشوفوا المعهد الي طلع اسم المبتعثه عليه ومن بعدها يطلبوا اي توني طالب عشان يقدموا على فيزة طالب ,, ويقدر يجيب القبول الجامعي بعدها عشان يسوي الحاق بالبعثه اول مايوصل واشنطن يفتح ملف الالحاق ,,
بس طبعا لازم يكون القبول فوري وغير مشروطــ ,,

وبالتوفيق ,,

اختي صدى ..

بيض الله وجهك ... كلامك واضح وشامل .. ولما قلت افتت فأنا اعطيك مرتبه كبيره
لان الافتاء يختص بها العلماء المخولين به .. وانتي مخوله بالافتاء فيما يخص الابتعاث
بس معنى كلامك انو فيه مرمطه .. <<< طرار ويتشرط

طيب يا سيدتي الكريمة .. هل لنا الحق في دخول الدورة ( الانجليزي والحاسب ) ولا لأ؟
لو جبت قبول من المعهد والجامعة التابعة له فور قبول زوجتي في البعثة هل يتم ضمي مباشرة
ويحق لي الحصول على ضمان مالي ؟

هل الاخوان في التدقيق لديهم اجوبة لكل اسئلتا ؟ ولا محدودي المعلومات ..؟

اسئلتي كثيرة ادري .. بس تراها تهم كثير ... وانتي بإذن الله بتاخذين الاجر الوفير
لك كل التقدير على سعة صدرك ..


الاخت ارون ... شكرا على اضافتك المهمه والمقلقة في نفس الوقت ..

كيف يدرس دوام جزئي ولا يقدر يلتحق بالجامعه .. هذي ما خشت مخي !!!
ياليت توضحين كلامك شوي .. احس في كلمات داخله وسط كلامك مالها محل من الاعراب ..
خربطتني شوي ... تحياتي لك

ارون كلامها بالنسبه اذا كنت تبي تروح امريكا فاجرائتهم تختلف

اذا تبع كندا فاجرائتنا اسهل

وثنكس اجل على المرتبه مع ان هاليومين كل من جا يفتي وطفشونا بس الله يخلي قرار ابو متعب


ماعلينا

الدوره لا مالكم حق فيها ونصيحه احسن تراها مضيعه وقت ولا منها فايده ترجا ابدا

انت لك حق بالبعثه وعطول بس تروح الملحقيه تصرف عليك

بس مثلا انا لما ابي اغير معهدي الملحقيه تغير لي

انت بيقولوا لك انت روح جيب لك قبول وعطنا اياه يعني مابيتعبوا حالهم ويسووا شي لك

بس كدفع بيدفعوا لك كل شي

واحيانا المشرف على زوجتك اذا كان خوش واحد يسوي لك كل شي

الي بالتدقيق شبه محدودين لكن على اتصال بالوزاره وقسم الرجال يجوكم مسئولين كبار

وغير بالملتقيات مخصصه لاسئلتكم فلا تستعجل مابيجي الملتقى الا وبيجاوبوكم بالتفصيل

ومنا لين الملتقى خلك بالمنتدى لف وبتحصل اغلب الاجابات فخلي اسئلتك الي مو مره مهمه لوقت الملتقيات

الله يسعد قلبك يا صدى الغربة ..

الحقيقة دورك معي دور المشرف المتابع .. فعلا استفدت كثير من نقاشي معك ..
وتجاوبك يدل على سمو اخلاقك .. ورفعة قدرك ... وطيب معدنك ..
اسال الله ان يجعله في ميزان حسناتك .. اجابات شافية لكل سؤال .. بيض الله وجهك
ولو انا مسؤول عطيتك لقب .. المستشار بدون تفكيييييييير

كل الاماني لك أن الله يوفقك وتتخرجين ومعك شهادتك العليا

تحياتي لك