هل اقبل الوظيفة ام انتظر الابتعاث ؟؟

والله أنا أشوف إذا وظيفة مو حكومية اتركها البعثة أولى

وظيفة حكوميه ولا خاصة .. لو انا بمكانك اقدم على البعثة بدون تردد



و بقولك ليش .. لأن شهادتك ( دبلوم ) مهب بكالريوس ... و هذي فرصه انك تكمل بكالريوس لا تضيعها ..

و البرنامج الجاي يبدأ السنه الجايه بعد تخرج طلاب الثانوي

هلا اخواني و اخواتي

و الله ما قصرتون معاي ابد ......

ربي يسلم قلوبكم ... و يعطيكم الف عافية

و كل عام و أنت بامليووون خير

انت استشرت والمستشار مؤتمن

والله العظيم لو اني مكانك ابقى بوظيفتي وأكمل بكالوريوس بأحد الجامعات هنا لو على حسابك

يعني ارامكو بترول والمعادن او غيرهن وان اخذت البكالوريوس قدم بعثه لأن وقتها راح تكون مرتاح اكثر لأن مر عليك سنتين وانت متوظف ومعاك بكالوريوس
وان ماقدمت بعثه بعد البكالوريوس فيه ماجستير من الجامعات اللي بالسعودية على حسابك يعني سنتين بـ 6 الاف ريال معدل 1500 للترم الواحد

انا شخصيا اشوف ان البعثه المفروض تكون الحل قبل الأخير لأي شخص

يعني مو مجرد السفر لأوروبا او امريكا ينسي الواحد موضوع دراسته

بالعكس السفر والغربة صعبه بالتالي الواحد يحاول يتجنبهن وصدقني لو كنت انا من اهل الشرقية
والله العظيم اقدم على ماجستير بالبترول والمعادن التخصص اللي ابغاه وانا مرتاح لكن انا بعيد جدا
عن المنطقة الشرقية او الرياض او جده ايضا

عموما آخر القول خير القول ان احترت مالك الا تستخير وتصلي صلاة استخارة والله يقسم لك الخير

وين مارحت ويقسم لك ويكتب لك الشيء الأفضل والأكثر راحة

سلام

من رايي تاخذ الوظيييفه البعثه مو مضمونه..

فرضا ماقبلوك؟؟ تجلس بالبيت؟؟

اذا وظيفه زينه استخير واتكل على ربك..

عليك بالإستخاره

بسم الله الرحمن الرحيم

الله يوفقك بما يرضي الله عز وجل

أخي الكريم

أسمع وفكر وأستشر لن تخسر لاكن

في النهاية أستخير ربك فـ في الإستخاره خير من الإستشاره

أخي الكريم

هي نصيحه من أخ لا أكثر ولا أقل..

أقبل بالوظيفه

فأنت لا تعلم متى ستبعث !!!

قد يأخذ الوقت منك شهور، وقد تصل إلى السبعه تزيد أو تنقص حسب ماسمعت وقرأت

أقبل بالوظيفه فمنها خير من الله تدر عليك المال لتلبي حاجاتك أن كنت في غير حاجة لها فالوظيفه ممقته للفراغ ومنشطه للذهن ..

في الوظيفه الخبره العمليه .. تفيدهم بعلمك وتستفيد منهم الشئ الكثير من الواقع العملي.

تمتع في وقتك بدل السهر والسفر..

وتابع إجراءات التسجيل وأكمل أوراقك وأنت على رأس العمل مالمانع بالإستئذان.

ولو أنعم الله عليك بالقبول في البعثه قدم إستقاله لعملك فهم لن يرفضو إبتعاثك .. على العكس قد

تجد التشجيع ..

في النهاية ستقبل إستقالتك.

وتلتحق ببعثتك ..

في النهاية الله يوفقك ويوفق الجميع

الوظيفه اضمن خاصة انه البعثات هالايام مش مضمونه ابدا .....

وموفق