تعالوا .... شوفوا لي رأي لو سمحتوا...!

May 29th, 2006, 04:18 AM

السلام عليكم
اول شي حبيت اسلم عليكم واشكركم على كل مجهود تقومون به
ثانيا عندي بعض الاسئلة لو تتكرمون علي وتجاوبون عليها وتريحوني من الهم اللي انا فيه بخصوص البعثة
انا خريج الثانوية العامة 1422 علمي نسبة 92.85 واختربت القياس ودرجتي 74

كنت في احدى الجامعات السعودية ولكن لم يحصل توفيق بسبب ظروف مريت فيها

كلمت احد الاقارب يعمل في الملحقية في واشنطن قبل اكثر من 5 اشهر عن البعثات وقال انتهت ولكن ارسل اوراقك لي وبشوف وش الدبره
طلب مني صورة الجواز وصورة الشهاده الثانوية مترجمة وارسلتها له عن طريق الدي اتش ال
ثم اخذت اسبوعين وكلمته وقالي ان الوزارة اخررت التسجيل وفعلاً هو مؤخر ذيك الايام وقال بدورلك قبول في هذي الفتره وماقصر جابلي قبول شهرين كذا من جامعة ولاية كاليفورنيا في شيكو
قبول معهد وجامعه ووصلني عن طريق البريد ومن شروط القبول الحضور قبل موعد 21 اغسطس في الجامعه
اخذت فترة وكلمتة قلت التسجيل بيكون في الصيفية والقبول راح يفوتني قالي مافي مشكلة بالنسبة للقبول بنأجله وقال في هذي الفتره احجزلك موعد في السفارة
قلت طيب وبالنسبة لتاريخ التخرج قريت في موقع الوزارة يقولون 3 سنوات قال انشاء الله خير اذا تصعبت عليك الامور كلمني قلت ماتقصر
ارسلت بفاكس للسفارة وكلموني بعدها باسبوعين وعطوني موعد في 19 سبتمبر
والحين الي ابيه منكم الله يطول اعماركم
ايش اسوي في الفتره الحالية حتى تاريخ 28/5/1427هـ
وايش اسوي بعد تاريخ 28/5/1427هـ
وايش الاوراق اللي اجيبها معي اثناء حضوري لموعدي في السفارة
وايش تنصحوني اغير مكان قبولي في كاليفورنيا لاني كلمت ناس ويقولون انها غاليه
وابيكم تنصحوني في جامعه في ولاية رخيصة وجامعه ممتازة
واكون ممنوون كم
تحياتي لكم

اخووووووووووووووكم

• نشر عبر تويتر
• نشر عبر فيسبوك
• نشر عبر جوجل