الأعضاء الإشتراك و التسجيل

الملتقيات
ADs

استفسار :: بين جامعة البترول بالشرقية او التدرج للمرحلة الثانوي بأرامكو ^^

استفسار :: بين جامعة البترول بالشرقية او التدرج للمرحلة الثانوي بأرامكو ^^


NOTICE

تنبيه: هذا الموضوع قديم. تم طرحه قبل 4434 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعث في المستقبل
    مبتعث في المستقبل

    مبتعث مستجد Freshman Member

    مبتعث في المستقبل الولايات المتحدة الأمريكية

    مبتعث في المستقبل , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى علمي , بجامعة الله يكتب الخير
    • الله يكتب الخير
    • علمي
    • ذكر
    • المملكة العربية السعودية, الرياض
    • السعودية
    • Jan 2008
    المزيدl

    February 7th, 2012, 06:49 PM

    السلام عليكم ورحمة الله وبركاته
    اسف على طرحي للموضوع في هذا القسم احترت ماعرفت اي قسم احط فيه الاستفسار وانا على الاجابة الوافية حقدر احدد مستقبلي


    عندي استسفسار عشان محتااار جدا جدا جدا بعد ماخلص ثنوي ابي قرار واحد وسبيل واحد اكون واثق فيه
    ايش افضل مستقبلا دراسة هندسة بترول في جامعة الملك فهد للبترول والمعادن بالشرقية ولا التدرج للمرحلة الثانوية في ارامكو وهل فيها هندسة بترول ؟

    لو درست بجامعة البترول وكملت بكالوريوس وماجستير افضل من ارامكو ؟ ولا ارامكو الافضل
    مرة متحير ارجو الخدمة جزاكم الله خير
  2. نصيحة من أخ لأخوه إذا تبي تدفن نفسك وتقتل شبابك وطموحك إدخل أرامكو وبالذات في برنامج التدرج اللي راح يخرجك بالأخير فني وراح تبقى فني طول عمرك ومحصور في أرامكو ماتقدر لا تروح ولا تجي بينما هم ممكن يستغنون عنك في أي لحظة وماتقبلك أي شركة لأنه دبلوم أرامكو ماتعتبر شهادة بالمعنى المتعارف عليه والراتب ماراح يجزيك أبدا عن الشغل الجبار والكرف اللي راح تسويه وأضف إلى ذلك أن المميزات كلها للمهندسين مع أن الشغل كله على الفنيين ومع ذلك يعاملون باإستعباد وممكن أيضا خسارة الصحة والأهم من كل هذا أنه من الصعب جدا إعطائك المجال إنك تكمل دراستك بعد الوظيفة لإنهم يبونك فني ولا شئ آخر وحتى لو كملت ممكن تجد صعوبة في تغيير مسماك ووضعك الوظيفي.

    لو إني مكانك (وشفني أنا مبتعث) توكلت على الله ودخلت جامعة البترول وفضلتها على البعثة لقوة الجامعة وسمعتها الطيبة بين الشركات ودام فيك شدة على الدراسة صدقني لا مقارنة على الأطلاق بين البترول وبرنامج أرامكو فعند تخرجك من الجامعة شهادتك هي اللي تشفعلك تروح من مكان لمكان وبالراتب اللي أنت تحب حتى أرامكو نفسها لو حصلت لك ممكن تتركها لفرص أفضل في المستقبل وراح أقيس سؤالك على مثال قريب من وضعك فاإعتبر نفسك إنك معروضة عليك تتوظف في المرتبة الخامسة بالثانوي أو الدبلوم (والترقية تاخذ لها سنين على حسب توفر الشاغر) أو ممكن تحصل على السادسة مباشرة لو خلصت البكالوريس وممكن تحصل أماكن أحسن فاايش راح تختار.

    لذلك برنامج التدرج خله آخر خيار لك لأنه مستقبلك راح يصير مرسوم بالملي ومن الصعب تغييره إلا بعد خسارة الوقت والعمر والصحة فالراتب اللي راح تاخذه من أرامكو راح تعوضه لو تخرجت من البترول وباأضعافه بالتوفيق.
    7 "
  3. يعطيييييييييييييييييييييك الف الف الف عاااااااااااااافية حبيبي والله ماقصرت وكلامك شجعني اكثر واكثر للبترول والحمدلله تأكدت من كلامك انه التدرج للمرحلة الثانوية مايستاهل وسمعت كم شي قبل كذا عنهم والحين تأكدت جزاك الله الف خير اخوي صالح ماعرف وش اقول صراحة ماقصرت واتمنى ان الله يوفقك في دنياك وآخرتك يارب وييسر لك كل صعب ^^
    جزاك الله خير
    7 "
  4. اخوي لاتفكر انك تدخل ارامكو اذاا كان لك طموح انك تكمل واذا كانت الدراسه رغبتك لانك بتعتبر عندك ثانوية فقط لاغير

    الشهاده الي تعطيك ايها ارامكو تراها ماتعتبر حتى دبلوم

    ممكن تقول عنها مجرد كورسااات او خبره


    توكل على الله وادخل البترول تراها من احسن الجامعات


    الله يوفقك
    7 "
  5. السلام عليكم ..
    أكيد جامعة البترول أفضل اذا شديت حيلك فيها و مشيت صح لا نها جامعة بمواصفات عالمية ...
    واذا تخرجت منها أن شاء الله راح تكون حر نفسك ويكون عندك كذا خيار أما الوظيفة او انك تكمل دراسات عليا ..
    بالتوفيق لك أخوي ....
    7 "
  6. المشاركة الأصلية كتبت بواسطة Moayd
    اخوي لاتفكر انك تدخل ارامكو اذاا كان لك طموح انك تكمل واذا كانت الدراسه رغبتك لانك بتعتبر عندك ثانوية فقط لاغير

    الشهاده الي تعطيك ايها ارامكو تراها ماتعتبر حتى دبلوم

    ممكن تقول عنها مجرد كورسااات او خبره


    توكل على الله وادخل البترول تراها من احسن الجامعات


    الله يوفقك
    جزاك الله خير اخوي ماقصرت وان شاء الله سالفة ارامكو بطيرها من راسي ولاعد افكر فيها والبترول بإذن الله حشد حيلي عشان انقبل فيها يارب امين يوفق الجميع يارب
    7 "
  7. المشاركة الأصلية كتبت بواسطة "KitKat"
    السلام عليكم ..
    أكيد جامعة البترول أفضل اذا شديت حيلك فيها و مشيت صح لا نها جامعة بمواصفات عالمية ...
    واذا تخرجت منها أن شاء الله راح تكون حر نفسك ويكون عندك كذا خيار أما الوظيفة او انك تكمل دراسات عليا ..
    بالتوفيق لك أخوي ....
    وعليكم السلام ورحمة الله ^^
    ايه اكثر من عيال خالتي داخلينها ماشاء الله عالمية وماتحتاج من افضل جامعات السعودية فعشان كذا ماحفكر بغيرها ان شاء الله
    الله يسهلها لي يارب انا خايف من اختباراتهم حقت القبول وطريقتها وكذا لكن التوفيق من الله وان شاء الله حاكمل ماجستير اذا قدرت لو خارج المملكة
    اهم شي اأمن مستقبل اسعد بيه وارتاح فيه
    جزاك الله خير اخوي كتكات والله رفع المعنويات يفيد هالايام بارك الله فيك ويوفقك بعد يارب
    7 "
  8. نرجع لإستفسارك بالنسبة لبرنامج البعثات التابع لأرامكو جيد لكن فيه 4 إشكاليات:

    1- التخصصات على ماأعتقد محدودة وممكن يلزمونك بتخصص معين ماترغبه.
    2- البرنامج جاد جدا وصارم في مراقبة ومحاسبة مبتعثين أرامكو وليس بمرونة برنامج خادم الحرمين.
    3- لازم تخدم سنوات معينة بعد التخرج في أرامكو أو ترد المبالغ اللي صرفت عليك بعكس برنامج الأبتعاث.
    4- مالك حق في إختيار الإدارة اللي راح تخدم فيها بعكس تخرجك من البترول واللي تفتح لك الأبواب بدون قيود.

    في النهاية تخصص هندسة البترول (إذا كنت راح تتخصص فيه) محدود في شركات على عدد الأصابع ومن الأفضل لوضعك أن تدخل برنامج أرامكو مباشرة لأن وظيفنك مضمونه بعد التخرج ولأنه يوجد فائض في المتخصصين بهندسة البترول وأما إذا كنت تفكر في تخصصات أخرى أنصحك بجامعة البترول.

    لذلك ممكن ترتبها على النحو الأتي:

    1- جامعة البترول.
    2- بعثات وزارة التعليم العالي.
    3- بعثات أرامكو.

    بالتوفيق.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.