تقرير افض طريقة لتحويل الاموال للمبتعث

November 17th, 2011, 08:31 PM

السلام عليكم ورحمة الله وبركاته

في البداية احب اشكر جميع القائمين على المنتدى والاعضاء على الي تقدمونه من مساعدات لكل المبتعثين(ان شاء الله اكون منهم قريباً)

انا كنت اواجه مشاكل كبيرهـ في تحويل الفلوس لأخوي المبتعث في أمريكا خصوصاً مع بنك الأهلي لأن كان عنده بطاقة ماستر كارد مسبقة الدفع وكان الفرع دائماً زحمة لان ماعندي حساب ورفضوا يفتحون لي لأني مو موظف!! غير سعر الصرف المبالغ فيه..!
لكن توصلت لأفضل طريقة والحمد لله ماعانيت منها..

انا فتحت حساب شخصي في بنك الانماء. وهو من افضل البنوك الي تعاملت معاها.. ويتميز بقلة العملاء..

وش علاقة المبتعث في الموضوع!!

علاقة المبتعث في الموضوع هو الي راح يكون المستفيد الاكبر من الحساب..


الميزات المستفادة للمبتعث:
1- بطاقة بنك الانماء تستخدم في غالب المحلات خارج المملكة بدون أي رسوم اضافية.
(جربها اخوي في امريكا في كثير من المحلات ومافيه أي رفض)

2-فتح الحساب مجاني وبدون رسوم اضافية شهرية.

3- امكانية فتح حساب فرعي اضافي بدون أي رسوم اضافية.( بأذكر مميزات الحساب الفرعي في الاسطر التالية)

4- سهولة تحويل المبالغ للبطاقة.

5-سعر صرف ممتاز جداً من الريال الى الدولار.(من 3.75 الى 3.755)

6-امكانية السحب من الصراف الألي في أي دولة خارج المملكة
(السحب من الصراف يكون برسوم قليلة جداً 1% من المبلغ المسحوب + 6 ريال على كل عملية سحب)
مثلاً رحت الصراف وسحبت 100$ راح يخصم البنك رسوم السحب 1$(3.75 ريال) + 6 ريال
يطلع المجموع 9.75 ريال.. وهذا قليل جداً بالنسبة لباقي بطاقات الفيزا والماستر كارد المسبوقة الدفع.

7- امكانية التحويل للحساب الامريكي للطالب المبتعث عن طريق الانترنت برسوم 20 ريال على العملية. ومن الفرع برسوم 70 ريال.. وتوصل في خلال يومين فقط!

الي سويته بالضبط فتحت حساب بأسمي. وحساب فرعي مستقل..
الحساب الرئيسي استخدمه انا .. والحساب الفرعي لأخوي في امريكا.



الفائدة من الحساب الفرعي:
الحساب الفرعي يكون حساب خاص ببطاقة صراف خاصة برصيد مستقل عن الحساب الرئيسي.
بطاقة الحساب الفرعي ارسلتها لأخوي عن طريق البريد السعودي العادي بـ 10ريال مسجل.. توصل في 15 يوم تقريباً..
والتحويل للحساب الفرعي يكون من الصراف او الهاتف المصرفي او الانترنت..( مثل التحويل من حساب شخص الى شخص ثاني في نفس البنك) ويوصل المبلغ في نفس الوقت.

انصح المبتعثين باستخدام البطاقة هذي افضل بكثير من بطاقات الفيزا مسبقة الدفع..


مقارنة بسيطة بين هذي البطاقة وبطاقات الفيزا مسبقة الدفع:

مسبقة الدفع تاخذ على كل سحب 30 ريال تقريباٍ
بطاقة مصرف الانماء تأخذ 6 ريال + 1% من المبلغ

مسبقة الدفع رسوم سنوية 100 ريال
بطاقة مصرف الانماء لايوجد رسوم سنوية

مسبقة الدفع سعر الصرف 3.78
بطاقة مصرف الانماء سعر الصرف 3.755 ..


حبيت افيدكم مثل مأستفدت وارتحت من صعوبة التحويل,,,
وآآسف على الأطالة
وترجعون لنا سالمين مبدعين يارب.
ودعواتكم اني ابتعث بعد التخرج ان شاء الله..



في آمآن الله..

• نشر عبر تويتر
• نشر عبر فيسبوك
• نشر عبر جوجل