الأعضاء الإشتراك و التسجيل

الملتقيات
ADs

مساعدة لجميع المبعثين وأصحاب الخبره ..

مساعدة لجميع المبعثين وأصحاب الخبره ..


NOTICE

تنبيه: هذا الموضوع قديم. تم طرحه قبل 4458 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية i will do it
    i will do it

    مبتعث مستجد Freshman Member

    i will do it الولايات المتحدة الأمريكية

    i will do it , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى نظم معلومات اداريه , بجامعة .....
    • .....
    • نظم معلومات اداريه
    • أنثى
    • غير معرف
    • السعودية
    • Jan 2012
    المزيدl

    January 14th, 2012, 10:41 PM

    السلام عليكم ورحمة الله وبركاته
    أنا عضوه جديده لكني مطلعه على المنتدى من فتره طويله وأمانة الي شدني بالتفكير بطرح استفساري هو تعاونكم وحرصكم على بعض -الله يجزاكم خير - .


    استفساري : أنا طالبه اخر سنه بالجامعه قسم نظم معلومات أداريه وافكر جديا بالابتعاث وعندي اكثر من نقطه استفسر عنها _تحملوني :
    1- في ابتعاث في برنامج خادم الحرمين الشريفين للسنه القادمه.؟
    2-انا بنت واذا تم السفر _ان شاء الله_ بروح مع الوالد الله يطول بعمره ع اساسه ماهو أفضل بلد من ناحية : احترامهم للحجاب , الامان , سهولة التعامل مع الشعب.
    3- هل في أختبار قبل السفر يعني وأنا في السعوديه , واذا فيه يتعلق باأيش؟
    4-اش تنصحوني بأي تخصص في دراسة الماجستير.
    5-كيف أقدر أحصل على القبول في المعهد والجامعه وهل يتم الحصول على القبول من المعهد قبل السفر وانا بالسعوديه والا بعد السفر.
    6-ماهي الامور الواجب القيام بها منذ القبول في البعثه حتى الوصول للبلد المبتعث.
    7-كيف اقدر اطلع شريحه في البلد المبتعث/افتح حساب/استئجار سكن / وبخصوص الافضل الوالد يشتري سياره او نفضل على المواصلات.
    8-بخصوص اللابتوب / الكاميرا / الجوال كيف النظام بخصوصها .أنا سمعت انه لازم اللاب توب مايكون فيه برامج منسوخه.


    أنا أدري استفساراتي كثيره و قبل أوانها لكن أنا أحب أجهز نفسي في كل شي من بدري.
    وأدري ان التجارب مختلفه والظروف مختلفه لكن انا جد ابغى استفيد منكم اهلي قد سافروا بس انا لا .



    ألف شكر لكم مقدما والي عنده أي أضافه يتفضل يفيدني ويفيد غيري .
  2. استفسار هذا والا اسئلة امتحانات ههههههههههه

    بالنسبة للسؤال الاول : بصراحة ما أدري ,, بس اقدر اقول لك انه بنسبة 99,99% بيكون فيه ابتعاث .

    السؤال الثاني : انا أرشح لك امريكا .

    السؤال الثالث : بالنسبة للاختبار قبل السفر يعتمد عليك وعلى قدراتك ,, يعني اختبار التوفل شي أساسي ,, لو حاسة ان لغتك تمام تقدرين تختبرينه في السعودية ,, واذا جبتي الدرجة المطلوبة بتحصلين على قبول غير مشروط في جامعة امريكية ,, ولو ماعندك لغة او لغتك ضعيفة اطلعي ادرسي لغة في معهد في امريكا وقبول الجامعة بيكون قبول مشروط لحد ماتجيبين درجة التوفل المطلوبة ,,

    وفيه اختبار ثاني اتوقع انه بيكون مطلوب في تخصصك ,, الاختبار واحد من اثنين ,, يا اما GMAT او GRE ,, الاثنين تقريبا شبه بعض بس صعبين جدا ويحتاج لهم تحضير كذا شهر ,, تتعلق بالحساب والجبر والهندسة والمنطق واللغة ,, يعني كوكتيل ماحصلششش ,, وبرضه هذا تقدرين تختبرينه في السعودية وتقدرين تختبرينه في امريكا ,,

    السؤال الرابع : اختيار التخصص يعتمد عليك انتي وعلى ميولك ,, ونصيحة مني اختاري تخصص انتي تحبينه وتميلين له

    السؤال الخامس : لازم تجيبين قبول معهد وانتي في السعودية ,, لأنك ماتقدرين تطلعين فيزا لأمريكا الا بورقة من المعهد اسمها I-20 ,, وقبول الجامعة ان حبيتي تجيبينه من السعودية خير وبركة ,, أو انك تجيبينه وانتي في امريكا لأن فيه قدامك سنة دراسة لغة ويمديك تجيبين خلال السنة القبول اللي تبغينه ,, اما اذا ماتبغين تدرسين لغة ولغتك تمام فلازم تجيبين قبول الجامعة وانتي في السعودية ,,

    السؤال السادس : الموضوع طويل ,, ولكل حادث حديث ,, اذا انقبلتي في في البعثة بإذن الله فمجرد بحث صغيرون في المنتدى بيطلع لك عشرين موضوع فيها المعلومات اللي تدورين عليها

    السؤال السابع : كلها امور سهلة جدا ,, الشريحة انزلي اقرب مول وبتلاقين كشكات لشركات الاتصالات ,, وفتح الحساب مندوب البنك بيجيك الين المعهد او اي موظف في المعهد يدلك على اقرب فرع وشروط فتح الحساب ,, والسكن عن طريق النت ,, والسيارة على حسب الولاية ,, فيه ولايات المواصلات فيها تغنيك عن السيارة وفيه ولايات العكس ,, انا شخصيا افضل يكون عندك سيارة ,,

    السؤال الثامن : برضه بحث صغيرون في المنتدى يعطيك كل شي عن الموضوع ,, معروف ان البرامج المنسوخة يعاقب عليها القانون ,, بس من ناحيتي ما فيه احد فتح جهازي ولا سألوني وش اللي فيه ,, بس ياخذون الجهاز ويحطونه في جهاز ويمسحون عليه بمادة عشان المتفجرات ,, اما البرامج محد سألني عنها ,,

    بصراحة فيه نقاط كثير في موضوعك متأكد انك بتحصلين مواضيع كثير في المنتدى تتكلم عنها ,, انتي سوي بحث وبتطلع لك بالهبل ,,

    عسى الله يوفقنا واياك ان شاء الله
    7 "
  3. اذا تبغين تختبرين في السعودية او اي دولة ادخلي على الرابط هذا
    www.ets.org
    وتسجلين في الموقع وتدخلين على خانة التوفل وتتبعي الخيارات ,, والافضل انك تختارين الاختبار من نوع IBT ,, واحتفظي بالفواتير عشان اذا انضميتي للبعثة تعوضك عنها الملحقية ,,

    طبعا قبل لا تختبرين حاولي انك تاخذين معلومات عن طريقة الاختبار ,, عشان تتعرفين على طريقة الاسئلة والاجوبة والزمن المحدد للاجابة ,,

    وتقدرين تختبرين الاختبار أكثر من مرة ,, والملحقية بتعوضك عن قيمة الاختبارات مهما كان عددها ,, بس حطي في بالك ان نتيجة الاختبار صالحة لمدة سنتين بس ,,

    طبعا التوفل ماهو الحل الوحيد بس هو الافضل ,, لأن مثلا في امريكا فيه جامعات تطلب التوفل أو الايلتس أو انك تدرسين في معهد الجامعة وتتخرجين منه ,, وهذي يفضلها كثير من الطلبة عشان يفتكون من حوسة التوفل ,, انتي ادخلي على القسم الخاص في استراليا ونيوزلندا وبتلاقين الخيارات اذا فيه ,,
    7 "
  4. أهلين والله اختي الكريمة
    انا بصراحة دائما انصح بالدراسة في امريكا لان شعبها من اكثر الشعوب اللي تحترم عادات وتقاليد واديان الآخرين

    اولا طالب مبتعث اتخرجت من University of Nebraska at Omaha .. وكان تخصصي مثل تخصصك "نظم المعلومات الادراية"
    انا انصحك بهذي الجامعة .. هي مرره تمام وقوية والمعهد بعد كثير متساعد مع الطلاب في كيفية تأهيلهم للدخول للجامعة.
    أما بالنسبة للمدينة ،، فهي مدينة أوماها في ولاية نبراسكا .. المدينة كبيرة وكثير آمنه ورخيصة مقارنة بالمدن الثانية.

    والجامعة الثانية اللي انصحك فيها هي الجامعة اللي ادرس فيها حاليا ماجستير وهي DePaul University in Chicago
    الجامعة مرررره قوية .. لكن عيبها ان المدينة غالية شوي وخصوصا من ناحية السكن والحضانات اذا عندك اولاد.

    تحياتي لك
    ابو ريان
    7 "
  5. المشاركة الأصلية كتبت بواسطة satu
    ارشح لك ماليزيا ..
    دوله اسلاميه وتحترم الحجاب والنقاب كمان وشعب مسالم وطيب وسهل التعامل معه ...
    جامعاتها قويه والتعليم فيها ممتاز ....

    الف شكر .. جزاك الله خير . فعلا قريت عنها كثير بخصوص التعليم والتعامل مع الشعب فعلا كلامك صح

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.