استفسار مابعد الابتعاث لبريطانيا

وعليكم السلام ورحمة الله
المعذرة توني أشوف الموضوع ..

الاستقبال في المطار : أنت اللي تنسقه .. إما عن طريق الجامعة أو الملحقية أو العائلة اللي بتسكن عندها أو تاخذ تاكسي إلى مكان سكنك ..

السكن : برضه أنت اللي تنسقه إما عن طريق الجامعة أو المعهد اللي تدرس فيه .. أو موقع من الإنتر نت أو عن طريق مكتب .. الخيار لك تبغى مع عائلة أو في السكن الداخلي للمعهد أو الجامعة أو في شقة خاصة .. تكاليف السكن برضه عليك .. الإيجار أنت اللي تدفعه من مكافأتك ..

المعيشة عليك .. أنت اللي تتحمل مصاريف نفسك !

المواصلات على حسابك !

الدراسة في معهد اللغة على حساب الدولة (أخيرا لقيت شيء تدفعه الدولة ) ..

المكافأة ما أدري عنها بالضبط كم .. ممكن تسأل في ملتقى بريطانيا وهم راح يعلمونك .. ما عندي خلفية عنها !

إذا وصلت هناك بالسلامة تفتح حسابك في بنك بريطاني وتصير المكافأة تنزل عليه ..

الخلاصة :
الدولة تتكفل برسوم الجامعة والمعهد (يعني رسوم دراستك) وتعطيك مكافأة شهرية والباقي عليك .. كل شيء توفره من مكافأتك !

هذا اللي أعرفه أخوي ..
بالتوفيق ,,

والله خوفتني اخوي

معقققققولة الدولة ما تخلي احد يستقبلنا ويوفر لنا سكن

وش ذا والله مصيبة ترى البرنامج باسم ملكنا الله يحفظه مو اي كلام

على الاقل يرشدونا ويورونا وش نسوي ووش ما نسوي هنالك واللا لويش فتحنا سفارة هناك

أخوي ما فيه شيء يخوف إن شاء الله ..
كل الطلاب سافروا ودرسوا ..

الملحقية ممكن تراسلها وتشوف في أي شيء ممكن يساعدونك .. لأنه مو شرط تدرس في لندن والملحقية مقرها لندن !
غير إنه فيه أدفايزر (مشرف) في الجامعة يساعدك باللي تبغى !
أنا في الفترة هذي قاعد أنسق معها (موظفة ) عشان السكن والإستقبال في المطار ..
ترا الأدفايزر يساعدك بكل شيء .. لأنه مسؤول عنك وموظف يستلم راتب عشان الشيء ذا !

إن شاء الله كل شيء يكون سهل .. أهم شيء تتيسر أمورك في القبول ..

بالتوفيق أخوي ,,