ورغم الألم .. يبقى الأمل

حبيبتي ... الراسب مايكون راسب طول عمره ... والناجح مايكون ناجح طول عمره
في الحياة يمر فينا مرحلة الفشل ومرحلة النجاح ..والنجاح لا يأتي الا بجهد وثمار .. والفشل ليس يعني
انك راح تتوقف حياتك او نهاية العالم .. الفشل بداية طريق النجاح انك تتعلمي من خطأ وتجتازيه بكل نجاح ..
نحن لم ننجح الا بعد ان تعلمنا من أخطأنا .....فأما اللي صار لك دليل على طموحك واصرارك ولم يهبط من عزيمتك شيء
اول شيء .... الجامعة ماتطالع انك راسبة ولا لا راح تطالع بالمعدل اللي حصلتي عليه ... وراح تطالع بدرجة الأيلتس
ماراح تطالع انتي كم نجحتي ولا رسبتي .... ووكليها على ربك ...ولاتحطمي انك ناجحة أو راسبة ... كله متعلق بيد الله
كوني متفائلة

حسبي الله عليهم من موظفات ..!!

الحين نوب يقولون راسبة وشوي يقولون ناجحه يستهبلون هذولي !!

بصراحة حالتك ما قد مرت علي ولكن اقترح عليك تراجعين او تكلمين الوزارة

والله يكتب الى فيه الخير ...... بالتوفيق لك يارب

ياحياتي يا أبتسامة فجر .. خليك اسم على مُسمى ولاتفكرين كثير
والله لو لك نصيب فيها راح تجيك يعني أعملي بالمثل( مهما تجري جري الوحوش غير رزقك ماتحوش)
انا سبق وجاوبت على احد استفساراتك لما كنتي تقولين هل السجل ضروري او لا
وانا قلت لك ضروري وحسيتك تحطمتي وحطيتي استفسارك بكل مكان وكنت متابعه لك
بس أعجبني اصرارك وقعدتي لين خذتي السجل وحسبُك الله عليهم ..
انتي سويتي اللي عليك وماقصرتي ومن ناحية الدور الأول والثالث ريحي بااااالك
بأذن الله راح تمشي أمورك وتتيسر وكل شيء على ربك
الله يوفقني ويوفقك يالغلا.. دعواتي تلازمك

تراني خلصت الكلية ب4 سنوات ماعمري رسبت واعدت سنه خخخخخخ >> ابي اقولكم اني شطوره

بس يعني قد اني حملت مواد .. احم ..وترى تقديري جيدجداً

شكراُ ياحياتي بجد ارتفعت معنوياتي .. ربي يوفقك ويسعدك .. تدرين لازال عندي امل بالبعثه وان شاء الله خير

شفت ياخوي .. اجل انا وش اقولك عن احساسي وشعوري بهذاك اليوم

انا زين ماصار فيني شئ من القهر والصدمة ..

وادري لو اراجع بتعب ومابلقى نتيجة إلا لما تطلع روحي ..

الله يكون بالعون ..

ربي يسعدك خيو

دام المعدل مطابق لما أدخلتيه في التقديم على الأبتعاث والشروط مطابقة أمورك راح تمشي والله أعلم.

الله يوفقك والله اني حا س فيك الله يحقق طموحك ويسعدك ولا يضيع تعبك ان شاء الله وانشاء الله
اول المبتعثين وعليكي بالدعاء وربي يوفقك .....

ياقلبي ياانتي شكراً على رفع المعنويات .. انا بجد كنت اهذي بالسجل الاكاديمي ههههه

البعثه بالنسبه لي مو بس حلم لا لا .. راح يترتب عليها اشياء كثيره .. حياتي كلها راح تتغير

او بمعنى ادق البعثه قد تكون استقرار لي .. يمكن البعض مايشوفه كذا بس انا على حياتي وظروفي اشوفها كذا

الله يسهلها يارب والكل ينقبل وشكراُ مليووووووووون يالعلا

اي اي مطابق الله يسمع منك ياخوي ..

شكراً خيوووو .. يسعدك ربي